(නිමන්ති රණසිංහ)
ශ්රී ලංකා මහ බැංකුවේ බැඳුම්කර වෙන්දේසි දෙකකදී රුපියල් කෝටි 5200 කට අධික මුදලක් සාවද්ය පරිහරණය කරන ලදැයි සිද්ධිය සම්බන්ධයෙන් හිටපු මුදල් ඇමති රවි කරුණානායක, හිටපු මහ බැංකු අධිපති අර්ජුන් මහේන්ද්රන්, පර්පචුවෙල් ටෙෂරීස් සමාගමේ අධ්යක්ෂ අර්ජුන් ඇලෝසියස් ඇතුළු 10 දෙනකුට වරෙන්තු නිකුත් කිරීමට කොළඹ කොටුව මහේස්ත්රාත් රංග දිසානායක මහතා පසුගිය සිකුරාදා (6) පස්වරුවේ වරෙන්තු නිකුත් කළේය.
මොවුන් වහා අත්අඩංගුවට ගෙන අධිකරණයට ඉදිරිපත් කරන ලෙසට දැනුම් දෙමින් වරෙන්තු නිකුත් කර ඇත.
අපරාධ නඩු විධාන සංග්රහයේ 138 වගන්තිය ප්රකාරව සැකකරුවන්ට එරෙහිව ඉදිරිපත් වී ඇති සාක්ෂි මගින් නඩු කටයුත්තක් පවත්වාගෙන යාමට ප්රමාණවත් කරුණු අනාවරණය වන බවට දැනුම් දෙමින් මෙම වරෙන්තුව නිකුත් කර ඇත.
මෙම සිද්ධියට අදාළව 10 වන සැකකරු ලෙස නම් කර සිටි රාජ්ය ණය දෙපාර්තමේන්තුවේ හිටපු ප්රධානී බුද්ධික සරත්චන්ද්ර යන අය සම්බන්ධයෙන් ප්රමාණවත් සාක්ෂි ඉදිරිපත් නොවීම මත නඩු කටයුත්තක් ආරම්භ නොකිරීමත් සිතාසියක් හෝ වරෙන්තුවක් ලබාදීම අධිකරණය ප්රතික්ෂේප කළේය.
ඉකුත් 2016 මාර්තු මස 29 දින පවත්වන ලද බැඳුම්කර වෙන්දේසියේදී පොදු දේපළක් වූ රුපියල් බිලියන 36.98ක සහ 2016 මාර්තු මස 31 වන දින තුළ රුපියල් බිලියන 15ක මුහුණත වටිනාකමකින් යුතු භාණ්ඩාගාර බැඳුම්කර සාවද්ය පරිහරණය කිරීම, කුමන්ත්රණය කිරීමෙන් ලංකා දණ්ඩනීති සංග්රහයේ 113 (ආ), 102 සහ 386 වන වගන්තීන් සමඟ කියවිය යුතු 1982 අංක 12 දරන පොදු දේපළ පනතේ 5 (1) වගන්ති ප්රකාරව මෙම සැකකරුවන් වරදක් සිදුකර ඇති බවට චෝදනා නගා තිබිණි.
එසේම 1982 අංක 12 දරන පොදු දේපළ විෂයෙහිලා සිදුකරන වැරදි පනතේ 5 (1) වගන්ති ප්රකාරව මෙන්ම සංශෝධිත 1937 අංක 7 දරන ලියාපදිංචි ස්කන්ධ සහ සුරැකුම්පත් ආඥා පනතෙහි 56 අ (අ) යන වගන්ති සමඟ කියවිය යුතු මහ බැංකුව විසින් ප්රාථමික අලෙවිකරුවන් විෂයෙහි ලා නිකුත් කරන ලද චර්යාධර්ම සංග්රහයෙහි දක්වා ඇති වැදගත් හෙළි නොකරන ලද තොරතුරු හෙළි කිරීම සම්බන්ධයෙන් සහ වෙළෙඳපොළ මිල තම වාසිය සඳහා කෘත්රීමව ඉහළ දැමීමේ වැරැදි සිදුකර ඇතැයි ද සැකකරුවන් විෂයෙහි චෝදනා නගා තිබිණ. සැකකරුවන් දොළොස් දෙනාට එරෙහිව වෙන් වෙන්ව චෝදනා තුනක් නඟා ඇත.
සමගි ජන සන්ධානය විපක්ෂ නායක සජිත් ප්රේමදාස මහතාගේ ප්රධානත්වයෙන් කොළඹ බණ්ඩාරනායක ජාත්යන්තර සම්මන්ත්රණ ශාලාවේ දී පසුගිය සිකුරාදා (5) එළි දැක්විණ.
ශ්රී ලංකාව එහි ඉතිහාසයේ පළමු වරට විදේශ ණය ගෙවීම පැහැර හරින බවට නිල වශයෙන් ප්රකාශයට පත් කර ලබන අප්රේල් 12 වැනිදාට වසර දෙකක් සපිරේ. ඒ අනුව උද්ගත වූ විදේශ
දේශපාලන පලිගැනීම්වලට ලක් වූ එක්සත් ජාතික පාක්ෂිකයන්ට මැයි මාසයේ සිට වන්දි ලබාදීමට තීරණය වී තිබේ.
ඖෂධ කල් ඉකුත්වීම සහ හානිවීම හේතුවෙන් රාජ්ය ඖෂධ නීතිගත සංස්ථාවට පසුගිය 2022 වර්ෂයේදී සහ ඊට කලින් වර්ෂයේදී රුපියල් කෝටි 15කට වැඩි පාඩුවක් සිදු වී ඇතැයි ජා
ශ්රී ලංකාවේ පනස් හත් ලක්ෂ හැත්තෑ හත් දහසකට ආසන්න පිරිසක් දරිද්රතාවෙන් පෙළෙන බව ලෝක බැංකුව විසින් නිකුත් කෙරුණු අලුත්ම වාර්තාවක සඳහන් වන්නේ යැයි ප
අපොස උසස් පෙළ විභාග ප්රතිඵල මැයි මස මුලදී නිකුත් කිරීමට බලාපොරොත්තු වන්නේ යැයි අධ්යාපන අමාත්ය ආචාර්ය සුසිල් ප්රේම ජයන්ත මහතා පැවසීය.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
රවී ඇතුළු 10 කට වරෙන්තු