(ප්‍රසන්න පත්මසිරි)
 
වැසි සහිත කාලගුණ තත්ත්වය හේතුවෙන් බදුල්ල දිස්ත්‍රික්කයේ පවුල් 298 ක පුද්ගලයින්  993 ක් අවතැන්ව සිටින බවත් පවුල් 100ක් කඳවුරු තුනක රඳවා සිටින බවත් දිස්ත්‍රික් ආපදා කළමනාකරණ මධ්‍යස්ථානයේ සහකාර අධ්‍යක්ෂ ඊ. එම්. එල්. උදයකුමාර මහතා පැවසීය.

අවතැන්වූ පවුල්වල සාමාජිකයින් ලුණුගල ගල්උල්ල දෙමළ විදුහල, හාලිඇල මොරගොල්ල විදුහල සහ ඇල්ල දෙමළ විදුහලේ තාවකාලික කඳවුරුවල රඳවා තිබේ.

ආපදාවලට ලක්වු තිදෙනෙකු තුවාල ලබා සිටින බවද උදයකුමාර මහතා කියයි.

කඳවුරු සිටින අවතැන්වුවන්ට අවශ්‍ය සියලුම සේවාවන් ලබාදීමට පොලීසිය, යුද හමුදාව, ප්‍රාදේශීය ලේකම් කාර්යාල ඇතුලු රජයේ ආයතන කටයුතු කර තිබේ.

ඌව පළාත් ආණ්ඩුකාරවර නීතිඥ රාජා කොල්ලුරේ මහතා අවතැන් පිරිස් සිටින කඳවුරුවලට ගොස් අවශ්‍යතා සොයාබලා අවතැන් පිරිස්වලට රජයෙන් ලැබිය යුතු සේවාවන් කඩිනමින් ලබාදෙන්නැයි නිලධාරීන්ට උපදෙස් දී ඇත.