(මත්තේගොඩ ශාන්ත ප්රදීප් කුමාර කුලරත්න, කළුබෝවිල පින්සිරි ආරියරත්න, කැස්බෑව ජී.එස්. කහටපිටිය සහ හෝමාගම ප්රියන්ත ජයලත්)
මහ පාරේදි මිනිස්සු ප්රසිද්ධියේ ඝාතනය කරන තරමට පාතාලය අද හිස ඔසවා ඇති බවත් එවන් ඝාතන හයක් පමණ පසුගිය දින දෙක තුනේදී කොළඹ නගරයේදී සිදු වූ බවත් හිටපු ජනාධිපති, මහින්ද රාජපක්ෂ මහතා ඉකුත්දා (30) පැවසීය.
හිටපු ජනාධිපතිවරයා මේ අදහස් පළ කළේ පිළියන්දල හොන්නන්තර ශ්රී විජය නන්දනාරාමාධිපති පිළියන්දල ශාසනාරක්ෂක බල මණ්ඩලයේ ලේඛකාධිකාරී හල්විටිගල යසස්සී නාහිමියන්ට කොළඹ සල්පිටි කෝරළේ අධිකරණ සංඝනායක පදවිය පිළිබඳ ශ්රී සන්නස් පත්රය පිළිගැන්වීම වෙනුවෙන් හොන්නන්තර ශ්රී විජයනන්දනාරාම විහාරස්ථානයේ පැවති උත්සවයක් අමතමිනි. අග්ගමහා පණ්ඩිත ආචාර්ය නියංගොඩ විජිතසිරි, සියම් මහා නිකායේ මල්වතු පාර්ශ්වයේ අනුනා හිමියන් විසින් උත්සව සභාවේ මුලසුන හොබවන ලදී. අභිනව සංඝනායක හිමියන් පිරිස පංච ශීලයෙහි පිහිටු වූ අතර තුම්බෝවිල ධම්මරතන හිමියෝ පිළිගැනීමේ අනුශාසනාව පැවැත්වූහ.
අනතුරුව අභිනව සංඝනායක හිමියන්ට පිළිගන්වන ලද ශ්රී සන්නස් පත්රය කියවීම මල්වතු මහා විහාරවාසී රාජකීය පණ්ඩිත කපුලියැද්දේ ධීරානන්ද හිමියන් විසින් සිදු කරන ලදී. ඉන් පසු සන්නස් පත්රය හිටපු ජනාධිපති, මහින්ද රාජපක්ෂ මහතා විසින් පිළිගන්වන ලද අතර විජිනිපත පිළිගැන්වීම, කථානායක කරු ජයසූරිය මහතා සිදු කළේය.
හිටපු ජනාධිපතිවරයා මෙසේ ද කීය.
මේ උත්සව සභාවේ එක් අනුශාසනයකදී කිය වුණා මේ රටේ පසුගිය කාලයේ ළමා අපචාර 5000 ක් පමණ සිදුවෙලා තියෙනවා කියලා හාමුදුරුවනේ. අපි මේ තත්ත්වය කොහොම වෙනස් කරන්න ද ළමයි වෙනුවෙන් පිහිටුවා ඇති ළමා ආරක්ෂක අධිකාරියේ අධ්යක්ෂකවරයෙකුටත් ළමා අපචාර පිළිබඳව චෝදනා එල්ල වෙලා තියෙද්දී. ඔහු අවුරුදු තුනක් විතර අධ්යක්ෂවරයකු ලෙස කටයුතු කළා. මේ ළඟදී තමයි ඉවත් කරල තියෙන්නේ.
ඉතිං එවන් තත්ත්වයක් තුළ අනාගතය භාර ගන්න ඉන්න අපේ ළමා පරපුර රැක ගැනීම මවුපියන්ට පමණක් නොවෙයි, රජයකටත් අයිති කාරණාවක්. එසේම මේ පිළිබඳව නිසි දැනුමක් ලබා දීම ද සිදු කළ යුතු වෙනවා.
එහෙම මම කියන්නේ ගෙවල් ඇතුළේ ඉඳගෙන කරන දේවල් එළිපිට කරන්න මේ රජය අවසර දෙන්න යන නිසයි.
මේ තත්ත්වය මත ළමා පරපුරේ ඉරණම කුමක් වේවිදැයි හිතා ගන්න බැහැ. ඒ නිසා මේ රටේ සංස්කෘතික ලක්ෂණ රැකගෙන යහපත් සමාජයක් බිහි කිරීම අප කාගේත් වගකීම හා යුතුකම වන බව කිව යුතුයි.
ඒත් මේ වෙනකොට බටහිරින් එන හොඳ නරක සියලු දේ අන්ධානුකරණයෙන් භාරගෙන මේ රටේ ස්ථාපිත කරන්නත් වත්මන් රජය කටයුතු කරමින් සිටිනවා. ඒ නිසා අපේ සංස්කෘතිය රැකගන බටහිරින් එන නරක ලක්ෂණ පිළිකුල් කරන්න අපි පෙළ ගැසිය යුතුයි. ඒ සඳහා ගරුතර මහා සංඝරත්නය හඬක් නැගීම අපිට
හයියක් වගේම සතුටක්. ඒ නිසා වෙන කවරදාටත් වඩා මහා සංඝරත්නයේ වගකීම අද වැඩි වෙලා තියෙනවා.
