(අජන්ත කුමාර අගලකඩ)
විවිධ ව්යාපෘති ක්රියාත්මක කිරීම වෙනුවෙන් අමාත්යාංශ හා ආයතන කිහිපයකට ගෙවිය යුතුව ඇති රුපියල් කෝටි 10,000කට ආසන්න මුදලක් මහා භාණ්ඩාගාරයෙන් මෙතෙක් ගෙවා නැතැයි රජයේ ආරංචි මාර්ග සඳහන් කරයි.
ජනාධිපති මෛත්රීපාල සිරිසේන මහතාගේ ප්රධානත්වයෙන් ඉකුත් අඟහරුවාදා පැවැති කැබිනට් රැස්වීමේදී ද ඇමැතිවරුන් ගණනාවක් මේ සම්බන්ධයෙන් ප්රශ්න කර
ඇතැයි එම ආරංචි මාර්ගවලින් පැවැසේ.
ඖෂධ ගෙන්වීම වෙනුවෙන් රුපියල් කෝටි 900ක පමණ මුදලක් රාජ්ය ඖෂධ නීතිගත සංස්ථාවට අයවිය යුතුව ඇති බව රාජිත සෙනාරත්න ඇමැතිවරයාත්, විවිධ ව්යාපෘති ක්රියාත්මක කිරීම වෙනුවෙන් රුපියල් කෝටි 1350ක පමණ මුදලක් තම අමාත්යාංශයට අයවිය යුතුව ඇති බව චම්පික රණවක ඇමැතිවරයාත් එහිදී ප්රකාශ කර ඇතැයි ආරංචි මාර්ග සඳහන් කරයි. මීට අමතරව මහාමාර්ග හා මාර්ග සංවර්ධන අමාත්යාංශයට ද ඉතා විශාල මුදලක් මහභාණ්ඩාගාරයෙන් අයවිය යුතුව ඇති බව පැවැසේ.
රාජ්ය ආයතන හා අමාත්යාංශ මෙම මුදල් ලබාගැනීම සඳහා භාණ්ඩාගාරයට බිල්පත් ඉදිරිපත් කර මාස තුන හතරක්ම ගතවී ඇති බව ඇමැතිවරුන් කැබිනට් රැස්වීමේදී පෙන්වා දී ඇතැයි දැනගන්නට තිබේ. ඇමැතිවරුන් ඉදිරිපත් කළ කරුණු සම්බන්ධයෙන් කැබිනට් රැස්වීමේ දී අදහස් දක්වා ඇති මුදල් රාජ්ය ඇමැතිවරයා අතුරු සම්මත ගිණුම යටතේ වෙන්වූ මුදල්වලින් අත්යවශ්ය කටයුතු කරන බැවින්, මෙම හිඟ බිල්පත් ගෙවීම ලබන මැයි මාසයෙන් පසුව කරන්නට බලාපොරොත්තු වන බව සඳහන් කර ඇතැයි වාර්තා වේ.
මේ අතර බුද්ධ ශාසන හා වයඹ සංවර්ධන ඇමැති ගාමිණි ජයවික්රම පෙරේරා මහතා අදහස් දක්වමින් තම අමාත්යාංශයට වෙන්වී ඇත්තේ රුපියල් මිලියන 500ක පමණ මුදලක් බවත්, කලින් සිටි ඇමැතිවරයා ක්රියාත්මක කළ ව්යාපෘතිවලට ගෙවීමට ඇති මුදල් ගෙවූ පසුව ඉන් ඉතිරිවන්නේ මිලියන 7ක පමණ මුදලක් බවත්, ප්රකාශ කර ඇතැයි දැනගන්නට තිබේ.
සමගි ජන සන්ධානය විපක්ෂ නායක සජිත් ප්රේමදාස මහතාගේ ප්රධානත්වයෙන් කොළඹ බණ්ඩාරනායක ජාත්යන්තර සම්මන්ත්රණ ශාලාවේ දී පසුගිය සිකුරාදා (5) එළි දැක්විණ.
ශ්රී ලංකාව එහි ඉතිහාසයේ පළමු වරට විදේශ ණය ගෙවීම පැහැර හරින බවට නිල වශයෙන් ප්රකාශයට පත් කර ලබන අප්රේල් 12 වැනිදාට වසර දෙකක් සපිරේ. ඒ අනුව උද්ගත වූ විදේශ
දේශපාලන පලිගැනීම්වලට ලක් වූ එක්සත් ජාතික පාක්ෂිකයන්ට මැයි මාසයේ සිට වන්දි ලබාදීමට තීරණය වී තිබේ.
ඖෂධ කල් ඉකුත්වීම සහ හානිවීම හේතුවෙන් රාජ්ය ඖෂධ නීතිගත සංස්ථාවට පසුගිය 2022 වර්ෂයේදී සහ ඊට කලින් වර්ෂයේදී රුපියල් කෝටි 15කට වැඩි පාඩුවක් සිදු වී ඇතැයි ජා
ශ්රී ලංකාවේ පනස් හත් ලක්ෂ හැත්තෑ හත් දහසකට ආසන්න පිරිසක් දරිද්රතාවෙන් පෙළෙන බව ලෝක බැංකුව විසින් නිකුත් කෙරුණු අලුත්ම වාර්තාවක සඳහන් වන්නේ යැයි ප
අපොස උසස් පෙළ විභාග ප්රතිඵල මැයි මස මුලදී නිකුත් කිරීමට බලාපොරොත්තු වන්නේ යැයි අධ්යාපන අමාත්ය ආචාර්ය සුසිල් ප්රේම ජයන්ත මහතා පැවසීය.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
භාණ්ඩාගාරයෙන් කෝටි දහදාහක පොල්ලක්