(අංජුල මහික වීරරත්න සහ නිමල කොඩිතුවක්කු)
“රටේ ජනාධිපති විය යුත්තේ ජනතා නායකයකු ද? ජනතා ඝාතකයකුදැයි” එක්සත් ජාතික පක්ෂ නායක අග්රාමාත්ය රනිල් වික්රමසිංහ මහතා කොළඹ ගෝල්පේස් පිටියේ දී ඊයේ (10) ප්රශ්න කළේය.
“රටේ තාරුණ්ය වලව්වල වැඩකාරයන් නොකර ස්වශක්තියෙන් නගා සිටුවීම සඳහා ජනතා නායක සජිත් ප්රේමදාස ජනපති කළ යුතුම යයි” ද අග්රාමාත්යවරයා කීවේය.
එක්සත් ජාතික පෙරමුණ ප්රමුඛ පුළුල් පෙරමුණේ ජනපතිවරණ අපේක්ෂක සජිත් ප්රේමදාස මහතාගේ ජය තහවුරු කරන මංගල ජන රැළිය අමතමින් අග්රාමාත්ය රනිල් වික්රමසිංහ මහතා එසේ පැවසීය.
වැඩිදුරටත් අදහස් දැක්වූ අග්රාමාත්ය රනිල් වික්රමසිංහ මහතා මෙසේ ද ප්රකාශ කළේය.
“පසුගිය සම්මේලනයේ දී අප සජිත් ප්රේමදාස ජනපති අපේක්ෂක ලෙස නම් කළා. එදා සිට විරුද්ධවාදීන් රණසිංහ ප්රේමදාස ජනපතිට පහර දෙන්න පටන්ගෙන තිබෙනවා. ඊට පිළිතුරු දෙන්න මට යුතුකමක් තිබෙනවා.
එතුමා ජීවතුන් අතර සිටිය දී විරුද්ධවාදීන් පහර ගැසුවා. පහර ගැසුවා කියා එතුමාගේ නම නැති කරන්න බැරි වුණා. මහසෙන් රජුසේ එතුමන්ගේ නම පූජනීය වුණා.
1977 වසරේ ජේ.ආර්. මැතිවරණය ජය ගත්තේ පවුල්වාදය කුලවාදයට විරුද්ධවයි. ඊට රණසිංහ ප්රේමදාස ජනපති බොහෝ උපකාරී වුණා.
ජේ.ආර්. යටතේ වැඩවසම් ක්රමය නැති වුණා. මහවැලිය ඇරඹුවා. ප්රේමදාස මහතා ජනපති වූ පසු කර්මාන්ත ඇමැති ලෙස මා ඉතා ළඟින් ඇසුරු කළා.
ඇඟලුම් අපනයන දියුණු කළා. ගමේ තරුණයන්ට වලව්වලට යටත් නොවී රැකියා කරන්න අවස්ථාව ලැබුණා. අලුත් සමාජයක් ඇති කළා.
දුප්පත් ජනතාවට ජනසවිය දුන්නා. ගමේ වලව්වාදීන්ගෙන් ජනතාව නිදහස් කර ස්වශක්තියෙන් කටයුතු කරන්න ඉඩ දුන්නා.
ප්රේමදාස ජනපති කළ කටයුතු අප ඉදිරියට ගෙනයනවා. ගමට කර්මාන්ත අවශ්යයි. මම මහින්දගෙන් හා ගෝඨාභයගෙන් ඒ ප්රශ්නය අසනවා.
අප අලුත් නගර හදනවා. සංචාරක කර්මාන්ත දියුණු කරනවා. ඊට විරුද්ධ ද? පක්ෂ ද? ගාලු මුවදොරපිටිය තවත් පුළුල් කිරීමට කටයුතු කරනවා. කුලුනු මත මාර්ග ඉදිකරනවා.
අප අලුත් ශ්රී ලංකාවක් ඇති කරනවා ද? වැඩවසම් ක්රමයට යනවා ද?