අද සංඝනායක පදවිය ලැබූ ඔබ වහන්සේ මේ සමාජය යහමගට ගන්නට සිදුකළ මහා මෙහෙය අගයා අද පිරිනමන මෙම තනතුරින් ඔබ වහන්සේ බැබලෙන්නේ නැතිව ඔබ වහන්සේ විසින් තනතුර බබලවනු ඇතැයි අප විශ්වාස කරනවා.
ආචාර්ය නියංගොඩ විජිතසිරි මල්වතු මහා විහාර පාර්ශ්වයේ අනු නාහිමියෝ අනුශාසනාවක් කරමින්
මෙසේ සඳහන් කළහ. මේ රටේ මුලින්ම ආණ්ඩු හැදුවේ පණ්ඩුකාභය රජ්ජුරුවෝ ඒ අපේ උරුමය. ඒ තත්ත්වය රැකගෙන අද දියුණු සමාජයකට පැමිණ තියෙනවා. වනචාරී යුගයෙන් වැඩ වසම් යුගයකට ඉන් පසුව
ප්රජාතන්ත්රවාදී යුගයකට අප පැමිණ තිබෙනවා. එම නිසා මේ යුගයේදී මේ රටට නවීකරණය අවශ්ය වී තියෙනවා. ඒ නිසාම මේ රටේ අණ පනත් නීති රීති පවා වෙනස් කරන්න පාලකයන් පෙළඹී තිබෙනවා.
බි්රතාන්ය සම්ප්රදායට අනුව මේ රටේ නවීකරණය ඇති කළේ බි්රතාන්යයන් මිස අපි නොවෙයි. අපේ අවශ්යතාවන් අනුව නොවෙයි. ඒ නිසා අපේකම රැකෙන අපේ දේ රැකෙන පරිද්දෙන් අලුත් නවීකරණයන් සිදු කළ යුතුයි. ගල්කිස්ස බෞද්ධායතනාධිපති දිවියාගහ යසස්සී නාහිමි, සියම් මහ නිකායේ ඌව පාර්ශ්වයේ මහා නායක අඹේවෙල පඤ්ඤාසාර මහා නාහිමි, රාමඤ්ඤ මහා නිකායේ අනුනායක මාතලේ ධම්ම කුසල අනු නාහිමිවරු පැවිදි අනුශාසනා පැවැත්වූහ. ශ්රී ලංකා පාර්ලිමේන්තුවේ නියෝජ්ය කතානායක තිලංග සුමතිපාල,
පාර්ලිමේන්තු මන්ත්රී ගාමිණී ලොකුගේ යන මහත්වරු ද සභාව ඇමතූහ.
රාජ්ය සේවා එක්සත් හෙද සංගමයේ සභාපති මුරුත්තෙට්ටුවේ ආනන්ද නාහිමි, දළදා මාලිගාවේ දියවඩන
නිලමේ නිලංග දෑල බණ්ඩාර මහතා ඇතුළු ගිහි පැවිදි විශාල පිරිසක් මෙම අවස්ථාවට සහභාගි වී සිටියහ.
මෙරට තරුණ තරුණියන් අපේක්ෂා කරන ශ්රී ලංකාව නිර්මාණය කළ හැකි බවට දැඩි විශ්වාසයක් තමා තුළ පවතින බව ජනාධිපති රනිල් වික්රමසිංහ මහතා පැවසීය.
සමඟි ජන බලවේගයේ නායක සහ විපක්ෂ නායක සජිත් ප්රේමදාස මහතාට විවාදයකට සහභාගි වන ලෙස පළමුවෙන්ම අභියෝග කළේ ජාතික ජන බලවේගයේ නායක අනුර කුමාර දිසානායක මහතා
අරගලයත් එක්ක අලුත් ජනාධිපතිවරයකු, අලුත් ආණ්ඩුවක් හැදුනා. ශ්රි ලංකා පොදුජන පෙරමුණ හැටියට මේ රටේ ස්ථාවරත්වයක් ඇති කිරීමට අපි එයට සහයෝගය ලබා දුන්නා . එහ
අපේ රට අතිශයින්ම තීරණාත්මක තැනකට ඇවිත් තිබෙනවා. අපේ අත්දැකීම් තුළින්, අපේ ගෙවල්වල, වැඩකරන තැන්වල, සමාජය තුළ අපි කරන අරගලවලින් මේ සමාජය කොච්චර කඩා වැටිල
ඉදිරියේදී පැවැත්වීමට නියමිත මැතිවරණ ඉලක්ක කරගෙන දේශපාලන පක්ෂ මේ දිනවල තමන් ජයග්රහණය කළහොත් රට සහ ආර්ථිකය ගොඩගන්නා ආකාරය පැහැදිලි කරමින් සිටියි. සමග
මෙරට ගොවි ජනතාව විපතට පත්වී ඇති මොහොතක සමගි ජන බලවේගය සතුව ගොවි ජනතාව නගා සිටුවීමට සුවිශේෂී වැඩපිළිවෙළක් තිබෙනවා. එම වැඩපිළිවෙළ හරහා වචනයේ පරිසමාප්ත
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ආයෙත් පාරේ බැහැලා යන්න බැරි තත්ත්වෙට ඇවිත්
shan saudi Monday, 02 April 2018 08:13 AM
දැන් අමාරුවෙන් හරි ආපසු එන්න පුළුවන් එක ලොකු දෙයක්
nuwan Tuesday, 03 April 2018 05:14 AM
අනේ මෙයාට කරපු කියපු දේවල් මතක නැති හැටි