(නිමල කොඩිතුවක්කු)
යහපාලන රජය ජනතාවට ලබා දුන් සහන, සමහර අයට ඇගිල්ලෙන් ඇන මතක් කරන්නට සිදුව ඇතැයි එක්සත් ජාතික පක්ෂ නියෝජ්ය මහලේකම් රුවන් විජයවර්ධන මහතා පැවසීය.
යහපාලන රජය මගින් ලබා දුන් ප්රජාතන්ත්රවාදී නිදහස සහ සහන පිළිබඳ අද ජනතාවට යථාර්ථය අවබෝධ වෙමින් පවතින බවද විජයවර්ධන මහතා සඳහන් කළේය.
දොම්පේ ප්රදේශයේ අද(24) පැවති ජනහමුවකට එක්වෙමින් ඔහු මේ බව පැවසීය.
එහිදී වැඩිදුරටත් අදහස් දැක්වූ එක්සත් ජාතික පක්ෂයේ නියෝජ්ය මහලේකම් රුවන් විජයවර්ධන මහතා මෙසේද කීවේය.
වසර ගණනාවක් තිස්සේ රාජ්ය සේවකයන්ට වැටුප් වැඩි කළේ නැහැ. එම යුගය නිමා කරමින් එක වර රාජ්ය සේවක වැටුප් රුපියල් 10,000 කින් වැඩිකිරීමට යහපාලන රජය කටයුතු කළා. එම කාලය තුළ රාජ්ය සේවකයන්ගේ සියයට 107කින් වැටුප් වැඩි කිරීමට අපට හැකි වුණා. පෙට්රල්, ඩීසල්, භූමිතෙල් සහ ගෑස් මිල අඩු කරමින්, භාණ්ඩ මිල පහල දමමින් ජනතාවට සහන ලබාදීමට අපි කටයුතු කළා. අත්යවශ්ය ඖෂධ මිල 40% කින් පමණ පහත හෙලමින් ජනතාවට විශාල සහනයක් ලබාදීමට අපි කටයුතු කළා.
රාජ්ය සේවයේත් රාජ්ය නිලධාරීන්ගේත් අභිමානයත් ස්වාධීනත්වයත් ආරක්ෂා කරමින් ස්වාධීන කොමිසන් සභා පිහිටුවීම සඳහා එක්සත් ජාතික පක්ෂය පුරෝගාමි මෙහෙවරක් ඉටුකළා.
මේ සියලු ජනතාවාදී තීන්දු තීරණ ආපස්සට හැරවීම සඳහා ගෙවී ගිය මාස අටක කාලයේදි රාජපක්ෂ පාලනය කටයුතු කර තිබෙනවා.
ළඟම පාසල හොඳම පාසල, සුවසැරිය ගිලන් රථ සේවය, ගම්පෙරලිය, සුරක්ෂා සිසු රක්ෂණාවරණය, යුද හමුදාව මූලික කරගනිමින් රසායනික ජෛවීය විකිරණ සහ නෂ්ටික ප්රහාරයන්ට සහ වසංගතයන්ට මුහුණ දිය හැකි CBRN ඒකකය වැනි බලඝණ පිහිටුවමින් ආර්ථිකය සහ ආරක්ෂාව ශක්තිමත් කිරීමට අපට හැකිවුණා.
මාධ්ය නිදහස සහ පුද්ගල නිදහස සුරක්ෂිත කරමින් ගෙනගිය ප්රජාතන්ත්රවාදී වැඩපිළිවෙළ අද වන විට බුද්ධිමත් ජනතාව අවබෝධ කරගෙන තිබෙනවා.
කාලයෙන් කාලයට විවිඩ මාතෘකා නිර්මාණය කරමින් ජන මනස විකෘති කරමින් ජනතාව නොමඟ යමින් බලයට පත් පාලකයින්ගෙන් සැබෑ ස්වභාවය මේ වන විට රටේ ජනතාවට හොදින් අවබෝධ වී තිබෙනවා.
රැවටිලිකාරී පාලනය පරාජය කර ඩී.එස්.සේනානායක යුගයේ පටන් එක්සත් ජාතික පක්ෂය රටේ උන්නතිය වෙනුවෙන් ඉටු කළ දැවැන්ත යුග මෙහෙවර අඛණ්ඩව ඉදිරියට ගෙන යාම සදහා අපි කැප වෙනවා. මෙවර මහා මැතිවරණයේදී ඒ සඳහා සහයෝගය ලබා දෙන ලෙසට සියලු දෙනාගෙන් අපි ඉල්ලීමක් කරනවා යැයිද ඔහු එහිදී පැවසීය.
