(උපාලි ආනන්ද)
පාසල් සිසුවෙකුගේ වම් කනට පහරදී අඩන්තෙට්ටම් සිදුකළ බවට අනුරාධපුර මහාධිකරණය හමුවේ අධිචෝදනා ලැබ සිටි විදුහල්පතිවරයෙකු එකී චෝදනාවට වරද පිළි ගැනීමෙන් පසුව ඔහුට වසරක බරපතල වැඩ සහිත සිර දඬුවමක් නියම කළ අනුරාධපුර අංක දෙක මහාධිකරණයේ විනිසුරු සහ උතුරු මැද පළාත් බද සිවිල් අභියාචනා මහාධිකරණයේ විනිසුරු ආචාර්ය සුමුදු ප්රේමචන්ද්ර මහතා එම සිර දඬුවම වසර පහකට අත් හිටුවීමට අද (25) නියෝග කළේය.
පැමිණිලිකාර පාසල් සිසුවාට මුදලින් රුපියල් ලක්ෂයක වන්දියක් ගෙවන ලෙසටද විත්තිකාර විදුහල්පතිවරයාට නියෝග කළ මහාධිකරණ විනිසුරුවරයා එම වන්දි මුදල ගෙවීම පැහැර හරින්නේ නම් විත්තිකරු තවත් මාස හයක බරපතල වැඩ සහිත සිර දඬුවමකටද යටත් කෙරිණ.
විත්තිකරුගේ රැකියාවට හානියක් ඇති නොවන අයුරින් මෙම දඬුවම නියම කළ බවද විනිසුරුවරයා ලබාදී ඇති නියෝගයේ සඳහන්ය.
මෙසේ දඩුවම් නියම වූයේ එප්පාවල හුරීගස්සැව පදිංචි නීල් කීර්ති බංඩාර වාසල නැමැති විදුහල්පතිවරයෙකුටය.
2015 වසරේ මාර්තු මස 18 වන දින හෝ ඊට ආසන්න දිනයක අනුරාධපුර මහාධිකරණ බල ප්රදේශයයේ එප්පාවල මාවතවැව විද්යාලයේ වයස අවුරුදු 18 ට අඩු සුනෙත් ප්රියන්ත ගුණතිලක නැමැති බාලවස්කාර ළමයාගේ භාරකාරත්වය හා ආරක්ෂාව දරා සිටිමින් එකී ළමයාට වේදනාවක් හෝ ඔහුගේ සෞඛ්යයට හානියක් සිදු විය හැකි ආකාරයට අඩන්තෙට්ටම් කිරිමෙන් එකී ළමායාගේ වම් කනට පහර දීමෙන් ලංකා දන්ඩ නීති සංග්රහයේ 308 (ආ) 2 වගන්තිය යටතේ වරදක් කර ඇති බවට චෝදනා කරමින් නීතිපතිවරයා විසින් මෙම විත්තිකරුට එරෙහිව අනුරාධපුර අංක දෙක මහාධිකරණය හමුවේ 2019 වසරේ ජූලි මස 12 වන දින අධි චෝදනා ගොනු කර තිබිණ.
විත්තිකරු තඹුත්තේගම අධ්යාපන කලාපයේ එප්පාවල මාවතවැව විද්යාලයේ ගුරුවරයෙකුව සිටිමින් මෙම වරද සිදු කර ඇති බවත් ඔහු මේ වන විට තඹුත්තේගම අධ්යාපන කලාපයේ පාසලක විදුහල්පතිවරයෙකු ලෙස සේවය කරන බවත් නඩු විභාගයේදී අනාවරණය විය.
විත්තිකරු පැමිණිලිකාර ළමයාගේ වම් කනට පහරදීම හේතුවෙන් එම ළමයාගේ වම් කන අභ්යන්තරය පුපුරා ගොස් ඇති බව ළමයා සම්බන්ධයෙන් වෛද්ය පරීක්ෂණය පැවැත්වූ අනුරාධපුර ශික්ෂණ රෝහලේ විශේෂඥ අධිකරණ වෛද්ය එස් එම් එච් එම් කේ සේනානායක මහතා මහාධිකරණයට ඉදිරිපත් කර තිබූ වෛද්ය වාර්තාව මගින් තහවුරු කර තිබිණ.
