25 වැනි වරට පැවති ලෝක තරුණ විද්යා සමුළුව අප්රේල් මස 19 දා සිට 25 දා දක්වා සර්බියාවේ (පැරණි යුගෝස්ලාවියාවෙන් බෙදී වෙන් වූ) බෙල්ග්රේඩ් නුවර අතිඋත්කර්ෂවත් අයුරින් පැවැත්විණි. මෙවර මෙම ලෝක සමුළුව සංවිධානය කරනු ලැබූවේ බෙල්ග්රේඩ් නුවර පිහිටා ඇති “බෙල්ග්රේඩ් කලාපීය යොවුන් කුසලාන මධ්යස්ථානයේ”සංවිධානයෙනි.
ලොව අති ප්රබල රටවල් 40කට ආසන්න වූ ප්රමාණයක යොවුන් තරුණ විද්යාඥයන් 300ක පමණ පිරිසක් පරිගණක තාක්ෂණය, භෞතික විද්යාව, පාරිසරික විද්යාව, ජීව විද්යාව, ගණිතය හා ඉංජිනේරු විද්යා අංශවලින් මෙන්ම සියලුම අංශවලට පොදු වූ පෝස්ටර් අංශයෙන් ද තම පර් යේෂණ හා විද්යාත්මක නිමැවුම් ඉදිරිපත් කර තිබිණි.
සර්බියානු විද්යා ඇකඩමිය, බෙල්ග්රේඩ් විශ්ව විද්යාලය, බෙල්ග්රේඩ් නාගරික ආණ්ඩුකාරීත්වය, සර්බියානු ටෙලිකොම් ආයතනය ඇතුළු සුවිශාල ආයතන ගණනාවක් මෙම ලෝක සමුළුවට සහයෝගය ලබා දී තිබිණි.
මෙම ලෝක සමුළුවට යම් කිසි රටකට ආරාධනාවක් ලැබෙනුයේ අන්තර්ජාතික තරුණ විද්යා සමුළුව විසින් (ICYS) නිර්දේශ කරන රටකට පමණි. පසුගිය වසරේ (2017) දී ජර්මනියේ සටුට්ගාට් හිදී 24 වැනි වරට පැවති ලෝක තරුණ විද්යා සමුළුවට ශ්රී ලංකාවෙන් පළමුවරට සිසුන් දෙදෙනකුට සහභාගී වීමට වරම් හිමි වූ අතර එහිදී කොළඹ නාලන්දා විදුහලේ රඛිඳු රන්දිව් හට ලක් මව වෙත රිදී පදක්කමක් දිනා දීමට හැකි වූ අතර එම වසරේ ලොව ලාබාලතම තරුණ විද්යාඥයා වීමට ද හැකිවිණි.
මෙම 25 වැනි ලෝක තරුණ විද්යා සමුළුවට සහභාගී වීම සඳහා නාලන්දාවේ රඛිඳු රන්දිව් වික්රමරත්න හට අන්තර්ජාතික තරුණ විද්යා කමිටුවෙන් සුවිශේෂී ආරාධනාවක් ලැබෙනුයේ ඔහු පසුගිය 2017 වසරේ ජර්මනියේදී දැක් වූ සුවිශේෂී දක්ෂතා හේතු කොට ගෙනය.
අධ්යාපන අමාත්යාංශය සංවිධානය කළ සමස්ත ලංකා මූලික තරගවලින් ජය ගත් සමාෂි විහංගා මුණවීර (කොළඹ සිරිමාවෝ බණ්ඩාරණායක බාලිකා විද්යාලය) සහ මහනුවර උසස් බාලිකා විද්යාලයේ සවන්දි සේනානායක හට මෙම ජාත්යන්තර තරගයට සුදුසුකම් ලබා ගැනීමට හැකිවිණි.
මෙම ජාත්යන්තර සමුළුවේදී රඛිඳු රන්දිව් හා සමාෂි විහංගා ජීව විද්යා අංශයෙන් ද සවන්දි සේනානායක පාරිසරික විද්යා අංශයෙන් ද තම පර් යේෂණ ඉදිරිපත් කර තිබිණි.
