(මනෝප්රිය ගුණසේකර)
හිටපු දුම්රිය වානිජ්ය අධිකාරීවරයාට සහ හිටපු දුම්රිය සාමාන්යාධිකාරීවරයාට එරෙහි අධිචෝදනා පත්ර ඔවුන්ට බාරදුන් කොළඹ මහාධිකරණ විනිසුරු ගිහාන් කුලතුංග මහතා ඔවුන් දෙදෙනා ඇප මත මුදා හැරීමට අද (29) නියම කළේය.
දුම්රිය දෙපාර්තමේන්තුවේ ස්ථාවර හා ජංගම භෝජනාගාරය ගිවිසුමකින් තොරව පුද්ගලයකුට පවත්වාගෙන යෑමට ඉඩ ලබාදීමෙන් රජයට පාඩු සිදුකළැයි කියන සිද්ධියට මොවුනට මෙලෙස අධි චෝදනා ගොනු කෙරිණි.
අල්ලස් පනත යටතේ විග්රහ කෙරෙන දුෂණය නැමැති වරද සිදු කළ බවට චෝදනා ලැබ සිටින මෙම විත්තිකරුවන් දෙදෙනා රුපියල් 50,000/- බැගින් වන මුදල් හා රුපියල් ලක්ෂ 5 ක් වටිනා ඇපකරුවන් දෙදෙනෙකු බැගින් වන ශරීර ඇප මත මුදා හැරීමට විනිසුරුවරයා නියම කළේය.
අල්ලස් පනත යටතේ විග්රහ කෙරෙන දුෂණය නැමැති වරදට එරෙහිව මහෙස්ත්රාත් අධිකරණය හමුවේ නඩු පැවරිය යුතු බවට අල්ලස් පනතේ තිබු නියෝගය සංශෝධනය කරමින් පසුගියදා පාර්ලිමේන්තුවෙන් නිකුත් කළ 2018 අංක 22 දරණ සංශෝධන පනත අනුව දුෂණය නැමැති වරද සම්බන්ධයෙන් මෙම විත්තිකරුවන්ට එරෙහිව මහාධිකරණය හමුවේ නඩු පවරන ලදී.
අධිචෝදනා පත්ර බාරදීමෙන් පසුව මෙලෙස ඇප නියම කරන ලද්දේ දුම්රිය වානිජ්ය අධිකාරීවරයා ලෙස කටයුතු කළ විජය සමරසිංහ සහ දුම්රිය සාමාන්යාධිකාරීවරයා ලෙස කටයුතු කළ පී.පී. විජේසේකර යන මහත්වරුන්ටය.
2010 වසරේ මාර්තු මස 11 වැනිදා හෝ ඊට ආසන්න දිනයක කොළඹදී රාජ්ය සේවකයකු වූ දුම්රිය දෙපාර්තමේන්තුවේ වානිජ්ය අධිකාරීවරයා වශයෙන් සහ දුම්රිය සාමාන්යාධිකාරීවරයා වශ්යයෙන් කටයුතු කරමින් යම් පුද්ගලයකුට එරෙහිව වාසි සිදුකිරීමේ චේතනාවෙන් ගිවිසුමකින් තොරව ලබාදී තිබු දුම්රිය දෙපාර්තමේන්තුවේ ස්ථාවර හා ජංගම භෝජනාගාරය 2011 පෙබරවාරී පළමු වැනිදා තෙක් දීර්ඝ කර එම ස්ථාවර හා ජංගම භෝජනාගාරය පවත්වාගෙන යෑමට ඉඩ ලබාදුන් බවට විත්තිකරුවන්ට එරෙහිව අල්ලස් හෝ දුෂණ චෝදනා විමර්ශන කොමිසම විසින් නඩු පවරන ලදී.
විත්තිකරුවන් විසින් අල්ලස් පණත යටතේ විග්රහ කෙරෙන දුෂණය නමැති චෝදනාව යටතේ දඬුවම් ලැබිය හැකි වැරදි සිදුකර ඇති බව සඳහන් කරමින් අල්ලස් කොමිසම මෙම නඩුව පවරා ඇත.
මෙම නඩුව කැඳවනු ලැබු අවස්ථාවේදී අධිකරණයෙන් නිකුත් කර තිබු සිතාසිවලට අනුව විත්තිකරුවෝ අධිකරණයේ පෙනී සිටියහ.
විත්තිකරුවන් වෙනුවෙන් පෙනී සිටි නීතීඥවරු කරුණු ඉදිරිපත් කරමින් අධිකරණයෙන් නිකුත් කළ සිතාසි වලට අනුව අධිකරණයේ පෙනී සිටින තම සේවාදායකයින්ට ඇප නියම කරන්නැයි ඉල්ලා සිටියහ.
කරුණු සළකා බැලීමෙන් පසුව සැකකරුවන්ට ඇප නියම කළ විනිසුරුවරයා මෙම නඩුව ලබව නොවැම්බර් 9 වැනිදා සිට විභාග කිරීමට නියම කළේය.
කල්පිටියේ දූපත් පහක් බද්දට ගත් ආයෝජකයන් පස්දෙනකු රුපියල් හය කෝටියකට ආසන්න බදු මුදලක් සංචාරක සංවර්ධන අධිකාරියට ගෙවීම හැර ඇතැයි ජාතික විගණන කාර්යාලය
ලෝකයේ අති නවීනම තාක්ෂණය සහිත අඹේවෙල කිරි ගොවිපොළ සමූහයේ සංවර්ධන කටයුතු පිළිබඳ සොයා බැලීමට ජනාධිපති රනිල් වික්රමසිංහ මහතා අද (20) පෙරවරුවේ එහි නිරීක්ෂ
ඉදිකිරීම් ක්ෂේත්රයේ භාණ්ඩ සඳහා මිල සූත්රයක් හඳුන්වාදීමට වෙළඳ අමාත්යාංශය තීරණය කර ඇත
ඇමෙරිකානු හිටපු ජනාධිපති ඩොනල්ඩ් ට්රම්ප්ට එරෙහිව විභාගවන අපරාධ නඩුව කැඳවන නිව් යෝර්ක් අධිකරණ සංකීර්ණය ඉදිරිපිට දමා තිබෙන මාර්ග බාධකයේදී පුද්ගලයෙක
ඊශ්රායලය විසින් ඉරානයට එල්ල කෙරුණු ප්රහාරය සමඟ ඉදිරියටද ගැටුම්කාරී තත්වය තවදුරටත් වර්ධනය වුවහොත් එරට සමග සෘජුව සහ වක්රව ගනුදෙනු කරන ශ්රී ලංකා
ඇතැම් දේශපාලන පක්ෂවල බලපෑම් ඇතුළු විවිධ බලපෑම් හේතුවෙන් උමා ඔය ව්යාපෘතිය ජනතා අයිතියට පත්කිරීම ප්රමාද වීමෙන් මෙරටට වසරකට රුපියල් කෝටි 900 ක පාඩුවක්
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
හිටපු දුම්රිය අධිකාරි - සාමාන්යාධිකාරීට ඇප