(*** නිමන්ති රණසිංහ)
පාස්කු ඉරිදා ප්රහාරයේ මහමොළකරු වූ ජාතික තවුහිද් ජමාද් සංවිධානයේ නායක මොහොමඩ් සහ්රාන් නමැත්තා ඇතුළු මරාගෙන මැරුණු බෝම්බකරුවන් පැවැත්වූ අන්තවාදී දේශනවලට සහභාගී වූ බව කියන බාලවයස්කාර දරුවෝ දෙදෙනෙක් කොළඹ කොටුව මහේස්ත්රාත් රංග දිසානායක මහතා ඉදිරියේ රහස් ප්රකාශයක් දුන්හ.
අපරාධ නඩු විධාන සංග්රහ පනතේ 127 වගන්ති ප්රකාරව මෙම බාලවයස්කාර දරුවෝ දෙදෙනා මහේස්ත්රාත්වරයාගේ නිලමැදිරියේදී එලෙස සිය රහස් ප්රකාශය දුන්හ.
පුත්තලම ප්රදේශයේ මද්රසා පාසලක ඉගෙනුම ලැබූ බව කියන මෙම දරුවෝ දෙදෙනා වයස අවුරුදු 16ත් 17ත් අතර වයසේ පසුවෙති. පාස්කු ඉරිදා ප්රහාර මාලාව සම්බන්ධයෙන් කොළඹ කොටුව මහේස්ත්රාත් අධිකරණයේ පවතින සිනමන්ග්රෑන්ඩ් නඩු කටයුත්තට අදාළව අපරාධ පරීක්ෂණ දෙපාර්තමේන්තුව ඊයේ (12) මෝසමක් ගොනු කරමින් මෙම දරුවන් දෙදෙනා අධිකරණය හමුවට ඉදිරිපත් කළේය.
පාස්කු ඉරිදා ප්රහාරයේ මහමොළකරු සහ්රාන් හෂීම් ඇතුළු කණ්ඩායම අනාථ දරුවන්ට අවි පුහුණුව දී ඔවුන් මරාගෙන මැරෙන ප්රහාරයකට යොදා ගැනීමේ සැලසුමක් පිළිබඳව අපරාධ පරීක්ෂණ දෙපාර්තමේන්තුව කරුණු අනාවරණය කරගත්තේ ඉකුත් දිනකදීය.
සහ්රාන් හෂීම් ගේ සොහොයුරා වූ අම්පාර සයින්දමරුදු ප්රදේශයේ දී මියගිය මොහොමඩ් රිල්වාන් පුත්තලමේ පිහිටි මද්රසා පාසලට පැමිණ එහි සිටි අනාථ දරුවන්ට ගිනි අවි සහ අත්බෝම්බ පරිහරණය කිරීමට උගන්වා ඇති බවට ද අපරාධ පරීක්ෂණ දෙපාර්තමේන්තුව කරුණු අනාවරණය කරගෙන තිබිණි. කොළඹ ප්රදේශයේ පදිංචිව සිටි දෙමාපියන් භාරකරුවන් අහිමි දරුවන් 25 දෙනකු පමණ පිරිසක් කල්පිටිය මදුරන්කුලම ප්රදේශයේ පිහිටි පුහුණු කඳවුරක භාරකරුවකු විසින් එහි රැගෙන ගොස් පුහුණු කිරීම සඳහා බාර දෙන ලද බවට ද අපරාධ පරීක්ෂණ දෙපාර්තමේන්තුව කරුණු හෙළිකරගෙන තිබිණි.
මෙම මද්රසා පාසලේ විදුහල්පති ඇතුළු පිරිසකගෙන් කරන ලද ප්රශ්න කිරීම් හමුවේදී මෙම කරුණු අනාවරණය කරගෙන ඇතැයි ද අපරාධ පරීක්ෂණ දෙපාර්තමේන්තුව පවසයි. මෙම දරුවන් සඳහා සියලු වියදම් දරා ඇත්තේ පාස්කු ඉරිදා ප්රහාරයට අදාළව මේ වනවිට අපරාධ පරීක්ෂණ දෙපාර්තමේන්තුව තුළ රඳවා ගෙන ප්රශ්න කිරීම් සිදුකරනු ලබන නීතිඥ හිජාස් හිස්බුල්ලා නමැත්තා සභාපතිත්වය දරන “සේව් ද පර්ල්” නමැති රාජ්ය නොවන සංවිධානයෙන් බවට ද මේ වනවිට කරුණු අනාවරණය වී ඇතැයි එම දෙපාර්තමේන්තුව සඳහන් කරයි.
මැණික් ව්යාපාරිකයින්ට වටිනා මැණික් ලබා දෙන බවට පවසමින් රුපියල් කෝටි පනහකට අධික මුදලක් වංචා කළේ යැයි කියන සැකකරුවෙකු ලබන 07 දින දක්වා රක්ෂිත බන්ධනාගා
රුපියල් ලක්ෂ 27 ක් වටිනා මත්කරල් 27,000 ක් ජාවාරම් කිරීම සදහා ත්රිරෝද රථයකින් ප්රවාහනය කරමින් සිටි ‘බම්පින් කුමාර‘ නැමැති මත්ද්රව්ය ජාවාරම්කරුවක් අද (
රහසිගතව ඇමෙරිකාව ලබා දුන් දිගු දුර බැලස්ටික් මිසයිල ප්රථම වතාවට යුක්රේනය ක්රිමියාවේ රුසියානු ඉලක්ක වෙත පහරදීමට භාවිත කර ඇතැයි ඇමෙරිකානු බලධාරීහු
පලස්තීන ගැටලුවට සාධාරණ හා පුළුල් සාකච්ඡා සහිත දේශපාලන විසඳුමක් වෙනුවෙන් සහය දැක්වීමට ශ්රී ලංකාව අඛණ්ඩව කැපවී සිටින බව ජනාධිපති රනිල් වික්රමසිංහ ම
දුම්රිය සාමාන්යාධිකාරිවරයා ලෙස කටයුතු කළ එච්. එම්. කේ. ඩබ්.බණ්ඩාර මහතාගේ හදිසි අභාවය හේතුවෙන් පුරප්පාඩු වූ දුම්රිය සාමාන්යාධිකාරි තනතුරට සුදුසු නි
කොළඹ - කටුනායක අධිවේගී මාර්ගයේ ජා-ඇළ පිවිසුමේ දී අද දින සවස 3.00ට පමණ මෝටර් රථයක් පෙරලි ගියේය.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
සහරාන්ගේ දේශන ඇසූ දරුවන් දෙදෙනකුගෙන් රහස් ප්රකාශයක්
Samitha Senaka Aluthgamage. Wednesday, 13 May 2020 08:56 AM
රහස් පොලීසියට හා අදාළ සියලු අංශවලට ස්තුති වේවා !!! වැරදිකරුවන්ට නිසි දඬුවම් අප්රමාදීව ලබාදිය යුතුවේ.
Gamage Wednesday, 13 May 2020 11:38 AM
බොළඳ වැඩ කරන්නේ නැතිව මේවාට අනුබල දීපු සහ රහස් ඔත්තු සේවා ඔත්තු දීලත් ඒවා සඟවපු මහා සේනාධිනායකයෝ සහ සහරාන්ට පඩි දීලා කිරි දෙවපු අයව අත් අඩංගුවට ගන්න. නැතිව මේ සිඟිති වැඩකරන්නේ නැතිව...