(අජිත්ලාල් ශාන්තඋදය සහ ජයන්ත නානායක්කාර)
‘සහජීවනයට මුවාවී ත්රස්තවාදීන්ට කප්පම් දී නැවතත් මේ රටේ සාමය නැතිකරන්න කටයුතු නොකරන ලෙස ඒකබද්ධ විපක්ෂය ලෙස රජයට දන්වන බවත්, ආරක්ෂක ප්රධානීන් දඬුකදේ ගසමින් රජයේ බුද්ධි අංශ අඩපන කරමින් ගෙනයන සහජීවනය හමුවේ ත්රස්වාදය රටතුළ හිස ඔසවා ඇතැයි‘ ඒකාබද්ධ විපක්ෂයේ රත්නපුර දිස්ත්රික් පාර්ලිමේන්තු මන්ත්රී ටී. රංජිත් සොයිසා මහතා අද (24) පැවසුවේය.
ඇඹිලිපිටිය නගරයේ පැවති මාධ්ය හමුවකදී ඔහු මේ බව පැවසීය. එහිදී වැඩිදුරටත් කරුණු දැක්වූ ටී. රංජිත් සොයිසා මන්ත්රීවරයා.
තිස් අවුරුද්දක් පුරා පැවති යුද්ධය පරාජය කර ඒලටීටීඊ සංවිධානය ජාතික වශයෙන් පරාද කළත් ජාත්යන්තර වශයෙන් නැගී සිටින්නට පුලූවන් බවට ඒකාබද්ධ විපක්ෂය රජයට කරුණු දක්වන විට එය අවඥාවෙන් යුතුව බැහැර කළ රජයේ පොලිස් මාධ්ය ප්රකාශකවරයා මුලතිව් වලින් ක්ලේමෝ බෝම්බ, එල්ටීටීඊ ඇඳුම් හමුවීමේ සිද්ධිය දන්නේ නෑ කියලා මාධ්යවේදීන් හමුවේ කියනවා.
නමුත් ප්රදේශයේ පොලීසිය කියනවා භායානක යුද උපකරණ සමඟ දෙන්නෙක් ඇල්ලූවා කියලා. මේ සිද්ධි තුළින් උතුරේ එල්ටිටීඊ නමින් නොවුනත් වෙනත් නමකින් හෝ භයානක අපරාධ ත්රස්ත කල්ලියක් බිහිවෙමින් පවතිනවා කියන එක අපි රජයට කියනවා.
මීට ඉස්සර කිව්වේ යුද්ධය වෙලාවේ හංගපුවා හමුවුණා කියලා. නමුත් ත්රිරෝද රියකින් ගෙනයමින් සිටිය දී මේ භාණ්ඩ හමුවුණේ. මේක රටේ ආරක්ෂාව සම්බන්ධයෙන් බරපතල ලෙස සැලකිල්ලට ගතයුතු කරුණක්. නඩු පවරලා සිටි ත්රස්වාදීන්ගේ නඩු ඉල්ලා අස්කර ගැනීමත් ආරක්ෂ අංශ ප්රබලයන් සම්බන්ධයෙන් ගත්ත අහිරකර ක්රියාවන් නිසාත් මේ තත්ත්වය වර්ධනය වුණා කියලා අපි කියනවා. දැන්වත් සහජීවනයට මුවාවෙලා ත්රස්තවාදීන්ට කප්පම් දීලා ඔවුන්ගේ මනදොළ සතුටු කිරීමේ වැඩ පිළිවෙලන් ඉවත් වන ලෙස අපි ආණ්ඩුවට දන්වනවා. බුද්ධි අංශ අඩපනයි. බුද්ධි අංශ නිලධාරීන් සියල්ල හිර ගෙවල්වල. ආරක්ෂක අංශ ප්රධානීන් දඬුකදේ ගහලා. ඒ තත්ත්වය තුළ එල්ටීටීඊ හිතවාදීන් බඩපිණුම් ගහනවා.
ආර්ථිකය කඩා වැටිලා. ණය ක්රම ගණනාවක් රජය හඳුන්වලා දීලා. රුපියල් ලක්ෂ දෙකේ නිවාස ණය දෙන්නේ පෝලිමට. ඒ නිවාස ණය අයදුම් පත්රයේ ප්රදේශයේ එක්සත් ජාතික පක්ෂයේ නියෝජිතයාගේ අත්සන සහ සීල්එක ඕනෑ කියලා අපි අහලා තියනවා. ලංකා බැංකුව සහ මහජන බැංකුව නිවාස ණය දෙන්නේ දේශපාලන ඉල්ලීම්වලට පමණක් ද කියලා අපි අහනවා.
