(ඩයනා උදයංගනී)
හෝමාගම තාක්ෂණ නගර ව්යාපෘතිය හරහා ඉඩම් අක්කර 4000 ක් කොරියානු රජයට හා එරට සමාගම්වලට විකිණීමට යන බවට පළවන අදහස් සම්පූර්ණයෙන් අසත්ය බව මහනගර හා බස්නාහිර සංවර්ධන අමාත්යාංශයේ අතිරේක ලේකම් මාධ්ය වෛද්යරත්න මහතා පැවසීය.
හෝමාගම තාක්ෂණ නගරයට විරුද්ධව හඬ නගන පිරිස් විසින් එල්ල කරන චෝදනා වන ජනතාව තට්ටු නිවාසවලට ගාල් කිරීම, සිංගප්පූරු ගිවිසුම යටතේ අපද්රව්ය ගෙනැවිත් දැමීම, නිවාස හදන තුරු නැනෝ තාක්ෂණ ආයතනය මගින් වර්ෂාව ප්රමාද කිරීම සඳහා අහසට රසායනික ද්රව්යයක් විද ඇති බවට ආදී සියල්ල තාර්කික භාවයකින් තොර ඒවා බව ද අතිරේක ලේකම්වරයා සඳහන් කළේය.
අතිරේක ලේකම්වරයා මේ බව පැවසුවේ ‘හෝමාගම තාක්ෂණ නගරයට එරෙහි විරෝධය යථාර්ථයක්ද?’ යන මැයෙන් එම අමාත්යාංශ ශ්රවණාගාරයේදී අද (11) පැවති මාධ්ය හමුවක් අමතමිනි.
තාක්ෂණ නගර ව්යාපෘතිය සලකන්නේ මේ රටේ අනාගත ආර්ථිකය හසුරුවන, ආර්ථිකයේ නව පිම්මක් පනින, මධ්යම ආදායම් උගුලෙන් ගැලවී තාක්ෂණය දැනුම, නවෝත්පාදනය පදනම් කර ගත් ආර්ථිකයක් කරා ගමන් කිරීමට ගන්නා උත්සාහයක් බව ද එහිදී අතිරේක ලේකම්වරයා ප්රකාශ කළේය.
රටට දියුණුව, තාක්ෂණය, සංවර්ධනය එපා කියමින් පෙළපාළි යන එකම රට ශ්රී ලංකාව බව ද මාධව වෛද්යරත්න මහතා සඳහන් කෙළේය.
තාක්ෂණ නගර භූමිය තුළ විදේශ ආයෝජන ඇති විය හැකි නමුත් රටේ ඉඩම් විකිණීම සඳහා කොරියානු රජය හෝ සමාගම් සමඟ කිසිදු ගිවිසුමක් අත්සන් කර නැතැයි ද ඔහු ප්රකාශ කළේය.
නමුත් තාක්ෂණ නගරය දියුණු කිරීම සඳහා කොරියානු විද්යාඥයින් ඇතුළු විශේඥයින්ගේ දැනුම ලබාගැනීම වෙනුවෙන් අවබෝධතා සංදේශයක් අත්සන් කර තිබෙන බව ද ඔහු කීවේය.
එමෙන්ම මේ වෙනුවෙන් මෙතෙක් පවරාගෙන ඇත්තේ අක්කර 200 ක් පමණ වන අතර ඉදිරියේදී තවත් අක්කර 250 ක් පවරා ගැනීමට නියමිත බවත් කී ඒ මහතා ඉන් බහුතරය ජනතාව පදිංචි ඉඩම් නොවන බව ද පැවසීය.
එහි ඇති කිසිම නිවසක් හිමිකරුවන්ට අහිමි නොකරන බව ද අතිරේක ලේකම්වරයා කියා සිටියේය.
එම භූමිය තුළ පරිසරයට හානි වන කර්මාන්තශාලා කිසිවක් ඉදි නොවන බව කී වෛද්යරත්න මහතා පර්යේෂණාගාර තුළ නව තාක්ෂණය පිළිබඳ පර්යේෂණ සිදු කිරීම, විශ්ව විද්යාල අධ්යාපනික පහසුකම් සැලසීම ආදිය පමණක් සිදුවන බව ද කීවේය.
තාක්ෂණ නගර ව්යාපෘති අධ්යක්ෂ ලාල් පේ්රමනාත්, එන්.එස්.බී.එම්. හරිත සරසවියේ ජ්යෙෂ්ඨ කළමණාකරු රාජ් පේ්රමදාස, ස්ලිම්ටෙක් ආයතනයේ සුනන්ද ගුණසේකර යන මහත්වරුන් ශ්රී ජයවර්ධනපුර විශ්ව විද්යාලය, මොරටුව විශ්ව විද්යාලය, කොළඹ විශ්ව විද්යාලය ඇතුළු ව්යාපෘති නිලධාරීන් පිරිසක් එම අවස්ථාවට සහභාගී වූහ.
