කේන්දරයක ලග්නය හතර වැන්න හත් වැන්න දහ වැන්න යන ස්ථානවල ග්රහයන් තැන්පත් නොවූ විට හතර කේන්දරය පාළු යයි නිගමනය වේ.
ලග්නයෙන් ජන්මියාගේ හිස ශරීරය ආත්ම ශක්තිය පෞරුෂත්වය ගතිපැවතුම් හා මුළු ජීවිතය ද හතර වැන්නෙන් මව පපුව හෘදය ගතිගුණ ගේදොර ඉඩකඩම් හා සිතුම් පැතුම්ද හත් වන්නෙන් විවාහය සහකරුවන් හවුල් ව්යාපාර හා ආයුෂය ගැන ද දහ වැන්නෙන් පිය උරුමය රැකියාව උසස් තනතුරු ක්රියාකාරිත්වය ප්රසිද්ධිය වැනි දේ ගැන ද කියැවෙයි.
එසේම ජන්මියෙකුගේ චතුර්විධ සම්පත්තීන් වශයෙන් අර්ථ, ධර්ම, කාම, මෝක්ෂ යනුවෙන් ද විග්රහ වෙයි.
පහ සහ නවය ස්ථාන කේන්දරයක ප්රබල ස්ථාන වේ. පස් වැන්නෙන් භාග්යය සහකරු හෝ සහකාරියගේ වාසනාව දරුවන් ප්රීතිය තෘප්තිය චිත්තය ඉගෙනීම හා ඥාන ශක්තිය ගැනද නව වැන්නෙන් පියා මුනුපුරා පෙර පින්බලය ආගමික භක්තිය උසස් අධ්යාපනය හා ශරීරයේ කලවා ආශ්රිත ප්රදේශය වැනි දේ පෙන්නුම් කරන ධර්මස්ථානය වේ.
ලග්නය පස් වැන්න නව වැන්න අධිපති ග්රහයන් පස් වැන්න හෝ නව වැන්නේ තැන්පත් නම් කේන්දරයේ පාළුව නැතිවී යයි.
1, 4, 7, 10 යන ස්ථානයන් පාළුවීම ගැන විමසීමේ දී එම භාව අධිපතීන් 5, 9 යන ස්ථානයක උච්චව ස්වක්ෂේත්රව පිහිටා ඇත්නම් ද එම පාළුව මගහැරී යයි.
මේ සම්බන්ධව තවදුරටත් සලකා බැලීමේ දී ලග්න කේන්දරයේ හතර කේන්දරය පාළුව තිබුණත් නවාංශක කේන්දරයේ 1, 4, 7, 10 ස්ථාන හිස් නොවී තිබේ නම් දෝෂ නොවන බවට මතයක් තිබෙන අතර හතර කේන්දරය පාළුවුවත් උපතේ දී සඳු සිටි රාශියෙන් 4, 7, 10 යන ස්ථාන වලින් එක ස්ථානයක ග්රහයන් සිටීනම් අශුභ නැතැයි තවත් මතයකි.
දෙක හය අට දොළහ යන ස්ථානවල සියලුම ග්රහයන් තැන්පත් වූ විට සිංහාසන නම් ප්රබල ග්රහ යෝගය යෙදේ. එම යෝගය යෙදුන ජන්මියා රජෙකුට හා සමාන බලවත් වාසනාවන්තයෙකු වේ. මේ නිසා හතර කේන්දරය පාළු යයි බැලූ බැල්මට පෙනෙන කේන්දර හිමියන් ගැන අවාසනාවන්තයයි සිතීම නුසුදුසුය.
අප අසල්වැසි රටේ ඉන්දියාවේ ශ්රී ජවහර්ලාල් නේරු අගමැතිතුමාගේ කැබිනට් මණ්ඩලයේ මුදල් ඇමැති ධූරය හෙබවූයේ මොරාජ් දේසායි මහතාය. පසුකලක එතුමා ඉන්දියාවේ අගමැති ධූරයට ද පත් විය.
1896 පෙබරවාරි මස 29 දින උපත ලබා ඇති එතුමාගේ කේන්දරය මෙසේය.
මෙහි ලග්නාධිපති බුධ සමග ශුක්ර යෝගව සිටී. බුධ ශුක්ර යෝගවූ විට ප්රිය කරනා ඇත්තෙකි. තීක්ෂණ බුද්ධිය ලබයි. කථිකත්වය ඇති වේ. උච්චව බලවත් වූ ගුරුගේ සත්වන දෘෂ්ටිය ලැබීමත් භාග්ය ස්ථානය වූ නව වැන්නාධිපති ශනි උච්චව තිබීමත් ආදී හේතූන් නිසාද ගුරුගේ 9 වැනි දෘෂ්ටිය 10 වැන්නට පතිතවීමත් ආදී කරුණු නිසා මෙහි හතර කේන්දරය පාළුයයි ගණන් ගැනීම නුසුදුසුය. මේ නිසා බැලූ බැල්මට හතර කේන්දරය පාළු බවක් පෙනුණ තරමින් හතර කේන්දරය පාළුයයි නිගමනයකට එළඹීම නොකළමනාය.
ජ්යොතිෂ ශාස්ත්රසූරී ඩී.බී. වීරතුංග
හීන් නෝනා දියණිය දෙස බැලුවේ කරදර දෑසිනි. දුරකථනය හරහා ආවේ සුබ පණිවිඩයක් නොවන බැව් ඇගේ මුහුණ කියා පෑවේය. “කවුද කතා කෙරුවේ..?” හීන් නෝනා විමසුවාය. “අයිය
මෙවර U Tube ලෝකය තුළින් ඉරිදා ලංකාදීපයෙන් කතාබහ කරන්න හිතුවේ සමාජ මාද්ය ඔස්සේ අතිශය ජනප්රිය Girls Voice Band එකක් පිළිබඳව. ඒ Yellow Beats කණ්ඩායම කුෂිනි ප්රවින්ද්යා, දි
ශ්රී ලංකාවේ පබලු භාවිතය පිළිබඳ පුරාණතම සාධක අයත් ෙවන්නේ ප්රාග් ඓතිහාසික යුගයටය. ක්රි.පූ. (900-600) අතර මුල් යුගයේදී ජනතාව පබලු භාවිතය සුලබව සිදුකොට ඇති
හින්දු පුරාණයට අනුව විෂ්ණු දෙවි යනු ලොව සුරකින්නාය. ලෝකයේ තිර පැවැත්ම පිණිසත්, ධර්මය රැකීමටත්, අදමිටුවන් විනාශ කිරීමටත් වරින්වර විෂ්ණු ලොව පහළවන බව මහ
මසින් ලෙයින් නිර්මිත මසැසට භෞතික ලෝකයේ බොහෝ සංසිද්ධි දැක ගත හැකි වුවත් ඉන් එහා ඇති අවිඥාණික දේ පෙනෙන්නේ නැත. භූගත පෘෂ්ඨ වංශික ඇතැම් සතුන් හැරුණු විට සෙ
සිත්තම්ගල ගල් ලෙන බලන්නට මී ආතා “බරින්දු” එක්ක ගෙන ගියේ ගැල් කරත්තයෙන්ය. “අපේ රැහේ උන් තමයි දරුවෝ මෙතන නැණපිල පටන් ගෙන සාහිත රස බෙදුවේ.” එදා මී ආතා කී ක
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
හතර කේන්දරය පාළුවීම ගැන බිය විය යුතු නැත