ක්රිකට් තරග රූපවාහිනී ඔස්සේ විකාශය කිරීමේ අයිතිය පැවරීම වෙනුවෙන් ශ්රී ලංකා ක්රිකට් ආයතනයට ලැබුණ ඇෙමරිකානු ඩොලර් මිලියන 5.5ක මුදලක් වංචාකාරීව විදේශ බැංකුවක ගිණුමකට තැන්පත් කිරීමට නිලධාරියකු ගත් උත්සාහයක් සම්බන්ධයෙන් මූල්ය අපරාධ විමර්ශන කොට්ඨාසයට පැමිණිලි ඉදිරිපත්වී ඇති බව වාර්තාවේ.
එම මුදල ශ්රී ලංකාවේ මුදලින් රුපියල් අනූකෝටි හැත්තෑපන් ලක්ෂයකි.
ක්රිකට් තරග විකාශය පිළිබඳව ශ්රී ලංකාව කෙරෙහි අවධානය ඇති වූයේ 1996 ලෝක කුසලාන ජයග්රහණයෙන් පසුවය. ඊට පෙරත් ඉන්දියාව සමග තරග ප්රචාර පිළිබඳව එකඟතාවයක් තිබුණත් එය ප්රබලව නොතිබිණි.
මෑත කාලයේ රූපවාහිනී ප්රචාරක ගනුදෙනු අතිවිශාල වශයෙන් මුදල් උපයන මාර්ගයක් බවට පත්වී තිබෙන්නේ යැයි චෝදනා ඇත.
එංගලන්තයේ ‘මහත්වරුන්ගේ ක්රීඩාව’ වශයෙන් හඳින්වුණ ක්රිකට් ක්රීඩාවේ මෙරට පරිපාලන කටයුතු සඳහා 1922 කොළඹ ක්රිකට් සමාජය පිහිටවූ අතර එය පසුව ක්රිකට් පාලක මණ්ඩලය බවට පත්විය.
ක්රිකට් පාලක මණ්ඩලය සඳහා සභාපතිවරයකු තෝරා පත්කර ගැනීමේ කටයුත්ත ඇතුළුව එහි මුදල් කටයුතු සම්බන්ධයෙන් කලින් කලට චෝදනා එල්ලවී තිබුණි. අනූව දශකයේදී වර්ල්ඩ් ටෙල් ගනුදෙනුවද එවකට මහත් ආන්දෝලනයකට ලක්වූ සිද්ධියක් වී තිබුණි. ක්රීඩාවට සම්බන්ධව සිටි දේශපාලනඥයන් ගණනාවකගේ නම් මේ සිදුවීම් හා බැඳී තිබුණ බවද වාර්තාවේ. විශේෂයෙන් ක්රිකට් තරග විකාශය සඳහා රූපවාහිනි නාළිකාවකට අනුමැතිය ලබාදීමේදී ඇතැම් අවස්ථාවල වංචනික ලෙස මුදල් අවභාවිතය සිදුවූ බවටද චෝදනා ඇත.
රූපවාහිනි විකාශය සඳහා අනුමැතිය ලබාදීමේ ගනුදෙනුව ධන උල්පතක් බවටද චෝදනා ඇත.
මෙවරද මූල්ය චෝදනා ඇත්තේ රූපවාහානියකට විකාශන අයිතිය පැවරීම සම්බන්ධයෙනි.
මෙම විකාශන අයිතිය සෝනි ඉන්ටර්නැෂනල් ආයතනයට විකිණීම වෙනුවෙන් ශ්රී ලංකා ක්රිකට් ආයතනයට ලැබුණු ඇමරිකානු ඩොලර් මිලියන 5.5ක මුදල වංචනිකව හොංකොංහි බැංකු ගිණුමකට තැන්පත් කිරීමට ශ්රී ලංකා ක්රිකට් ආයතනයේ නිලධාරියකු උත්සාහ ගැනීමේ සිද්ධිය සම්බන්ධයෙන් මෙම පැමිණිල්ල ඉදිරිපත්වී ඇත.
ක්රිකට් තරග විකාශන අයිතිය වෙනුවෙන් සෝනි ආයතනය ශ්රී ලංකාවට ගෙවීමට නියමිත මුදලේ වටිනාකමින් වැඩි මුදලක් වංචනිකව වෙනත් ගිණුමකට බැර කිරීමට උත්සාහ දරා ඇති බව කියති.
ශ්රී ලංකා ක්රිකට් ආයතනයේ ගිණුමට බැරවිය යුතුව තිබූ මුදලක් මෙලෙස විදෙස් බැංකුවක පවත්වා ගෙන යන පෞද්ගලික ගිණුමකට බැර කිරීමට ගත් උත්සාහය පිළිබඳව ශ්රී ලංකා ක්රිකට් ප්රධාන විධායක නිලධාරී ඈෂ්ලි ද සිල්වා මහතාට දැන ගන්නට ලැබීමෙන් පසු ඒ පිළිබඳව ශ්රී ලංකා ක්රිකට් පරිපාලනය බාරව සිටින ක්රිකට් නිසි බලධාරී ක්රීඩා අමාත්යාංශයේ ලේකම් කමල් පද්මසිරි මහතාටත් ඇමැති ෆයිසර් මුස්තාපා මහතාටත් දැනුම්දී ඇත. එහිදී ඇමැතිවරයාගේ උපදෙස් මත මෙම තොරතුරු මූල්ය අපරාධ විමර්ශන කොට්ඨාසයට පැමිණිලි කර ඇත.
