ඌරන්ට මාරාන්තික වන අප්‍රිකානු සූකර උණ රෝගයට ගොදුරු වූ නවතම ආසියානු රට බවට ඉන්දුනීසියාව පත්ව තිබේ.

උතුරු සුමාත්‍රාවේ ඌරන් 30000කට ආසන්න සංඛ්‍යාවක් මෙම රෝගයෙන් දැනට මියගොස් ඇති බව එරට කෘෂිකර්ම අමාත්‍යාංශය පවසයි.
 සූකර උණ හේතුවෙන් මෙම වසරේ චීනයේ ඌරු ගහනය අඩකින් අඩුවී ඇතැයි වාර්තා වේ.
 
මෙම රෝගය ඕස්ට්‍රේලියාවට ඇතුළු වීම වැලැක්වීම සඳහා ජෛව ආරක්ෂණ හා නිරෝධායන උපක්‍රම දැඩි කිරීමට එරට බලධාරීහු පියවර ගත්හ.
 
සූකර උණ වෛරය මිනිසුන්ට හානිකර නොවන නමුත් එමගින් ඌරු ගහනයක මරණ අනුපාතය සියයට සීයක් දක්වා ඉහල යාමට හැකි බව ලෝක සෞඛ්‍ය සංවිධානය පවසයි. 
 
ශක්තිමත් වෛරසයක් වන මෙය ධාරකයෙකු නොමැතිව දින හතරක් සහ ශීත කළ ඌරු මස් නිශ්පාදන වල මාස ගනනක් නොනැසී පවතී.
 
ගිනිකොනදිග ආසියානු කළාපයේ රටවල් අතරින් පිලිපීනයේ හා වියට්නාමයේ ද දරුණු ලෙස වෛරසය පැතිිරෙමින් පවතියි.
 
මේ හේතුවෙන් වියට්නාමයේ ඌරු මස් නිශ්පාදනය මෙම වසරේ සියයට 21කින් සහ ලබන වසරේ තවත් සියයට අටකින් පහල යනු ඇතැයි අනතුරු අඟවා ඇත.
 
(බීබීසී ඇසුරිණි - 085)