‘කොවිඩ් 19’ හෙවත් නව කොරෝනා වයිරසයට වයස් භේදයක් නැත. ආසාදිතයන් මරණයට පත්වන්නේ නියුමෝනියාවෙනි. මේ වනවිට ලොව පුරා 3,800,000 ක් වයිරසය ආසාදනය වී ඇති අතර වාර්තා වන මරණ සංඛ්යාව 2,67,000 ඉක්මවයි. එයින් මරණ 80,000 ක් වාර්තා වන්නේ ඇමෙරිකා එක්සත් ජනපදයෙනි.
චීනයේ හුබෙයි පළාතේ වූහාන් නුවර කේන්ද්රකොට ගනිමින් ඇරැුඹුණු ‘කොවිඞ් 19’ වයිරසයට වයස් භේදයක් නොමැති වුවත්, වයිරසයට බිලිවුණු වැඩි දෙනා අවුරුදු 65ට වැඩි වැඩිහිටියන් ය. ලොව පුරා 3,800,000 ක් වයිරස ආසාදිතයන් හමුවෙද්දී, 1,266,000 කට වැඩි පිරිසක් පූර්ණ සුවය ලබා සිටින බව ද පැවැසෙයි.
‘කොවිඞ් 19’ වයිරසය යුරෝපය ආක්රමණය කළ අවස්ථාවේ පටන් තවමත් වයිරසයෙන් දරුණු ලෙස බැට කන රටක් වන්නේ ස්පාඤ්ඤයයි. දිනෙන් දින ආසාදිතයන් වැඩිවෙද්දී, ස්පාඤ්ඤය ඉතාලිය ද පසු කර ඇත. ස්පාඤ්ඤයේ 2,28,691 දෙනකුට වයිරසය ආසාදනය වී ඇති අතර වාර්තා වන මරණ සංඛ්යාව 27,100 ඉක්මවා තිබේ. ස්පාඤ්ඤය මුළුමනින්ම අඩපණ කිරීමට ‘කොවිඞ් 19’ සමත් වී ඇත.
කරුණු කාරණා මෙසේ සිද්ධ වෙද්දී, ස්පාඤ්ඤයේ වයස්ගතම තැනැත්තිය ‘කොවිඞ් 19’ පරාජය කිරීමේ පුවතක් අසන්න ලැබුණි. එය සැබැවින්ම නෙතට කඳුළක් එක් කළ සුබ ආරංචියක් වූවා නිසැකය. ‘කොවිඞ් 19’ පරාජය කළ ඇය මරීයා බ්රැන්යාස් ය. ඇගේ වයස අවුරුදු 113 කි.
මරීයා මී මිත්තණියක වන්නීය. ඇය ‘කොවිඞ් 19’ ආසාදිතයකු බව තහවුරු වූයේ පසුගිය මාර්තුවේ, ස්පාඤ්ඤ රජය වයිරස ව්යාප්තිය වැළැක්වීමේ අරමුණින් ස්පාඤ්ඤය ‘ලොක්ඩවුන්’ කිරීමත් සමඟය. වාසනාවකට මරීයාගේ තත්ත්වය බරපතළ නොවිණි. එහෙයින්, රෝහල් ගත කිරීමක් අවශ්ය නොවුණු අතර, නිරෝධායනයේ සිටීමට ඇයට සිදුවිය. සති කිහිපයක් මරීයා නිරෝධායනයේ සිටියාය. අවසානයේ ඇය වයිරසය පරාජය කළාය.
මෑත කාලයේ ගෝලීය වසංගත තත්ත්වයක් බවට පත් වුණු දරුණුතම වයිරසය ‘කොවිඞ් 19’ නව කොරෝනා වයිරසයයි. එසේ වුවත්, ලෝකයට වසංගතයක් වූ පළමු වසංගතය මෙය නොවෙයි. ස්පාඤ්ඤ උණ වසංගතය ලොව කැලැඹුවේ 1918 සිට 1919 දක්වා කාලයේය. මරීයා උපත ලබා ඇත්තේ 1907 වසරේදීය. මරීයා ස්පාඤ්ඤ උණ වසංගතයට මුහුණ දුන් තැනැත්තියකි. ස්පාඤ්ඤ සිවිල් යුද්ධය පැවැතියේ 1936 සිට 1939 දක්වා කාලයේය. යුද ගැටුම් හේතුවෙන් මියගිය ගණන 1,75,000 ඉක්මවිය. මරීයා එයින් ද දිවි ගලවා ගත්තාය. ඉන්පසු මරීයාට ‘කොවිඞ් 19’ ගෝලීය වසංගතයට මුහුණ දීමට සිදුවුණු අතර ඇය වයිරසය පරාජය කළාය.