බකිනි පළතුරේ පිළිකා නාශක ගුණය සොයා ගැනීම වෙනුවෙන් රඛිඳු රන්දිව් ද දේශීය ශාඛයක ප්රතිජීවක ගුණය සොයාගැනීම වෙනුවෙන් සවන්දි සේනානායක ද ඩ්රැගන් ෆෘට් පළතුරේ පිළිකා පියවි සෛල නාශක ගුණය සොයා ගැනීම වෙනුවෙන් සමාෂි විහංගා ද
පර් යේෂණ පත්රිකා ඉදිරිපත් කිරීමේ (Power Point Presentation) තරගයට මෙන්ම පෝස්ටර් ඉදිරිපත් කිරීමේ (Poster Presentation) තරගයට ශ්රී ලංකාව වෙනුවෙන් සිය පර් යේෂණ ඉදිරිපත් කරන ලදී.
අපේ පුංචි විද්යාඥයන් තිදෙනාටම පෝස්ටර් අංශයෙන් අතිදක්ෂතම පෝස්ටර් ඉදිරිපත් කිරීම වෙනුවෙන් රන් පදක්කම් දිනාගැනීමට හැකිවිණි.
ජර්මනිය, ප්රංශය, රුසියාව, නෙදර්ලන්තය, හංගේරියාව, ග්රීසිය, යුක්රේනය, බ්රසීලය, ඉරානය, පෝලන්තය, චෙක් ජනරජය, මැසිඩෝනියාව, තුර්කිය, බෙලරුසියාව වැනි රටවල් මෙන්ම ආසියාතිකරයේ මැලේසියාව, ඉන්දුනීසියාව, තායිලන්තය, සිංගප්පූරූව, ඉන්දියාව වැනි නූතන තාක්ෂණයෙන් සමන්විත මුද්රණ ක්රම භාවිත කොට නිමැවූ පෝස්ටර් අතරින් අපගේ පුංචි ශ්රී ලංකාද්වීපයට ලැබූ රන් ඇස්වැන්න අතිශයින්ම අනභිභවනීයවනු නොඅනුමානය.
මෙම සමුළුවේදී පර් යේෂණ පත්රිකා ඉදිරිපත් කිරීමේ තරගයෙන් පදක්කමක් දිනාගැනීම යම් රටකට ඉතාම සුවිශේෂීත්වයක් හිමි කර දෙන්නකි. ඒ මන්දයත් එහිදී ලොව පිළිගත් මහාචාර්ය මඬුල්ලක් (5 දෙනෙකුගෙන් සමන්විත) ඉදිරියේ මිනිත්තු 15ක කාලයක් තම පර් යේෂණ ඉදිරිපත් කිරීමෙන් අනතුරුව තවත් මිනිත්තු 5ක කාලයක් ජූරියේ සියලු හරස් ප්රශ්නවලට ඔවුන් සාර්ථකව පිළිතුරු සැපයිය යුතු නිසාවෙනි.
පර් යේෂණ පත්රිකා ඉදිරිපත් කිරීමේ තරගයෙන් රඛිඳු රන්දිව් ලක් මාතාව රිදී පදක්කමකින් සැරසූ අතර සමාෂි විහංගා හා සවන්දි ලෝකඩ පදක්කම් ද්විත්වයකින් ලක් මාතාව සරසන ලදී.
නාලන්දාවේ රඛිඳු රන්දිව් වික්රමරත්න මේ වනවිට ජාත්යන්තර තරුණ විද්යා සමුළු 4කදී (ජර්මනිය, මැලේසියාව, නේපාලය හා සර්බියාව) රිදී පදක්කම් 4ක් හා රන් පදක්කමකින් ලක් මාතාව ජාත්යන්තරය තුළදී වර්ණවත් කර ඇත. එමෙන්ම මෙවර සමුළුවේදී පැවති සංස්කෘතික අංගයේදී ඔහු ඉදිරිපත් කළ ශ්රී ලංකාවේ දර්ශනීය ස්ථාන සමඟ මුසු වූ සංගීතමය ඉදිරිපත් කිරීම වෙනුවෙන් සියලු රටවල් අතරින් ශ්රී ලංකාවට 6 වන ස්ථානය හිමිවීමද කැපී පෙනුණි.
රඛිඳුගේ හා සමාෂිගේ පර් යේෂණ අධීක්ෂණය කරන ලද්දේ කොළඹ විශ්වවිද්යාලයේ ජෛව රසායන, අනුක ජීව විද්යාව හා ජෛව තාක්ෂණ ආයතනයේ ආචාර්ය සමීර ආර්. සමරකෝන් මහතා හා ඔහුගේ පර් යේෂණ කණ්ඩායම විසිනි. එහිදී එම සිසුනට එහි පර් යේෂණාගාර පහසුකම් ද හිමිවිණි.
