(ඩයනා උදයංගනී)
මහරගම, අපේක්ෂා පිළිකා රෝහලට අවශ්ය උපකරණ මිලදී ගැනීම වෙනුවෙන් ක්රියාත්මක ‘ෆයිට් කැන්සර්’ ව්යාපෘතියෙහි මුදල් අක්රමිකතා සිදුවන බවට රෝහල් අධ්යක්ෂකවරයා කර ඇති ප්රකාශය සම්බන්ධයෙන් ස්වාධීන පරීක්ෂණයක් කරන්නැයි ඉල්ලා එම ව්යාපෘති කණ්ඩායමේ නායක එම්.එස්.එච් මොහොමඩ් මහතා අපරාධ පරීක්ෂණ දෙපාර්තමේන්තුවට ගොස් පැමිණිල්ලක් කළේය.
එම පිරිස අද (17) අපරාධ පරීක්ෂණ දෙපාර්තමේන්තුවට පැමිණ මෙම පැමිණිල්ල භාර දුන්හ.
එම පිරිස පැමිණිල්ල කිරීමෙන් අනතුරුව අපරාධ පරීක්ෂණ දෙපාර්තමේන්තුවෙන් පිටතට පැමිණි මොහොමඞ් මහතා මාධ්යවේදීන් අමතමින් පැවසුවේ මෙම ව්යාපෘතියට ලැබෙන සියලු මුදල් ගිණුම්ගත වන්නේ සෞඛ්ය අමාත්යාංශය යටතේ ඇති ‘ජාතික සෞඛ්ය සංවර්ධන අරමුදල’ට බවයි.
එබැවින් එහි කිසිඳු වංචාවක් කිරීමට තමන්ට හෝ ‘ෆයිට් කැන්සර්’ කණ්ඩායමට නොහැකි බව ද මොහොමඞ් මහතා සඳහන් කළේය.
වැඩිදුරටත් අදහස් දැක්වූ මොහොමඞ් මහතා මෙසේ ද කීවේය.
“පාස්කු ඉරිදා දින එල්ල වූ බෝම්බ ප්රහාරයෙන් මාස දෙකකට පසු ‘ෆයිට් කැන්සර්’ ව්යාපෘතියට විශාල මුදලක් ලැබුණු බව පවසා තිබුණා. එමෙන්ම ජාතිවාදී ප්රකාශ කරමින් මා කෙරෙහි වෛරයක් ඇතිවන ආකාරයෙන් කටයුතු කළා. මේ වන විටත් අපේ ‘පණ දෙන 50’ ව්යාපෘතිය වෙනුවෙන් මෙම ගිණුමට රුපියල් කෝටි 50ක පමණ මුදලක් ලැබී තිබෙනවා. මෙම ව්යාපෘති වෙනුවෙන් මුදල් ලබාදෙමින් ලක්ෂ තුනක පමණ පිරිසක් අප වටා එක්වුණා. මෙහි රුපියලක් හෝ වංචා කිරීමේ හැකියාවක් අපට නැහැ.
වසර තුනක් තිස්සේ අප ඉතා විනිවිදභාවයකින් හා විශ්වාසවන්තව මෙම කටයුත්ත කළා. මෙයට ලැබුණු සියලු මුදල් ඉතා සුරක්ෂිතයි. එහි කිසිඳු කටයුත්තක් මට කරන්න බැහැ. ගිණුමේ ශේෂය පරීක්ෂා කළ හැක්කේත් සෞඛ්ය අමාත්යාංශයේ අදාළ නිලධාරීන්ට හා පිළිකා රෝහලේ අධ්යක්ෂවරයාටයි. ඒ නිසා මේ ගැන ප්රශ්නයක් තිබෙනවා නම් ජනතාව නොමග යවන්නේ නැතිව නීතිය හරහා කටයුතු කරන්නැයි මා රෝහල් අධ්යක්ෂවරයාගෙන් ඉල්ලා සිටිනවා. අපරාධ පරීක්ෂණ දෙපාර්තමේන්තුව මේ සම්බන්ධයෙන් සාධාරණ පරීක්ෂණයක් සිදුකරනු ඇතැයි මා බලාපොරොත්තු වෙනවා.”
