වසාදමා තිබුණු නුවරඑළිය මහ හෝටලය
අප්රේල් මාසයේ නුවරඑළිය වසන්ත උත්සවය සැමරුවේ ඊට එක්වූවන් මහත් ආශ්වාදයකට පත්කරමිනි. අවුරුදු තිහක යුද සමයේ ද කිසිදු හිරිකිතයකින් තොරව නුවරඑළියේ වසන්ත උත්සවය සැමරීමට කොළඹ ප්රධාන නගර ගම්දනව්වල අතමිට සරු පිරිස් සල්ලි විසිකළේ මහත් උජාරුවෙනි. මේ අතර අප්රේල් නිවාඩුවට කොළඹ පාළුවෙද්දි නුවරඑළිය තුළ ලක්ෂ ගණනින් ජනතාව පිරිගියේ පුංචි නුවරඑළිය නගරයට ඔරොත්තු නොදෙන අකාරයටය. එහෙත් අද කොළඹත් හිස්ය. නුවරඑළියත් හිස්ය.
ගෙවුණු දශක පහක හයක කාලය තුළ නුවරඑළිය වසන්ත උත්සවයේ උචිතම දින කීපය වන අප්රේල් 14, 15, 16, 17 යන දිනයන් හි දී නුවරඑළිය විවිධ ප්රසංග වලින් හැඩවුවද මෙවර වසන්ත උත්සව සමයේ නුවරඑළිය මුළුමනින්ම පාළුවට ගොස් තිබුණු අයුරු පුදුමසහගතය.
2019 අප්රේල් 21 වන පාස්කු දින ත්රස්ත ප්රහාරයෙන් නුවරඑළිය වසන්ත උත්සවයේ න්යාය පත්රයේ කොටසක් මුළුමනින්ම නතර වූයේ මහත් කම්පනයකින් යුතුවය.
2020 නුවරඑළිය වසන්ත උත්සවය වෙනුවෙන් නුවරඑළිය මහා නගර සභාව ප්රධාන රාජ්ය ආයතන පෞද්ගලික ආයතන එක්ව මාස ගණනාවක් සිට සැලසුම් පිළියෙල කළේ අති උත්සවාකාරයෙන් අප්රේල් වසන්ත උත්සවය මහත් ඉහළින් සැමරීමටය.
නගරයක් කේන්ද්රිය කරගෙන මාසයක් පුරා උත්සව සැණකෙළියක් පවත්වන එකම නගරය නුවරඑළිය වේ. මෙම කාලයේ නුවරඑළිය සංචාරක නගරයක් ලෙස මෙරට මෙන්ම විදේශ රටවල ප්රචලිතය. ඒ වෙනුවෙන් විසල් හෝටල් නිවාඩු නිකේතන ලැගුම්හල් නුවරඑළිය අවට දහස් ගණනකි. එම සංචාරක ව්යාපාරය හා බැඳුණු සුවිශේෂ ස්ථාන ආශ්රිතව විවිධ ස්වයං රැකියා කරන පිරිස් දහස් ගණනකි. ඔවුනට අප්රේල් වසන්තය ආශිර්වාදයකි. ඒ අප්රේල් වසන්තයට මෙටර දේශීය සංචාරකයින් ලක්ෂ ගණන් නුවරඑළියට මාසයක පුරා එක්වීම නිසාවෙනි.
තනි වූ ග්රෙගරි වැව් උද්යානය
එහෙත් ඒ සියලුම දෙනාගේ අපේක්ෂාවන් පැතුම් බිඳවැටී අද කී නොකී පිරිස් තම නිවෙස් තුළට කොටු වී සිටිති. ඒ කොරෝනා වෛරස් බිය හමුවේය.