විත්තිකරු පැමිණිලිකාර 15 හැවිරිදි ළමයාට පහරදී ඇත්තේ එම ළමයා තඹුත්තේගම අධ්යාපන කලාපයේ එප්පාවල මාවතවැව විද්යාලයේ 9 වන වසරේ ඉගෙනුම ලබමින් සිටියදී බවද අධිකරණ නඩු විභාගයේදී කියැවිණ.
අනුරාධපුර ශික්ෂණ රෝහලේ විශේෂඥ අධිකරණ වෛද්ය එස් එම් එච් එම් කේ සේනානායක සහ එවකට එප්පාවල පොලිසියේ ස්ථානාධිපතිවරයාව සිටි පොලිස් පරික්ෂක ඩී එම් කුමාරසිංහ මහතා ඇතුළු හය දෙනෙකු මෙම නඩුවේ සාක්සිකරුවෝ ලෙස නම් කරනු ලැබ සිටියහ.
සිද්ධිය සම්බන්ධයෙන් එප්පාවල පොලිසියේ ළමා හා කාන්තා කාර්යංශය විමර්ශන මෙහෙයවා තිබූ අතර නඩුවේ ලඝු නොවන මූලික විභාගය තඹුත්තේගම මහේස්ත්රාත් අධිකරණයේ පැවැති අතර වැඩිදුර විභාගය සඳහා අනුරාධපුර අංක දෙක මහාධිකරණයට යොමු කර තිබිණ පැමිණිල්ල වෙනුවෙන් රජයේ අධිනීතිඥ ක්රිෂාන්ද අල්විස් ගුණතිලක මහතා පෙනී සිටි අතර විත්තිකරු වෙනුවෙන් නීතිඥ සුරංග මොහොට්ටි මහතා පෙනී සිටියේය.
චීන කොමියුනිස්ට් පක්ෂයේ ජාත්යන්තර කටයුතු දෙපාර්තමේන්තුවේ නියෝජ්ය අමාත්ය සන් හයියන් (Sun Haiyan) මහත්මිය ඇතුළු චීන දූත පිරිස සහ දේශගුණික විපර්යාස පිළිබඳ
ඉරානය සහ ශ්රී ලංකාව අතර ද්විපාර්ශ්වික සබඳතා ශක්තිමත් කිරීමේ අරමුණින් අවබෝධතා ගිවිසුම් (MoUs) පහකට අත්සන් තැබූ බව ජනාධිපති කාර්යාලය පවසයි.
ශ්රී පාද උඩමළුව ආසන්නයේ රත්නපුර මාර්ගයේ ආරක්ෂක වැටකින් පහළට පැන ඉකුත් (19)දා සිට අතුරුදන්ව සිටි තරුණයා දින (05)කට පසුව නල්ලතන්නිය පොලිස් වසමට අයත්, රාජමල
ජනාධිපති රනිල් වික්රමසිංහ මහතා ඉදිරි ජනපතිවරණයට තරඟ කරන බවට නිල වශයෙන් ප්රකාශයට පත් කිරීමෙන් පසු පොදු ජන පෙරමුණේ ජනාධිපති ධුර අපේක්ෂකයා සම්බන්ධයෙ
දකුණේ ප්රබල දේශපාලනඥයකු තරග විභාගයකින් තොරව කොරියා රැකියා දෙන බව පවසා තරුණයන් 500කගෙන් රුපියල් කෝටි දෙක හමාරකට ආසන්න මුදලක් ලබාගෙන ඇතත් තවමත් රැකියා
පාර්ලිමේන්තු සභා ගර්භයේ සඟවා තිබී පාස්කු දා ප්රහාරය සම්බන්ධ විරෝධතා පාඨ සහිත පුවරු හතක් පොලිස් විශේෂ කාර්ය බළකා නිලධාරින් පිරිසක් විසින් අද (24) පෙරවර
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
සිසුවෙකුට පහර දුන් විදුහල්පතිවරයෙකුට වසර පහක අත්හිටවූ සිර දඬුවමක්
සමිත සේනක අලුත්ගමගේ. Thursday, 25 June 2020 02:27 PM
ප්රින්සිපල් කෙනෙකු ළමයකුගේ කන පලෙන්නම ගහලා ...හරිම අපූරුයි.. නේද?..