(ඡායාරූප - ජයමාල් චන්ද්රසිරි)
මෙරට මුහුදු තීරයේදී ගිනි ගැනීමට ලක්වූ එම්. වී.එක්ප්රස් පර්ල් නෞකාව සම්බන්ධයෙන් සිදු කරන විමර්ශනය අවසන් කර කඩිනමින් අධිකරණයට කරුණු වාර්තා කරන්නැයි ක
ශ්රී ලංකා නිදහස් පක්ෂයේ විධායක සභාව කැඳවීම පිළිබඳ සිදුකළ ප්රකාශයකින් සිය කීර්ති නාමයට හානියක් සිදුවී යැයි ද ඊට වන්දි ලෙස රුපියල් කෝටි 100 ක මුදලක් ගෙව
ඉඩමක් විකිණීමේදී ඇතිවීයැයි කියන ආරවුලක් දුරදිග යාමෙන් මොරගහහේන වීදියගොඩ මොහොට්ටිගොඩ ප්රදේශයේ කෝටිපති ව්යාපාරික කතකගේ නිවෙසට ඊයේ හොර රහසේ ඇතුළු ව
සිංගප්පූරුවේ ජාතික විශ්ව විද්යාලයේ දකුණු ආසියානු අධ්යයන ආයතනය සමග පවතින සබඳතා අඛණ්ඩව පවත්වාගැනීම සදහා හිටපු හිටපු මහ කොමසාරිස් සහ පාත්ෆයින්ඩර් ප
ශ්රී ලංකා නිදහස් පක්ෂයේ මැයි රැලිය, නිදහස් සේවක සංගමය ඇතුළු වෘත්තීය සමිති සංවිධානත්වයෙන් මැයි 1 වැනිදා ගම්පහ නගර සභා පිටියේදී පැවැත්වීමට කටයුතු යොදා
ශ්රී ලංකා නිදහස් පක්ෂයේ නව වැඩ බලන මහලේකම්වරයා ලෙසහිටපු ජාතික සංවිධායක පාර්ලිමේන්තු මන්ත්රී දුමින්ද දිසානායක මහතා පත්කර ඇත.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ෆයිට් කැන්සර් ව්යාපෘතියෙන් සීඅයිඩීයට පැමිණිල්ලක්
සුසන්තිකා Monday, 17 February 2020 12:50 PM
ජාතිය මොනවා වුනත් වන සේවය ඉතාමත් විශිෂ්ටයි.
Gamage Monday, 17 February 2020 01:07 PM
ඔබ තුමා ගැන අපි හොදට දන්නවා . කවුරු හරි හොද වැඩක් කරන්න යනකොට අකුල් හෙලන කට්ටිය නම් ඕන තරම් ඉන්නවා . හැබැයි වැඩ කරන අය තමයි හොයා ගන්න බැරි . ඔබේ සියලු කාරයන් ඉටුවී ශ්රී ලංකාව පිළිකාවෙන් තොර රටක් කිරීමට සහ පිලික මාෆියා දොස්තරවරුන්ට තමන්ගේ කොමිස් ලබාගන්න බැරි කාලයක් උදා වේවා . ඔය කෑ ගහන ගරහන අයට තමන්ගේ කන කපා ගන්න බැරිවෙලා . ඔබ තුමාට ජයෙන් ජය
saradiyel Monday, 17 February 2020 01:29 PM
හොරකම් කලා නම් පිලිකා හැදිලම විදලම ඉවර වේවි
Walter WhiteTuesday, 18 February 2020 02:30 AM
පොඩි දරුවෝ ඉන්නවා කැන්සර් හැදුන, ඒ අයත් හොරකම් කරපු නිසා කැන්සර් හැදිලා විඳවන උදවියද? එක ප්රොෆෙසර් කෙනෙක් කිව්වා දෙමවුපියෝ හොරු නම් දරුවෝ අංගවිකල වෙනවා කියලා, මොන බහුභූත ද මේවා? ඔය ආගම් වල අත්භූත කතා විශ්වාස කරලා හොරුන්ට සදාකාලික නිරයේ තපින්න වෙනවා, දේව කෝපය එල්ල වෙනවා, ස්වර්ගය උරුම නැහැ එහෙම නැත්නම් අසූචි වලක උපදිනවා විඳලම ඉවර වෙනවා, ඔය වගේ ගොන් අදහස් විශ්වාස කරන නිසාමයි අපේ මිනිස්සු හොරකමක් කලාම විරුද්ධ නැත්තේ, අන්තිමේ හොරුන් වැඩි වෙලා මොකද හොරු විශ්වාස කරන්නේ නැහැ.
saradiyelWednesday, 19 February 2020 03:35 AM
හරියට හරි ඔය වගේ අදහස් දරන අය තමයි මෙවැනි පහත් වැඩ කරනවානම් කරන්නේ.
SL Monday, 17 February 2020 02:15 PM
මේ රටේ තියෙන ප්රශ්නේ ඇත්ත -නැත්ත කරලා නැත්ත -ඇත්ත කරලා කරන ප්රකාශ වලට නිදහසේ යන්න දීමයි. කෙනෙක් මෙවැනි චෝදනාවක් කරනවානම් අනිවායයෙන් වගකීම ගන්න පුළුවන් වෙන විදියේ ප්රකාශ වෙන්න ඕනේ . මේවට ආධාර දෙන්නේ සාමාන්ය ජනතාව.සාමාන්ය ජනතාව වැට උඩ තියෙන ප්රකාශන වැදගත් වෘතීන් වල ඉන්න ඉහල උදවිය නොකලයුතුයි. කරානම් සියලු සාක්ෂි සහිතව ප්රකාශ කල යුතුයි . දේශපාලකයෝ වගේ වෘතීය මට්ටමේ නිලධාරින් කටට එන ප්රකාශ නිකුත් කලහම අපි කවුද විශ්වාස කරන්නේ .
kamal Monday, 17 February 2020 04:21 PM
ආධාර හොඳ ජොබ් එකක් නේ. හොයලා බලන්ඩ වටිනවා.
yaha Tuesday, 18 February 2020 03:45 AM
මේ ආධාර කාරයෝව විශ්වාස කරන්න අමාරුයි....මොනවා උනත් හැමද්හෙම හොයා බලපුවාම ඉවරනේ ඔක්කොම අයට හිතේ පැකිලීමක් නැතුව වැඩ කරගෙන යන්න පුළුවන්.....