ගම්පහ දිස්ත්රික්කය තුල කළු ගල් කැඩීම පිනිස සම්බන්ධීකරණ කමිටු අනුමැතියකින් තොරව භූ විද්යා සමීක්ෂණ සහ පතල් කාර්යාංශය මගින් අවසර ලබා දීම නොකළ යුතු බව
වීරකැටිය,මුල්ගිරිගල කැලෑබද පාලු ඉඩමක ගංජා වගා කල පුද්ගලයකු සරුවට වැවුනු ගංජා පැල 12900 ක් සමඟ ගොවියකු අත් අඩංගුවට ගත් බව ඕකවෙල පොලිසිය පවසයි .
හෙරොයින් ජාවාරමෙන් උපයාගන්නා ලද රුපියල් ලක්ෂ 82 ක මුදලක් හා මුදල් ගණන් කිරීමේ විද්යුත් යන්ත්රයක් සමග පුද්ගලයන් දෙදෙනෙක් කොළඹ කෙසෙල්වත්ත ප්රදේශයේ
මහර බන්ධනාගාරයේ රඳවා සිටින මහා පරිමාණ මත්ද්රව්ය ජාවාරම්කරුවකු මෙහෙයවන මත්ද්රව්ය ජාවාරමේ ප්රධාන ගෝලයා ලෙස කටයුතු කරන කාන්තාවක් මත්කුඩු හා මුද
උතුරු නැගෙනහිර බිම් බෝම්බ ඉවත් කිරීමේ නිරත යුද හමුදාවේ සහ රාජ්ය නොවන ආයතනවල සාමාජික සාමාජිකාවන්ගේ සහභාගීත්වයෙන් ක්රිකට් තරගාවලියක් සහ කඹ ඇදීමේ ත
ජෙලෙග්නයිට් පුපුරණ ද්රව්ය කූරු 100 ක් යතුරුපැදියකින් ප්රවාහනය කරමින් සිටි පුද්ගලයෙකු මන්නාරම නගරය දී අද (5) අලුයම මන්නාරම පොලිසිය මගින් අත්අඩංගුවට
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
‘හෝමාගම තාක්ෂණ නගරයට එල්ලවන චෝදනා බොරු ලු’
Perakum Tuesday, 11 September 2018 03:44 PM
මේක අපේ මිනිස්සුන්ගේ හැටියක් තමයි. මොකක් හෝ අලුත් යෝජනාවක් ගේන කොට හොඳ නරක නොබලා විරුද්ධ වෙන එක අපේ සිරිත. මට හිතෙන හැටියට මෙතන පිටිපස්සෙන් දේශපාලන බල වේගයකුත් ඇති පාටයි.
Saman Tuesday, 11 September 2018 11:59 PM
"රටට දියුණුව, තාක්ෂණය, සංවර්ධනය එපා කියමින් පෙළපාළි යන එකම රට ශ්රී ලංකාව" - ඇත්තම ඇත්ත.
Saman Wednesday, 12 September 2018 12:04 AM
හැබැයි නැව් නො-එන වරායත්, ගුවන්යානා නො-එන මත්තලත් හදනකොට කවුරුවත් විරුද්ධ වුණේ නැහැනෙ, ඒ මරණ බයට.
tommy Wednesday, 12 September 2018 01:25 AM
මේ අයෝජන සඳහා අවශ්ය ගොඩනැගිලි සාදන්නේ අහසේද? මෙවැනි මෝඩ මිනිසුන් සිටින රටක් දියුණු කරන්නේ කෙසේද? කිසිම රජයක් මෙවැනි චෝදනා ගණන් ගත යුතු නැත.
ashan Thursday, 13 September 2018 10:24 AM
අදහස් ප්රකාශ කිරීමට ප්රථමයෙන් මෙම ප්රදේශයේ සබැ තත්වය දැනගන්න ලෙස ඉල්ලාසිටිමි.. මෙතන කිසිම දේශපාලන ප්රශ්නයක් නැත. වගකිවුතු කිසිවකු හෝ මෙම ප්රදේශයේ ජනතාව දැනුවත් කර නැත.වගකිව යුතු නිලධාරීන්ටද මෙම වැඩසටහන ගැන අදහසක් නැත.එබැවින් ජනතාව බියවීම සාධාරණ නොවන්නේද? තමන්ගේ නිවාස , ව්යාපාරික ස්ථාන වල අලුතෙන් ඉදිකිරීමක් හෝ නඩත්තු කටයුත්තක් පවා සිදුකිරීමට ජනතාව බියවී ඇත.මෙම ප්රදේශයේ සිදුකිරීමට යන දෙය පිළිබඳ නිවැරදිව සත්ය ප්රකාශ කල යුතු වන්නේ එනිසාය.