ඒවගේම තමයි රටේ අපරාධ එන්න එන්නම වැඩිවෙලා. අපරාධකාරයන් සම්බන්ධයෙන් ආරක්ෂක අංශ දක්වන ප්රතිචාරවලට ඒකාබද්ධය ලෙස අපේ විවේචන තියනවා. අපරාධයක් වුණාට පස්සේ අපරාධකාරය අල්ලලා ගහලා මරලා දානවට වැඩිය අපරාධ වෙන්න ඉස්සර සමාජය වෙනස් කිරිම මේ රජය විසින් කළ යුතු දෙයක්. අපරාධකාරයන් වීමේ පසුබිම නැති කළ යුතුයි. අරාජිකවු ආර්ථික ක්රමය තුල හැම මනුස්සයෙක් ම හොරෙක් බවට පත්වීමේ ප්රවනතාවක් ඇතිවෙලා තියනවා.
ඒවගේම රජයේ මතය ගෙනයනන බෞද්ධ භික්ෂුන් යොදාගන්නවා වගේම ඊට එරෙහි බෞද්ධ භික්ෂූන්ව මරධනය කිරිමත් අපි හෙළා දකිනවා. ඥානසාර හිමියන්ගේ මතය හා ඒකාබද්ධ විපක්ෂයේ මන්ත්රීවරුන්ගේ මතය සමග එකඟත්වයක් නෑ. නමුත් බෞද්ධ භික්ෂුවක් හැටියට උන්වහන්සේට හිරිහැර කළානම් ඒක අපි හෙළා දකිනවා.
මෙම අවස්ථාවට ඇඹිලිපිටිය ප්රාදේශීය සභා සභික ගයාන් මේනක දිසානායක මහතා ඇතුලූ කිහිප දෙනෙක් ම එක්ව සිටියහ.
මෙරට තරුණ තරුණියන් අපේක්ෂා කරන ශ්රී ලංකාව නිර්මාණය කළ හැකි බවට දැඩි විශ්වාසයක් තමා තුළ පවතින බව ජනාධිපති රනිල් වික්රමසිංහ මහතා පැවසීය.
සමඟි ජන බලවේගයේ නායක සහ විපක්ෂ නායක සජිත් ප්රේමදාස මහතාට විවාදයකට සහභාගි වන ලෙස පළමුවෙන්ම අභියෝග කළේ ජාතික ජන බලවේගයේ නායක අනුර කුමාර දිසානායක මහතා
අරගලයත් එක්ක අලුත් ජනාධිපතිවරයකු, අලුත් ආණ්ඩුවක් හැදුනා. ශ්රි ලංකා පොදුජන පෙරමුණ හැටියට මේ රටේ ස්ථාවරත්වයක් ඇති කිරීමට අපි එයට සහයෝගය ලබා දුන්නා . එහ
අපේ රට අතිශයින්ම තීරණාත්මක තැනකට ඇවිත් තිබෙනවා. අපේ අත්දැකීම් තුළින්, අපේ ගෙවල්වල, වැඩකරන තැන්වල, සමාජය තුළ අපි කරන අරගලවලින් මේ සමාජය කොච්චර කඩා වැටිල
ඉදිරියේදී පැවැත්වීමට නියමිත මැතිවරණ ඉලක්ක කරගෙන දේශපාලන පක්ෂ මේ දිනවල තමන් ජයග්රහණය කළහොත් රට සහ ආර්ථිකය ගොඩගන්නා ආකාරය පැහැදිලි කරමින් සිටියි. සමග
මෙරට ගොවි ජනතාව විපතට පත්වී ඇති මොහොතක සමගි ජන බලවේගය සතුව ගොවි ජනතාව නගා සිටුවීමට සුවිශේෂී වැඩපිළිවෙළක් තිබෙනවා. එම වැඩපිළිවෙළ හරහා වචනයේ පරිසමාප්ත
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
‘සහජීවනයට මුවා වී රටේ සාමය නැති කරන්න එපා‘
dhamneth Monday, 25 June 2018 11:02 AM
2015 සිටම මේ ගොල්ලෝ කියනවා රට බෙදනවා... කොටි නැගිටිනවා කියා.. කෝ තවම මුකුත් නැහැනේ. දැන් ආණ්ඩුවේ කාලෙත් ඉවර වෙන්න ළඟයි.
Saththaya Tuesday, 26 June 2018 02:34 AM
කවුද දන්නේ නැහැ ත්රස්තවාදීන්ට කප්පම් දුන්නේ ? ඒ මුදලින් තමයි විශාල ආයුධ තොග අරගෙන කොටින් ශක්තිමත් වුනේ. ආයෙත් සුනාමියක් එයිද ?