ලෝකෙටම දෙන්නයි
ඇය සුවිශේෂී කාන්තාවකි. වයස අවුරුදු 65කි. දුර්ලභ ජාන විකෘති වීමක් සහිත ලොව හමුවන පුද්ගලයන් දෙදෙනාගෙන් ඇය ද කෙනෙකි.
ඇයට පිලිස්සුම් සහ කැපුම් වේදනා නොදැනේ ජෝ කැමරන් නම් ස්කොට්ලන්ත ජාතික කාන්තාවගේ විශේෂත්වය එයයි.
ආහාර පිසින විට අත පිලිස්සුණ ද ඇයට එය නොදැනේ.
ජෝ කැමරන්ට මේ තත්ත්වය පිළිබඳව දැනගැනීමට ලැබුණේ ඇය මුහුණ දුන් බරපතළ ශල්යකර්මයකින් අනතුරුවය.
ඇයගේ එක් අතකට ශල්යකර්මය සිදු කරන අවස්ථාවේ වෛද්යවරු කැමරන්ට පවසා ඇත්තේ ශල්යකර්මයෙන් අනතුරුව දැඩි වේදනාවක් ඇති විය හැකි බවත්, ඒ සඳහා වේදනා නාශක ලබා දෙන බවත්ය.
එහෙත් තමාට වේදනානාශක අනවශ්ය බව ඇය වෛද්යවරුන්ට පවසා තිබිණ. වෛද්යවරුන් මුලින් එය විශ්වාස නොකළ ද ශල්යකර්මයෙන් අනතුරුව ඒ ආකාරයටම ඇයට වේදනාවක් නොදැනුණ බැවින් වෛද්යවරුන් පුදුමයට පත් වූ බව කැමරන් පවසන්නීය.
ඉන්පසු ඇයව පරීක්ෂාවට ලක් කළ වෛද්ය දෙව්ජිත් ශ්රීවස්ටාවා ඇයගේ වේදනාව හා සම්බන්ධිත ජාන පරීක්ෂාව සඳහා ඔක්ස්ෆර්ඩ් සහ ලන්ඩන් විශ්වවිද්යාල වෙත යොමු කර තිබේ.
පරීක්ෂණවලින් අනතුරුව කැමරන්ට වේදනාව දැනෙන්නේ අඩුවෙන් බව වෛද්යවරුන්ට තහවුරු විය.
“මට වේදනා නාශක අවශ්ය නැහැ. කිව්වහම ඒ ගොල්ලො මුලින් හිනා වුණා” ඇය බීබීසී ස්කොට්ලන්ත සේවයට පැවසුවාය.
“ඒ වගේම වෛද්යවරු මගේ පෙර වෛද්ය වාර්තා පරීක්ෂා කළා. එවිට ඔවුන් තේරුම් ගත්තා මම කවදාවත් වේදනා නාශක අරගෙන නැහැ කියලා” යනුවෙන් කැමරන් පවසන්නීය.
පසුව ඇය එංගලන්තයේ විශේෂඥ වෛද්යවරුන් වෙත යොමු කරන ලද්දේ මේ පිළිබඳව තවදුරටත් සොයා බැලීමටය.
“මම සතුටෙන් හිටපු කෙනෙක්. ඒත් මගේ වෙනසක් තියෙනවා කියලා මට තේරුණේ නැහැ.”
තමාට ප්රසව වේදනාව පවා නොදැනුණ බව පවසන කැමරන්, ඒක පුදුමයකට සහ විනෝදයට හේතුවක් වූ බව පැවසුවාය. කෙසේ වෙතත් වේදනාවේ වැදගත්කම ද කැමරන් අවධානයට ලක්කරන්නීය.
“වේදනාව තියෙන්නේ හේතුවක් නිසා. එමගින් ඔබට අනතුරු අඟවනවා. ඒ කියන්නේ යම් දෙයක් වීමට පෙර අනතුරු හැඟවීමක් තිබීම වැදගත්.”
යම් තුවාලයක් වූ විට සාමාන්ය පුද්ගලයන්ට වඩා ඉක්මනින් ඇය සුව අතට හැරෙන බව වෛද්යවරු විශ්වාස කරති.