ඉදිරියේදී පැවැත්වීමට නියමිත මැතිවරණ ඉලක්ක කරගෙන දේශපාලන පක්ෂ මේ දිනවල තමන් ජයග්රහණය කළහොත් රට සහ ආර්ථිකය ගොඩගන්නා ආකාරය පැහැදිලි කරමින් සිටියි. සමග
මෙරට ගොවි ජනතාව විපතට පත්වී ඇති මොහොතක සමගි ජන බලවේගය සතුව ගොවි ජනතාව නගා සිටුවීමට සුවිශේෂී වැඩපිළිවෙළක් තිබෙනවා. එම වැඩපිළිවෙළ හරහා වචනයේ පරිසමාප්ත
ලංකා දේශපාලන ඉතිහාසයේ තීව්රැතම ගැටුම ඉදිරි මාස හත අට තුළ නිර්මාණය වෙනවා. මේක ‘ඩූ ඕ ඩයි’ සටනක් යැයි ජාතික ජනබලවේගයේ නායක පාර්ලමේන්තු මන්ත්රී අනුර කුම
ආර්ථිකය ගැන දින හතක විවාදයකට එන්නැයි විපක්ෂ නායක සජිත් ප්රේමදාස මහතා ප්රවාහන හා මහා මහාමාර්ග අමාත්ය බන්දුල ගුණවර්ධන මහතාට පාර්ලිමේන්තුවේ දී අභිය
මිනිස්සුන්ට අරගල තිත්ත වෙලා යැයි පොදුජන පෙරමුණේ මන්ත්රී මහින්දානන්ද අලුත්ගමගේ මහතා පාර්ලිමේන්තුවේ දී පැවසීය.
ජනාධිපතිවරුන් ලෙස සිට නැවත පාර්ලිමේන්තුවට පැමිණීම නීතියක් ගෙනැවිත් නතර කළ යුතුව තිබෙන බව පොදුජන පෙරමුණේ කුරුණෑගල දිස්ත්රික් මන්ත්රී දයාසිරි ජයස
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
දශක 6කට අධික ඉතිහාසයකට උරුමකම් කියන ශ්රී ලංකාවේ පුරෝගාමී රක්ෂණ සමාගම වන ශ්රී ලංකා ඉන්ෂුවරන්ස් සිය ජීවිත හා සාමාන්ය රක්ෂණ ව්යාපාර නීත්යානුකූල
’යහපාලන රජය ජනතාවට දුන් සහන සමහරුන්ට ඇඟිල්ලෙන් ඇන මතක් කරන්න වෙලා’
Bamunuarachchi Thursday, 25 June 2020 04:48 AM
"වසර ගණනාවක් තිස්සේ රාජ්ය සේවකයින්ට වැටුප් වැඩි කළේ නැහැ." මොකක්ද හලෝ ඒ කතාව 2014 අයවැයෙන් නේද මහින්ද මහතා රු 3000 වැටුප් වැඩිවීමක් දුන්නේ...? එ්කට 7000 එකතු කරලා නේද 10000 කලේ...? රටට දරන්න බැරි මුදලක් සේවකයින්ට දීලා සාමාන්ය ජනතාවට හිටු කියලා බදු ගැහැව්වා නේද? " පෙට්රල්, ඩීසල්, භූමිතෙල් සහ ගෑස් මිල අඩු කරමින්, "ජෙෂ්ට ඇතුළුව බැංකු පොලියට ගහපු බදු, උපයනවිට ගෙවීම් බදු, වැට් වැඩි කළා නේද? එතකොට කොහොමද බඩු මිල පහත යන්නේ.. ආරක්ෂක බද්ද වැඩිකළා නේද? මොනවද කතා... "ළඟම පාසල හොඳම පාසල, සුවසැරිය ගිලන් රථ සේවය, ගම්පෙරලිය, සුරක්ෂා සිසු රක්ෂණාවරණය," රටේ තිබෙන සම්පත් පිටරැටියන්ට වික්කේ කව්ද?