මැද කොළඹට එන්නේ නැත්තේ ඇයිදැයි මා සජිත්ගෙන් ඇසුවා. දුප්පත් ජනතාවට වැඩ කළ යුතු බව සජිත් එදා කිව්වා. ඔහු හම්බන්තොටට ගොස් පාර්ලිමේන්තුවේ දී ජනතා දුක වෙනුවෙන් පෙනී සිටියා.
වලව්වලට යටවූ ජනතාව වෙනුවෙන් ශක්තියක් දුන්නා. සජිත් ජන නායකයෙකි. ඒ නිසා එතුමා ජනපති අපේක්ෂක කරන්න මම තීරණය කළා.
සජිත් ප්රේමදාස ජනතාව තුළින් මතුවූ ජන නායකයෙකි. ටර්මිනේටර් කෙනෙකු ඉදිරිපත් කරන බව බැසිල් රාජපක්ෂ කිව්වා.
රටේ ජනපති විය යුත්තේ ජනතා නායකයකු ද ඝාතකයෙකු ද මා ප්රශ්න කරනවා. ඒ නිසා සජිත් ප්රේමදාසට ජන්දය දී ජනපති කර රට ගොඩනගමු” යයි ද රනිල් වික්රමසිංහ මහතා පැවැසීය.
ඉදිරියේදී පැවැත්වීමට නියමිත මැතිවරණ ඉලක්ක කරගෙන දේශපාලන පක්ෂ මේ දිනවල තමන් ජයග්රහණය කළහොත් රට සහ ආර්ථිකය ගොඩගන්නා ආකාරය පැහැදිලි කරමින් සිටියි. සමග
මෙරට ගොවි ජනතාව විපතට පත්වී ඇති මොහොතක සමගි ජන බලවේගය සතුව ගොවි ජනතාව නගා සිටුවීමට සුවිශේෂී වැඩපිළිවෙළක් තිබෙනවා. එම වැඩපිළිවෙළ හරහා වචනයේ පරිසමාප්ත
ලංකා දේශපාලන ඉතිහාසයේ තීව්රැතම ගැටුම ඉදිරි මාස හත අට තුළ නිර්මාණය වෙනවා. මේක ‘ඩූ ඕ ඩයි’ සටනක් යැයි ජාතික ජනබලවේගයේ නායක පාර්ලමේන්තු මන්ත්රී අනුර කුම
ආර්ථිකය ගැන දින හතක විවාදයකට එන්නැයි විපක්ෂ නායක සජිත් ප්රේමදාස මහතා ප්රවාහන හා මහා මහාමාර්ග අමාත්ය බන්දුල ගුණවර්ධන මහතාට පාර්ලිමේන්තුවේ දී අභිය
මිනිස්සුන්ට අරගල තිත්ත වෙලා යැයි පොදුජන පෙරමුණේ මන්ත්රී මහින්දානන්ද අලුත්ගමගේ මහතා පාර්ලිමේන්තුවේ දී පැවසීය.
ජනාධිපතිවරුන් ලෙස සිට නැවත පාර්ලිමේන්තුවට පැමිණීම නීතියක් ගෙනැවිත් නතර කළ යුතුව තිබෙන බව පොදුජන පෙරමුණේ කුරුණෑගල දිස්ත්රික් මන්ත්රී දයාසිරි ජයස
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
දශක 6කට අධික ඉතිහාසයකට උරුමකම් කියන ශ්රී ලංකාවේ පුරෝගාමී රක්ෂණ සමාගම වන ශ්රී ලංකා ඉන්ෂුවරන්ස් සිය ජීවිත හා සාමාන්ය රක්ෂණ ව්යාපාර නීත්යානුකූල
“රටේ තාරුණ්යය නඟා සිටුවීමට සජිත් ජනපති කළ යුතුමය“
Cham Friday, 11 October 2019 09:30 AM
රටේ නායකයා නගා සිටුවීමට සජිත් ජනාධිපති කර යුතුමයි කිව්වම මොකෝ?
chandima Saturday, 12 October 2019 04:58 PM
සජිත් තරුණයෙක් කියන්නේ වරදිලවත්ද? එයා අසුව පැනපු කට්ටියට නම් තරුණයෙක් තමයි.