නුවරඑළිය අතිවිශාල සංචාරකයින්ට ලැගුම් සැපයූ මහ හෝටල් වසා මාසයක් පමණ ගත විය. සුන්දරත්වය ගෙනදුන් ග්රෙගරි වැව් උද්යානය වික්ටෝරියා උද්යානය මලින් පිරීගිය ද සංචාරකයින්ගෙන් තොරය. මුළු නගරයම පාළුවට ගොසිනි. නුවරඑළියට එන අතිවිශාල දෙස් විදෙස් සංචාරකයින් නොවරදවාම නිරතුරුව යන එන සිතාඑළිය සිදෙයිඅම්මාන් කෝවිල පාලුවට ගොසිනි.
බැතිමතුන්ගේ හිස් වූ දේවාලය ආශ්රිතව ගැවසුණු රිළව් රංචුව සියලු දෙනාම ආහාර සොය සොයා සිතාඑළිය වන රක්ෂිතය තුළට ඇදී ඇත. වෙනදා පූජාවන් තබා හැරෙන තැපැලෙන් රිළවුන් පූජා වට්ටියේ ඇති පලතුරු ඩැහැගෙන යාමට පුරුදුව සිටි අතර එය කෝවිලට එන බැතිමතුන්ටද මහත් හිරිහරයක් වී තිබුණි. එවැනි තැනක්ද අද එකදු රිළවෙකු දැකගත නොහැකි වීම පුදුම සහගතය.
වෙනත් වසරවල අප්රේල් 14 දින අතිවිශාල ජනතාවකගෙන් පිරුණු නුවරඑළිය නගරය 2020 අප්රේල් 14 දා
මාසයකට ආසන්න කාලයක් නුවරඑළිය පුරා සොබාදහමේ පවතින නිහැඬියාව සොබාදහමේ නීතියට මුළු ලෝ සතුන්ම අවනත විය යුතු යන මහඟු පාඩම අපට කියාදෙන්නක් වැනිය.
ඡායාරූප හා සටහන
නුවරඑළිය ෂෙල්ටන් හෙට්ටිආරච්චි
ලෝකායන විද්යාව අනුව ලංකාවට අයත්වෙන්නේ කුම්භ ලග්නයයි. 2024 අලුත් අවුරුදු ආරම්භය සිදුවී එක් සූර්ය මාසයක් ගතවීමට පෙරාතුව මෙතෙක් පැවති ලංකාවේ ග්රහචාරය ද
‘අපි අපේ ආදරණීයයන් සමඟ ජීවත් වන්නේ බලාපොරොත්තු සහ සිහින පොදි බැඳගෙනය. ඒත් සුව කළ නොහැකි රෝගයක් ඇතැයි දැනගන්න ලැබුණොත් ඒ සියල්ල අවසන්ය. ඔබ කාන්තාවක නම්,
මෙවර සූර්ය මංගල්යයට තව ඇත්තේ සති කිහිපයකි. සූර්යයා මීන රාශියේ සිට මේෂ රාශියට ගමන් කරනු ලබන්නේ 2024 ක් වූ අප්රේල් මස 13 වැනි ශනිදා රාත්රී 9.05ට වන අතර එම අවස්
මිහිමත සෑම අස්සක් මුල්ලක්ම ගවේෂණය කරමින්, සතුන්ගේ විස්මිත තතු අනාවරණය කරන නවතම වාර්තා වැඩසටහන ‘‘පෝල් ටු පෝල් විත් විල් ස්මිත්’’ ය. මෙම වාර්තා වැඩසටහන්
මීට වසර 20 කට පෙර මුහුණු පොත ආරම්භ වූ ආකාරය දෙස බලන විට ලොව ජනප්රියතම සමාජ මාධ්ය ජාලය බවට පත්වන තෙක් පැමිණි ගමන ඇතැමෙකුට විශ්වාස කිරීමට තරමක් අපහසුය.
බුද්ධිමත් ශක්තිමත් ගැහැනිය සාම්ප්රදායික ස්ත්රී භූමිකාව නමැති වැට කඩුල්ලෙන් කොටු වී සිටින්නේ නැත. එසේ සිටියහොත් තමාට රඟ පාන්නට හැකි වෙනත් භූමිකා ප
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
වසන්තය පිළිගන්න උත්සව තැබූ නුවරඑළියත් අසරණ වී