සමාෂි විහංගා හා සවන්දි සේනානායක යන සිසුවියන් සඳහා මූල්ය පහසුකම් අධ්යාපන අමාත්යාංශයෙන් සැපයූ අතර සුවිශේෂී ආරාධනාවක් මත සහභාගී වූ රඛිඳු රන්දිව්ගේ ගුවන් ටිකට්පත් ආදී වූ මූල්ය පහසුකම් ඔහුගේ දෙමව්පියන් විසින් සපයන ලදී.
මෙම සමුළුවට සහභාගී වූ තරුණ විද්යාඥයන් හට බෙල්ග්රේඩ් හි ඓතිහාසික බළකොටුව හා යුධ ස්මාරකය, අතිරමණීය වූ බෙල්ග්රේඩ් නගරය, බෙල්ග්රේඩ් හි හදවත බඳු වූ ශාන්ත සාවා පල්ලිය, බෙල්ග්රේඩ් උද්යානය, නිකොලා ටෙස්ලා කෞතුකාගාරය, බෝල්කානු රටවල ඇති උසින් වැඩිම වූ ඇවලා කුළුණ ද හඳුනා නොගත් සර්බියානු යුද සෙබළා ස්මාරකය (I ලෝක සංග්රාමයේදී) හා යුගෝස්ලාවියානු හිටපු ජනපති ටිටෝගේ ඓතිහාසික නිල් දුම්රිය (සුඛෝපභෝගී) ද නැරඹීමට මෙන්ම සර්බියානු ජාතික නර්තනයන් නැරඹීමට ද අවස්ථාව ලැබී තිබීම සුවිශේෂී විණි.
සටහන
කීර්ති වික්රමරත්න
බෙල්ග්රේඩ් සංචාරයෙන් අනතුරුව
ජ්යෙෂ්ඨ වෛද්ය පර්යේෂනාගාර තාක්ෂණ විද්යාඥ.
ලෝකායන විද්යාව අනුව ලංකාවට අයත්වෙන්නේ කුම්භ ලග්නයයි. 2024 අලුත් අවුරුදු ආරම්භය සිදුවී එක් සූර්ය මාසයක් ගතවීමට පෙරාතුව මෙතෙක් පැවති ලංකාවේ ග්රහචාරය ද
‘අපි අපේ ආදරණීයයන් සමඟ ජීවත් වන්නේ බලාපොරොත්තු සහ සිහින පොදි බැඳගෙනය. ඒත් සුව කළ නොහැකි රෝගයක් ඇතැයි දැනගන්න ලැබුණොත් ඒ සියල්ල අවසන්ය. ඔබ කාන්තාවක නම්,
මෙවර සූර්ය මංගල්යයට තව ඇත්තේ සති කිහිපයකි. සූර්යයා මීන රාශියේ සිට මේෂ රාශියට ගමන් කරනු ලබන්නේ 2024 ක් වූ අප්රේල් මස 13 වැනි ශනිදා රාත්රී 9.05ට වන අතර එම අවස්
මිහිමත සෑම අස්සක් මුල්ලක්ම ගවේෂණය කරමින්, සතුන්ගේ විස්මිත තතු අනාවරණය කරන නවතම වාර්තා වැඩසටහන ‘‘පෝල් ටු පෝල් විත් විල් ස්මිත්’’ ය. මෙම වාර්තා වැඩසටහන්
මීට වසර 20 කට පෙර මුහුණු පොත ආරම්භ වූ ආකාරය දෙස බලන විට ලොව ජනප්රියතම සමාජ මාධ්ය ජාලය බවට පත්වන තෙක් පැමිණි ගමන ඇතැමෙකුට විශ්වාස කිරීමට තරමක් අපහසුය.
බුද්ධිමත් ශක්තිමත් ගැහැනිය සාම්ප්රදායික ස්ත්රී භූමිකාව නමැති වැට කඩුල්ලෙන් කොටු වී සිටින්නේ නැත. එසේ සිටියහොත් තමාට රඟ පාන්නට හැකි වෙනත් භූමිකා ප
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ලක් මව රනින් සැරසූ පුංචි විද්යාඥයෝ