ආදරය, දයාව, කරුණාව මිනිසුන් පමණක් නොව සත්තු ද අපේක්ෂා කරති. ආදරය, දයාව, කරුණාව හමුවේ දරුණු මිනිස්සු මෙල්ල වෙති. දරුණු සත්තු හීලෑ වෙති.
ඒ බව සනාථ කරමින් ආදරය, දයාව, කරුණාව හමුවේ හීලෑ වූ විෂඝෝර නාග රාජයකු මුලතිව් දිස්ත්රික්කයේ වැලිඔය, නිකවැව දකුණ ප්රදේශයේ ශ්රී වර්ධනාරාම විහාරස්ථ පින්බිමේදී අපට දක්නට ලැබුණි.
එම විහාරස්ථානයේ විහාරාධිපතිව වැඩවසන 20 හැවිරිදි කෝකිලාවේ පියරතනාලංකාර හිමියෝ එම ප්රදේශයේ ලොකු කුඩා කා අතරත් ආදරයට, ගෞරවයට පාත්රවන තරුණ හිමිනමකි.
කලක් කොටි ත්රස්තවාදීන්ගේ තර්ජනයන්ට ලක්ව තිබූ අදටත් බොහෝ දුෂ්කරතා මැද ජීවත්වන ජනතාවක් වෙසෙන ප්රදේශයක් ලෙස වැලිඔය ප්රසිද්ධය. එවැනි ප්රදේශයක වැඩවාසය කරමින් සිය දායක දායිකාවන්ට ආදරය, දයාව, කරුණාව දක්වමින් පියරතනාලංකාර හිමියෝ නිහඬව මහත් ආගමික හා සමාජයීය මෙහෙවරක් ඉටුකරති.
උන්වහන්සේ වැඩ වසන ශ්රී ධර්මවර්ධනාරාම විහාරස්ථානයේ කුඩා පොකුණක් ඉදිකිරීමේ කටයුතු මීට කලකට පෙර ආරම්භ කර තිබුණි. නමුත් එම කටයුතු අතරමග නතර විය. එම පොකුණ සඳහා බඳින ලද ගල්වැටිය තුළ ටික කලෙක සිට නාගයකු ගැවැසෙන බව පියරතනාලංකාර හිමියන් පමණක් නොව විහාරස්ථානයේ වැඩවසන අනෙක් කුඩා හිමිවරු ද දායකයෝ ද දැක තිබිණි.
කාගෙන්වත් අනතුරක් නැති නිසා මේ විශාල නාගයා සිය නවාතැන බවට එතැන පත්කරගෙන තිබියදී දැනට මාසයකට පමණ පෙර ඌ පන්සල් වත්තේදී කුඩා පිඹුරකු ගිල දමන ආකාරය පියරතනාලංකාර හිමියන් සහ විහාරස්ථානයේ ඒ අවස්ථාවේ සිටි අය දැක තිබිණි. පියරතනාලංකාර හිමියන් සර්පයින් දෙදෙනා දෙපසකට කර උන්ගේ ජීවිත බේරන්නට උත්සාහ කර තිබුණත් එය අසාර්ථක වී ඇත. මේ නිසා කුඩා පිඹුරා විශාල නාගයා විසින් ගොදුරු කරගෙන තිබුණි.
මීට දින කිහිපයකට පෙර, අඩි හතකට වඩා දිග මේ විශාල නාගයා පන්සල ඉදිරිපිට මාර්ගය අයිනේ තුවාල ලබා යාමට ඒමට අපහසුවෙන් සිටියදී එය දුටු පියරතනාලංකාර හිමියෝ නාගයා අල්ලාගෙන පන්සලට රැගෙනවිත් ඌට ප්රතිකාර ලබාදීමෙන් අනතුරුව උගේ නවාතැන්පොළ වන පොකුණ හදන්නට හැදූ ගල් ගොඩ ළඟ තබා තිබුණි.
පියරතනාලංකාර හිමියන් සමග නාග රාජයා සිටින අයුරු
නමුත් ගල් ගොඩේ නොසිට මේ විශාල නාගයා පියරතනාලංකාර හිමියන්ගේ කාමරයට පැමිණ ඇත. නැවත ගල් ගොඩ ළඟට ගෙන ගොස් දැමුව ද ඌ නැවත නැවතත් කාමරයට පැමිණෙන නිසා පියරතනාලංකාර හිමියෝ සිය කාමරයේ ඉන්නට නාගයාට ඉඩ දී තිබිණ.