මෙලෙස මුදල් වංචාවකට සම්බන්ධ බවට සැක කෙරෙන ක්රිකට් ආයතනයක ප්රධාන නිලධාරියකුගේ සේවය තාවකාලිකව අත්හිටුවා ඇති බව වාර්තා වේ. දැනට ඔහු අනිවාර්ය නිවාඩු යවා ඇති බව ද වාර්තා වේ.
ශ්රී ලංකා ක්රිකට් පාලක මණ්ඩලය මෙම සිද්ධියට අදාළ තොරතුරු අනාවරණය කරගෙන ඇත්තේ චෝදනාවට ලක්ව සිටින නිලධාරියාගේ ඊමේල් දත්ත පරීක්ෂා කිරීමෙනි. මෙම මූල්ය වංචාවට මූල්ය ප්රධානියාගේ සම්බන්ධයක් ඇති බවට මෙම ඊමේල් දත්ත තොරතුරුවලින් කරුණු හෙළි කරගෙන ඇත.
මෙම මූල්ය වංචාවට අදාළ සියලු ඊමේල් පණිවිඩ හුවමාරු වී ඇත්තේ ශ්රී ලංකා ක්රිකට් පරිගණක ජාලයෙන් බව ද කියති.
මූල්ය ප්රධානියා මේ මුදල පෞද්ගලික ගිණුමකට බැර කරන ලෙස අදාළ රූපවාහිනී ආයතනයට දුරකථනයෙන් දැනුම් දී තිබූ බවට තොරතුරු ලැබී ඇත. මෙම දැනුම් දීම පිළිබඳව අදාළ ආයතනය ශ්රී ලංකා ක්රිකට් ප්රධානීන්ට දුරකතනයෙන් දැනුම් දීම නිසා සිදුවීමට ගිය මුදල් වංචාව පිළිබඳව තොරතුරු අනාවරණය කරගැනීමට හැකිවී ඇත.
එංගලන්ත ක්රිකට් කණ්ඩායමේ ශ්රී ලංකා සංචාරයේ රූපවාහිනී විකාශය ලබා දුන් ආයතනයෙන් මෙලෙස ඩොලර් මිලියන 5.5 ක මුදලක් වංචා කිරීමට සූදානම්ව සිටි බව ද සඳහන් වේ.
මුදල් බැර කිරීමට සඳහන් කරන ලද ගිණුම හිමි ආයතනයේ අධ්යක්ෂ මණ්ඩලයේ ශ්රී ලාංකිකයකු සිටින බවට ද ලැබී ඇති තොරතුරු පිළිබඳවද විමර්ශනයක් පවතින බව වාර්තා වේ. එම ශ්රී ලාංකිකයා මෙරට දේශපාලනඥයකුට සම්බන්ධ කෙනෙක් බවට ද සැකයක් පවතී.
පෞද්ගලික ගිණුමකට මුදල් ලබා ගැනීමට තැත් කිරීමේ සිද්ධිය පිළිබඳව වැඩිදුරටත් කරුණු විමසීම සඳහා ක්රිකට් පාලක මණ්ඩලයේ ප්රධාන විධායක නිලධාරි ඈෂ්ලි ද සිල්වා මහතා දුරකථනයෙන් සම්බන්ධ කරගැනීමට උත්සාහ කළත් ඔහු විදේශ ගතව සිටින බැවින් සම්බන්ධ කරගැනීමට නොහැකි විය.
සටහන
දයාසීලි ලියනගේ
“දිනක් බන්ධනාගාර භාරයේ සිට උපදේශනය සඳහා පැමිණි වයස අවුරුදු 50 පසුවෙන පමණ කාන්තාවක් හඬා වැටෙමින් පැවැසුවේ තම සැමියාට අනියම් සම්බන්ධයන් තිබුණාදැයි සැක
පෙරභවය හෙළි කළ දරුවන් මගින් අපූරු තොරතුරු වරින්වර අසන්නට ලැබේ. ඒ අතරින් අතිශය අසිරිමත් සිදුවීමක් පසුගිය දිනෙක සිදුවිය. එම පුනර්භව සාධකයට හේතු වූයේ මීට
මිනිසාගේ පැරණිතම මිතුරෙකු වශයෙන් සැලකෙන සුනඛයා වත්මන් යුගය වන විට නිවෙසේ ආරක්ෂකයෙකු සේම සුරතලෙකු වශයෙන්ද ආරක්ෂක අංශවලට සම්බන්ධ වී විවිධ අපරාධ පුපුර
මදු හා උඟුල් අටවා වන සතුන් දඩයම් කර ගැනීමට මෙරට බහුලව සිදුවෙන ක්රියාදාමකි. මෙරට බොහෝ වනාන්තර ආශ්රිතව වන සතුන් දඩයම් කර ගැනීම ඉලක්ක කර ගනිමින් මෙසේ මද
සන්නිවේදන පහසුකම් නැති කුප්පි ලාම්පුවෙන් එළිය දකින මහ කැලේ මැද කඳු මුදුනේ ජීවත්වෙන මිනිසුන් හමුවීමට පසුගියදා මහනුවර මහ දිසාපති චන්දන තෙන්නකෝන් මහතා
සාමාන්ය ව්යවහාරයේදී අපි අප්රේල්, මැයි මාසවල පතිත වන වර්ෂා සහිත කාලගුණයට බක්මහ අකුණු යයි කියමු. එම කාලයේදී පතිත වන අධික වර්ෂාපතනයත් සමග විදුලි කෙටීම
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
අනූ කෝටියක සල්ලි හොර පාරෙන් ගන්න ක්රිකට් නිලධාරියා දැරූ වෑයම