මෙවැනි ජාන සහිත පුද්ගලයන්ට ඉක්මනින් අමතකවීම් සිදුවන බවත්, ඔවුන් චකිතයෙන් තොර පුද්ගලයන් බවත් වෛද්යවරුන් හඳුනාගෙන තිබේ.
“සමහර අය මට අකමැති ඇති. ඒ මම සෑම විටම සතුටින් ඉන්න නිසාත්, මට බොහෝ දේවල් ඉක්මනින් අමතක වෙන නිසාත්. නමුත් දැන් මට නිදහසට කාරණා තියෙනවා ඒ ගැන” යනුවෙන් ඇය පැවසුවාය.
කැමරන් වැනි තවත් පුද්ගලයන් ලොව සිටිය හැකි බව පර්ෙය්ෂකයන්ගේ මතයයි.
“අප මෙතෙක් කළ පරීක්ෂණ උපයෝගි කරගෙන නව ප්රතිකාර ක්රම නිර්මාණය කළ හැකියි කියල සිතනවා” යනුවෙන් වෛද්ය ශ්රීවස්ටාවා පැවැසීය.
මෙම සොයා ගැනීම මගින් ශල්යකර්මයකින් අනතුරුව දැනට ලබාදෙන වේදනානාශක වෙනුවට නව වේදනා නාශක හඳුන්වාදීමට හැකියාව ලැබෙතැයි වෛද්යවරු අපේක්ෂා කරති. එසේම වැඩි ඉක්මනින් තුවාල සුවකර ගැනීමට අවශ්ය ඖෂධ සොයා ගැනීමට හැකි වෙතැයි ද පර්ෙය්ෂකයෝ කල්පනා කරති.
එමගින් වසරකට ශල්යකර්ම සඳහා මුහුණ දෙන මිලියන 330ක් පමණ වන පිරිසකට සෙතක් වේ යැයි අපේක්ෂා කෙරේ.
(බී.බී.සී. ඇසුරින්)
ලෝකායන විද්යාව අනුව ලංකාවට අයත්වෙන්නේ කුම්භ ලග්නයයි. 2024 අලුත් අවුරුදු ආරම්භය සිදුවී එක් සූර්ය මාසයක් ගතවීමට පෙරාතුව මෙතෙක් පැවති ලංකාවේ ග්රහචාරය ද
‘අපි අපේ ආදරණීයයන් සමඟ ජීවත් වන්නේ බලාපොරොත්තු සහ සිහින පොදි බැඳගෙනය. ඒත් සුව කළ නොහැකි රෝගයක් ඇතැයි දැනගන්න ලැබුණොත් ඒ සියල්ල අවසන්ය. ඔබ කාන්තාවක නම්,
මෙවර සූර්ය මංගල්යයට තව ඇත්තේ සති කිහිපයකි. සූර්යයා මීන රාශියේ සිට මේෂ රාශියට ගමන් කරනු ලබන්නේ 2024 ක් වූ අප්රේල් මස 13 වැනි ශනිදා රාත්රී 9.05ට වන අතර එම අවස්
මිහිමත සෑම අස්සක් මුල්ලක්ම ගවේෂණය කරමින්, සතුන්ගේ විස්මිත තතු අනාවරණය කරන නවතම වාර්තා වැඩසටහන ‘‘පෝල් ටු පෝල් විත් විල් ස්මිත්’’ ය. මෙම වාර්තා වැඩසටහන්
මීට වසර 20 කට පෙර මුහුණු පොත ආරම්භ වූ ආකාරය දෙස බලන විට ලොව ජනප්රියතම සමාජ මාධ්ය ජාලය බවට පත්වන තෙක් පැමිණි ගමන ඇතැමෙකුට විශ්වාස කිරීමට තරමක් අපහසුය.
බුද්ධිමත් ශක්තිමත් ගැහැනිය සාම්ප්රදායික ස්ත්රී භූමිකාව නමැති වැට කඩුල්ලෙන් කොටු වී සිටින්නේ නැත. එසේ සිටියහොත් තමාට රඟ පාන්නට හැකි වෙනත් භූමිකා ප
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
පිච්චුණත් තුවාල වුණත් වේදනාවක් නොදැනෙන ගැහැනියක්