කාමරයට පැමිණි ඌ ඉන් පසු පියරතනාලංකාර හිමියන් සැතපෙන ඇඳ උගේ යහන බවට පත්කර ගෙන ඇත. පියරතනාලංකාර හිමියන් හිස තබන කොට්ටය අසලට වී පියරතන හිමියන් සැතපෙද්දී මේ නාග රාජයා ද නිදා ගන්නා අතර තම ශරීරයට යට වුණත් උගෙන් තමන්ට කිසිදු හිරිහැරයක් මෙතෙක් සිදුනොවූ බව උන්වහන්සේ පවසති.
කිරි හා බිත්තර ආහාරයට ගන්නා මේ නාග රාජයා ඒ ආහාර අනුභව කරන්නේ තමන් විසින් ලබාදුන් විටදී පමණක් බවත් වෙනත් අය දුන් විට අනුභව කිරීම ප්රතික්ෂේප කරන බවත් පියරතනාලංකාර හිමියෝ පවසති.
දැන් මේ නාග රාජයා පියරතනාලංකාර හිමියන්ගේ ළඟම දැවටෙමින් දවසේ වැඩි වේලාවක් ගත කරන ආකාරයත් යන යන තැන පස්සෙන් යන ආකාරයත් උන්වහන්සේ විහාරස්ථානයෙන් බැහැරට වැඩම කළහොත් නැවත විහාරස්ථානය වෙත වැඩම කරනතුරු උන්වහන්සේගේ කාමරයේ ඇඳට වී සිටින ආකාරයත් අපට දැක ගැනීමට ලැබුණි.
මේ නාග රාජයා පියරතනාලංකාර හිමියන් සමග සිටින ආකාරය දකිද්දී පෙර භවයක සිට දෙදෙනා අතර පවතින සබඳතාවක් දැයි යන සිතුවිල්ල අපට පහළ විය.
සටහන - අතුල බණ්ඩාර සහ
පදවිය - පී. සමරවීර
ලෝකායන විද්යාව අනුව ලංකාවට අයත්වෙන්නේ කුම්භ ලග්නයයි. 2024 අලුත් අවුරුදු ආරම්භය සිදුවී එක් සූර්ය මාසයක් ගතවීමට පෙරාතුව මෙතෙක් පැවති ලංකාවේ ග්රහචාරය ද
‘අපි අපේ ආදරණීයයන් සමඟ ජීවත් වන්නේ බලාපොරොත්තු සහ සිහින පොදි බැඳගෙනය. ඒත් සුව කළ නොහැකි රෝගයක් ඇතැයි දැනගන්න ලැබුණොත් ඒ සියල්ල අවසන්ය. ඔබ කාන්තාවක නම්,
මෙවර සූර්ය මංගල්යයට තව ඇත්තේ සති කිහිපයකි. සූර්යයා මීන රාශියේ සිට මේෂ රාශියට ගමන් කරනු ලබන්නේ 2024 ක් වූ අප්රේල් මස 13 වැනි ශනිදා රාත්රී 9.05ට වන අතර එම අවස්
මිහිමත සෑම අස්සක් මුල්ලක්ම ගවේෂණය කරමින්, සතුන්ගේ විස්මිත තතු අනාවරණය කරන නවතම වාර්තා වැඩසටහන ‘‘පෝල් ටු පෝල් විත් විල් ස්මිත්’’ ය. මෙම වාර්තා වැඩසටහන්
මීට වසර 20 කට පෙර මුහුණු පොත ආරම්භ වූ ආකාරය දෙස බලන විට ලොව ජනප්රියතම සමාජ මාධ්ය ජාලය බවට පත්වන තෙක් පැමිණි ගමන ඇතැමෙකුට විශ්වාස කිරීමට තරමක් අපහසුය.
බුද්ධිමත් ශක්තිමත් ගැහැනිය සාම්ප්රදායික ස්ත්රී භූමිකාව නමැති වැට කඩුල්ලෙන් කොටු වී සිටින්නේ නැත. එසේ සිටියහොත් තමාට රඟ පාන්නට හැකි වෙනත් භූමිකා ප
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
පන්සලක ජීවත්වෙන නාග රාජයෙක්