(ක.ග.කරුණාරත්න)
ශ්රී ලංකා යුද්ධ හමුදාව සතු ලේඛන ව්යාජ ලෙස සකස් කර තම සන්තකයේ තබාගෙන සිටි බව කියන හමුදා සෙබළෙකු පොලොන්නරුව,කදුරුවෙල,ගල්ලෑල්ල ප්රදේශයේදී අද(27) අත් අඩංගුවට ගත් බව පොලීසිය කියයි.
ශ්රී ලංකා යුද්ධ හමුදාවේ සෙබලූන් නිවාඩු ලබා යන අවස්ථාවේ නිකුත් කරනු ලබන නිවාඩු අවසර පත්ර පොතක් සහ සිය සේවා ස්ථානයේ නිවාඩු අනුමත කරන නිලධාරියාගේ රාජකාරී නිල මුද්රාවක් මෙලෙස ව්යාජ ලෙස සකස්කර තිබූ ලේඛන අතර වන බව පොලීසිය සඳහන් කලේය.
පොලොන්නරුව,කදුරුවෙල,ගල්ලෑල්ල ,ප්රදේශයේ වෙසෙන නීති විරෝධී මත්ද්රව්ය ජාවාරම්කරුවෙකු යුද හමුදා සෙබලෙකු සමඟ එක්ව එම නීති විරෝධී මත්ද්රව්ය ජාවාරම සිදුකරන බවට පොලොන්නරුව කොට්ඨාස අපරාධ විමර්ශණ අංශයට ලැබුණු තොරතුරක් මත එහි පොලිස් කණ්ඩායමක් අද(27) අලුයම මත්ද්රව්ය ජාවාරම්කරුගේ නිවෙස වැටලූ අවස්ථාවේ එහි සිටියදී මෙම හමුදා සෙබළා පොලිස් අත් අඩංගුවට පත්ව තිබේ.
එම නිවෙසේ හිමිකරුවන මත්ද්රව්ය ජාවාරම්කරු නීති විරෝධී මත්ද්රව්ය චෝදනාවක් සම්බන්ධයෙන් මීට පෙර සැකපිට අත් අඩංගුවට ගෙන අධිකරණ නියෝග මත දැනට රිමාන්ඞ් බන්ධනාගාර ගතව සිටින බවද පොලීසිය පැවැසීය.
පොලිස් අත් අඩංගුවට පත් යුද හමුදා සෙබළා අරලගංවිල,වෙහෙරගල,රුහුණුගම පදිංචි 29 හැවිරිදි දෙදරු පියෙකි.
වැලිකන්ද,සේනපුර ප්රදේශයේ පිහිටුවා තිබෙන මත්ද්රව්යවලට ඇබ්බැහිවූවන් පුනරුත්ථාපනය කිරීමේ මධ්යස්ථානයෙක සේවය කරන බව කියන මේ සෙබළා නිවාඩු ලබා පැමිණ ඇත්තේ මේ වසරේ මාර්තු මාසයේදී බව පොලීසිය සිදුකල විමර්ශන වලදී අනාවරණයවී ඇත.
නියමිත නිවාඩු දින අවසන් වීමෙන් පසුව එතැන් සිට තමන් සතු ව්යාජ නිවාඩු අවසර පත්ර පොතෙන් නිවාඩු අවසර පත්ර ලියාගෙන ලඟ තබාගෙන සිටි බව සැකකාර හමුදා සෙබලා පොලීසියට ප්රකාශකර තිබේ.එම නිවාඩු අවසර පත්ර සඳහා මුද්රාව තබා ඇත්තේද සිය රාජකාරී ස්ථානයේ නියෝජ්ය අධ්යක්ෂ(පුනරුත්ථාපන)යනුවෙන් සඳහන් ව්යාජ ලෙස සකස්කර තිබූ මෙම මුද්රාව යැයිද හෙතෙම වැඩිදුරටත් පවසා ඇත.
මොහු විසින් පොලොන්නරුව,නවනගරයේ පිහිටි මුද්රණාලයකින් මෙම කූඨ ලේඛන සහ මුද්රාව මුදල් ගෙවා සාදවා ගෙන ඇතිබවද පොලීසිය සිදුකල විමර්ශන වලදී අනාවරණය කරගෙන තිබේ.
ගම්පහ දිස්ත්රික්කය තුල කළු ගල් කැඩීම පිනිස සම්බන්ධීකරණ කමිටු අනුමැතියකින් තොරව භූ විද්යා සමීක්ෂණ සහ පතල් කාර්යාංශය මගින් අවසර ලබා දීම නොකළ යුතු බව
වීරකැටිය,මුල්ගිරිගල කැලෑබද පාලු ඉඩමක ගංජා වගා කල පුද්ගලයකු සරුවට වැවුනු ගංජා පැල 12900 ක් සමඟ ගොවියකු අත් අඩංගුවට ගත් බව ඕකවෙල පොලිසිය පවසයි .
හෙරොයින් ජාවාරමෙන් උපයාගන්නා ලද රුපියල් ලක්ෂ 82 ක මුදලක් හා මුදල් ගණන් කිරීමේ විද්යුත් යන්ත්රයක් සමග පුද්ගලයන් දෙදෙනෙක් කොළඹ කෙසෙල්වත්ත ප්රදේශයේ
මහර බන්ධනාගාරයේ රඳවා සිටින මහා පරිමාණ මත්ද්රව්ය ජාවාරම්කරුවකු මෙහෙයවන මත්ද්රව්ය ජාවාරමේ ප්රධාන ගෝලයා ලෙස කටයුතු කරන කාන්තාවක් මත්කුඩු හා මුද
උතුරු නැගෙනහිර බිම් බෝම්බ ඉවත් කිරීමේ නිරත යුද හමුදාවේ සහ රාජ්ය නොවන ආයතනවල සාමාජික සාමාජිකාවන්ගේ සහභාගීත්වයෙන් ක්රිකට් තරගාවලියක් සහ කඹ ඇදීමේ ත
ජෙලෙග්නයිට් පුපුරණ ද්රව්ය කූරු 100 ක් යතුරුපැදියකින් ප්රවාහනය කරමින් සිටි පුද්ගලයෙකු මන්නාරම නගරය දී අද (5) අලුයම මන්නාරම පොලිසිය මගින් අත්අඩංගුවට
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
දශක 6කට අධික ඉතිහාසයකට උරුමකම් කියන ශ්රී ලංකාවේ පුරෝගාමී රක්ෂණ සමාගම වන ශ්රී ලංකා ඉන්ෂුවරන්ස් සිය ජීවිත හා සාමාන්ය රක්ෂණ ව්යාපාර නීත්යානුකූල
යුද හමුදාව සතු ලේඛන ව්යාජ ලෙස සකස් කළ සෙබළෙකු අත්අඩංගුවට