(කාංචන කුමාර ආරියදාස)
අනුරාධපුර දිස්ත්රික්කයේ පලාගල ප්රාදේශීය ලේකම් කොට්ඨාසයට අයත් ගල්කිරියාගම කලාගම ජනතාව ගෙට ගත් වී අස්වැන්න වන අලින් ගෙන් බේරා ගැනීමට නොහැකිව දැඩි අසීරුතාවයකට පත්ව සිටිති.
ගම්මානයට කඩා වදින වනඅලින් කිහිපදෙනෙකුම නිවෙස් වල තබා තිබෙන වී අස්වැන්න ආහාරයට ගන්නා බවත් වන අලින් එලවා දැමීමට උත්සාහ කිරීමේදී නිවැසියන්ට පහර දෙන බවත් ගම්වාසීහු පවසති.
දින කිහිපයකට ඉහතදී කලාගම ප්රදේශයේ නිවසකට පැමිණි වනඅලියෙකු එහි තිබූ වී තොගය ආහාරයට ගැනීමට සූදානම් වෙද්දි නිවෙස් හිමියා වන අලියා පන්නා දැමීමට උත්සාහ කිරීමත් සමග ඔහුටද පහරදී තිබේ . අලියාගෙන් පහර කෑ ගෙහිමියා මේ වනවිට ගල්කිරියාගම ප්රාදේශිය රෝහලේ නේවාසිකව ප්රතිකාර ලබයි .මෙසේ වන අලි පහරින් බේරී තුවාල ලබා රෝහල් ගතව සිටින්නේ කේ.පී .විජය තිස්ස (68) මහතායි.
මෙසේ වී ආහාරයට ගැනීමට ගම්මානයට පැමිණෙන වන අලින් ගොවීන්ගේ හේන් වගාවන් සම්පුර්ණයෙන්ම විනාශ කොට දමන බවද ගොවීහු පෙන්වා දෙති.වට්ටක්කා පතෝල ,මිරිස් ,වැටකුළු ආදී බොහෝ බෝගයන් විනාශ කොට දමා ඇති ආකාරය ද කලා ගම්වැසියෝ පෙන්වාදෙති.
ගල්කිරියාගම වනජීවී කලාපයට අයත් කහල්ල පල්ලේකැලේ අභය භූමියේ සහ කලා වැව ඉස්මත්තේ පිහිටි සංචාරක කලාපයක් ලෙස ප්රකාශයට පත්කොට තිබෙන කලා වැව අභය භූමියේ සිටින වන අලින් මෙසේ ගම්වදින බවද ප්රදේශවාසීහු කියති.
කලා වැව් රක්ෂිතය ආසන්නයේ ඉදිකොට ඇති විදුලි වැට ශක්තිමත් නොවීම නිසා වන අලි ගම් වදින බවත් වනජීවී දෙපාර්තමේන්තු නිලධාරීන් සහ වගකිවයුතු නිලධාරීන් සංචාරක ව්යාපාරය පිළිබඳව පමණක් සොයා බලමින් සිටින බවත් අහිංසක ජනතාවගේ හානි පිළිබඳව සොයා බැලීමක් සිදු නොකරන බවද ප්රදේශවාසීහු චෝදනා කරති.
ගල්කිරියාගම වනජීවී කාර්යාලයේ නිලධාරීන්ට ප්රදේශවාසීහු දැඩිලෙස චෝදනා කරන්නට වූයේ වන අලින් ගෙන් බේරීම සඳහා නිවෙස් වල තිබෙන වී විකුණා දමන්නැයි ඔවුන් පැමිණ උපදෙස් ලබා දෙන බව පවසමිනි .
දිවා කාලයේ හේනේ කුඹුරේ වැඩකරමින් රාත්රී කාලයේ පැල් රකිමින් ආරක්ෂා කරගත් එළවළු වගාවන් සහ වී අස්වැන්න නිවෙස්වලට රැගෙන විත් තබා ගැනීමට වත් නොහැකි තත්ත්වයක් පවතින බව ප්රදේශවාසීහු දැඩිලෙස වනජීවී දෙපාර්තමේන්තුවට චෝදනා කරන්නට වූහ.
ගම්මුන් නඟන මෙම චෝදනාව පිළිබඳව ගල්කිරියාගම වනජීවී කාර්යාලයේ ස්ථානභාර නිලධාරි ඩී.රාමසිංහ මහතාගෙන් අප මේ පිළිබඳව විමසීමේ දී කියා සිටියේ තමන්ට ලබාදී ඇති සම්පත් වලින් උපරිම සේවාවක් ජනතාවට සිදු කරන බවය.
ගම්පහ දිස්ත්රික්කය තුල කළු ගල් කැඩීම පිනිස සම්බන්ධීකරණ කමිටු අනුමැතියකින් තොරව භූ විද්යා සමීක්ෂණ සහ පතල් කාර්යාංශය මගින් අවසර ලබා දීම නොකළ යුතු බව
වීරකැටිය,මුල්ගිරිගල කැලෑබද පාලු ඉඩමක ගංජා වගා කල පුද්ගලයකු සරුවට වැවුනු ගංජා පැල 12900 ක් සමඟ ගොවියකු අත් අඩංගුවට ගත් බව ඕකවෙල පොලිසිය පවසයි .
හෙරොයින් ජාවාරමෙන් උපයාගන්නා ලද රුපියල් ලක්ෂ 82 ක මුදලක් හා මුදල් ගණන් කිරීමේ විද්යුත් යන්ත්රයක් සමග පුද්ගලයන් දෙදෙනෙක් කොළඹ කෙසෙල්වත්ත ප්රදේශයේ
මහර බන්ධනාගාරයේ රඳවා සිටින මහා පරිමාණ මත්ද්රව්ය ජාවාරම්කරුවකු මෙහෙයවන මත්ද්රව්ය ජාවාරමේ ප්රධාන ගෝලයා ලෙස කටයුතු කරන කාන්තාවක් මත්කුඩු හා මුද
උතුරු නැගෙනහිර බිම් බෝම්බ ඉවත් කිරීමේ නිරත යුද හමුදාවේ සහ රාජ්ය නොවන ආයතනවල සාමාජික සාමාජිකාවන්ගේ සහභාගීත්වයෙන් ක්රිකට් තරගාවලියක් සහ කඹ ඇදීමේ ත
ජෙලෙග්නයිට් පුපුරණ ද්රව්ය කූරු 100 ක් යතුරුපැදියකින් ප්රවාහනය කරමින් සිටි පුද්ගලයෙකු මන්නාරම නගරය දී අද (5) අලුයම මන්නාරම පොලිසිය මගින් අත්අඩංගුවට
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
වන අලි නිසා දුක් විඳින කලාගම වැසියෝ