මරීයා බ්රැන්යාස් උපත ලැබුවේ 1907 වසරේ මෙක්සිකෝවේදීය. ඇය ඇගේ පවුලේ අය සමඟ පළමුවෙන් ඇමෙරිකාවේ සැන් ෆ්රැන්සිස්කෝ බලා පැමිණි අතර පසුව පළමු ලෝක යුද සමයේ ස්පාඤ්ඤයට පැමිණියාය. පදිංචි වූයේ ජිරෝනා පළාතේ කැටලෝනියාවේය. ඇගේ පියා ස්පාඤ්ඤ මාධ්යවේදියකු ලෙස රැුකියාව කළ අයෙකි. විවාහ වූ මරීයා තිදරු මවක වූවාය. ඇගේ වැඩිමල් පුතු පසුගිය දා සිය 86 වැනි උපන් දිනය සැමරුවේය.
මරීයාට මුනුපුරු මිනිබිරියන් 11 දෙනකි. ඒ අතරින් වයසින් වැඩිම තැනැත්තා 60 හැවිරිදිය. මරීයාට සිටින මී මුනුපුරු මිනිබිරියන් ගණන 13 කි. මරීයා දශක දෙකක් තිස්සේ තවමත් ජීවත් වන්නේ ඕලොට් නගරයේය. ‘කොවිඞ් 19’ වයිරසය පරාජය කිරීමෙන් පසු, මාධ්යවේදීන් විසින් වට කර ගනු ලැබූ අවස්ථාවේ මරීයා මෙසේ කීවාය. ‘මම ජීවිතය පුරා කළේ එක දෙයයි. මම ජීවත් වුණා.’
‘කොවිඞ් 19’ වයිරසය පරාජය කළ අවුරුදු 100 ඉක්මවූ තවත් කිහිප දෙනකු ගැන ලොව රටවල් කීපයකින් වාර්තා වේ. තුර්කියේ අවුරුදු 107 ක් වයසැති කාන්තාවක වන හවාහාන් කරඩෙන්සි, චීනයේ වූහාන් නුවර අවුරුදු 103 ක් වයසැති ෂැංග් ගුවැන්ෆෙන්, ඉරානයේ අවුරුදු 102 ක් වයසැති කාන්තාවක සහ 106 ක් වයසැති පිරිමියකු, ඉතාලියේ අවුරුදු 104 ක් වයසැති ඒඩා සැනූසෝ නමැති කාන්තාව, නෙදර්ලන්තයේ 107 හැවිරිදි කොර්නේලියා රාස්, මහා බි්රතාන්යයේ 104 ක් වයසැති විලියම් ලැප්චීස් ඒ අතර සිටින බව විදෙස් මාධ්ය වාර්තා පෙන්වා දෙයි. 113 ක් වයසැති මරීයා බ්රැන්යාස් ‘කොවිඞ් 19’ පරාජය කළ වයස්ගතම පුද්ගලයා පමණක් නොව, වයස්ගතම කාන්තාව ද වෙයි.
ලූසිත ජයමාන්න
‘බී.බී.සී. ඇසුරිනි’
ලෝකායන විද්යාව අනුව ලංකාවට අයත්වෙන්නේ කුම්භ ලග්නයයි. 2024 අලුත් අවුරුදු ආරම්භය සිදුවී එක් සූර්ය මාසයක් ගතවීමට පෙරාතුව මෙතෙක් පැවති ලංකාවේ ග්රහචාරය ද
‘අපි අපේ ආදරණීයයන් සමඟ ජීවත් වන්නේ බලාපොරොත්තු සහ සිහින පොදි බැඳගෙනය. ඒත් සුව කළ නොහැකි රෝගයක් ඇතැයි දැනගන්න ලැබුණොත් ඒ සියල්ල අවසන්ය. ඔබ කාන්තාවක නම්,
මෙවර සූර්ය මංගල්යයට තව ඇත්තේ සති කිහිපයකි. සූර්යයා මීන රාශියේ සිට මේෂ රාශියට ගමන් කරනු ලබන්නේ 2024 ක් වූ අප්රේල් මස 13 වැනි ශනිදා රාත්රී 9.05ට වන අතර එම අවස්
මිහිමත සෑම අස්සක් මුල්ලක්ම ගවේෂණය කරමින්, සතුන්ගේ විස්මිත තතු අනාවරණය කරන නවතම වාර්තා වැඩසටහන ‘‘පෝල් ටු පෝල් විත් විල් ස්මිත්’’ ය. මෙම වාර්තා වැඩසටහන්
මීට වසර 20 කට පෙර මුහුණු පොත ආරම්භ වූ ආකාරය දෙස බලන විට ලොව ජනප්රියතම සමාජ මාධ්ය ජාලය බවට පත්වන තෙක් පැමිණි ගමන ඇතැමෙකුට විශ්වාස කිරීමට තරමක් අපහසුය.
බුද්ධිමත් ශක්තිමත් ගැහැනිය සාම්ප්රදායික ස්ත්රී භූමිකාව නමැති වැට කඩුල්ලෙන් කොටු වී සිටින්නේ නැත. එසේ සිටියහොත් තමාට රඟ පාන්නට හැකි වෙනත් භූමිකා ප
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
කොරෝනා වැලඳී සුවවුණු අවුරුදු 113 අත්තම්මා