(එෆ්.අස්ලම්)
කොටි සංවිධානයේ ආයුධ සන්නද්ධ අරගලය අවතක්සේරු කරමින් එම්.ඒ සුමන්තිරන් මන්ත්රීවරයා විසින් කරන ලද ප්රකාශයට ආර්.සම්බන්ධන් ප්රමුඛ දෙමළ ජාතික සන්ධානයම වගකිව යුතු යැයි දෙමළ එක්සත් විමුක්ති පෙරමුනේ නායක වී.ආනන්ද සංගරි මහතා පවසයි. 2010 ජාතික ලැයිස්තු මන්ත්රීධූරයක් ගෙන පාර්ලිමේන්තුවට පිවිසීමෙන් පසු ඉංග්රීසි මාධ්යක් සමගින්ද කොටි සංවිධානයේ ආයුධ සන්නද්ධ අරගලය අවතක්සේරු කරමින් සුමන්තිරන් මහතා ප්රකාශයක් සිදුකළ බවත් දෙමළ ජාතික සන්ධානයද ඊට මුනිවත රකිමින් අනුග්රහාය සැපයූ බවත් සංගරි මහතා සදහන් කර සිටීයි.
සමාජ ජාලා සමගින් සංවාදයකට එක්ව කොටි සංවිධානයේ ආයුධ සන්නද්ධ අරගලය පිළිනොගන්නා බවට සුමන්තිරන් මන්ත්රීවරයා විසින් කරන ලද ප්රකාශයක් සම්බන්ධයෙන් මාධ්ය නිවේදනයක් නිකුත් කරමින් ආනන්ද සංගරි මහතා මේ බව සදහන් කරයි.
එහි වැඩිදුරටත් මෙසේද සදහන්වේ.
2010 වසරේ ජාතික ලැයිස්තු මන්ත්රීධූරයක් ගනිමින් පාර්ලිමේන්තුවට පිවිසි
එම්.ඒ සුමන්තිරන් මහතා ඒ වසරේදී ඉංග්රීසි මාධ්යක් සමගින් සංවාදයකට එක්ව ආයුධ සන්නද්ධ අරගලයක් ආරම්භ කළේ උතුරේ රැකියා විරහිත තරුණයින් බවටත් ආරක්ෂක හමුදාවට වඩා සාමාන්ය ජනතාව ඝාතනය කළේ කොටි සංවිධානය බවටත් ප්රකාශයක් සිදුකර තිබුණා. එවක රජයට එරෙහිව කොපමණ විමර්ශන පැරමිණියත් ඊට මුහුණ දීමේ සාක්ෂියක් ලෙසින් තමන් කටයුතු කරන බවට සුමන්තිරන්ගේ ප්රකාශයෙන් නොකියා කියා තිබුණා.
බන්ධනාගාර ගතකර සිටින දෙමළ දේශපාලන සිරකරුවන් නිදහස් කරගැනීමේ කාරණයෙදී සුමන්තිරන්ගේ දායකත්වය ආණ්ඩු හිතවාදීව සහ දෙමළ දේශපාලන සිරකරුවන්ට ප්රතිවාදීවයි සිදුවුනේ කියල එදා දෙමළ ජාතික සන්ධානයට නොතේරුනේද ? මේ කාරණය සම්බන්ධයෙන් මා හැර අන් කිසිවෙකු හෝ කතා කලේ නැහැ.
එවන් පුද්ගලයෙකු වූ සුමන්තිරන් පසුගිය 2015 මැතිවරණය සදහා යාපනය දිස්ත්රීක්කය සදහා ඉදිරිපත් කර ඔහුව ජයග්රහණය කරවීමට දෙමළ ජාතික සන්ධානයේ නායක ආර්.සම්බන්ධන් කටයුතු කළා. එදා සුමන්තිරන් සිදුකළ ඒ ප්රකාශය ගණනකට නොගෙනයි දෙමළ ජාතික සන්ධානය ඔහුව ජයග්රහණය කරවනු ලැබුවේ. ඒ ප්රකාශයම තමයි වෙනත් ආකාරයකින් සුමන්තිරන් පසුගියදා සිංහල සමාජ මාධ්යක් සමගින් සිදුකරනු ලැබුවේ. මෙනිසා දෙමළ ජාතික සන්ධානයේ කිසිවෙකුට සුමන්තිරන් ගැන විවේචනය කිරීමට සුදුසුකමක් නැහැ.
2015 මහ මැතිවරණයේදී සුමන්තිරන්ට මනාප 58,000ක් ලැබුනා. ආයුද සන්නද්ධ අරගලයක් ආරම්භ කළේ උතුරේ රැකියා විරහිත තරුණයින් බවටත් ආරක්ෂක හමුදාවට වඩා සාමාන්ය ජනතාව ඝාතනය කළේ කොටි සංවිධානය යැයි කියන ස්ථාවරය පදනම් කරගෙන නැවතත් ඒ බව අවධාරණය කරන්නට ඔහු කටයුතු කළා.
එතුළ ඔහුගේ කිසිදු වරදක් නැහැ.ඔහු කී දේ නිවැරදියි කියල පිළිගන්න නිසයි 2015 වසරේදී සුමන්තිරන්ට අපේක්ෂකත්වය ලබාදීමට දෙමළ ජාතික සන්ධානය කටයුතු කලේ. මෙය කැමැත්තෙන් හෝ අකමැත්තෙන් දෙමළ ජාතික සන්ධානය පිළිගත යුතු සත්යක්.
කාලයෙන් කාලයට දෙමළ ජනතාව රැවටීම වෙනුවෙන් දෙමළ ජාතික සන්ධානය රගදක්වන තවත් නාට්යක් තමයි මේ.මැතිවරණ කාලය නිසා තව තවත් මේ වගේ නාට්ය බලාගන්න පුළුවන් යැයිද ආනන්ද සංගරි මහතා සිය නිවේදනයෙන් තවදුරටත් අවධාරණය කර සිටීයි.
ඉන්දියාවේ තිරුචි දිස්ත්රික්කයේ කොට්ටපට්ටු සරණාගත කඳවුරේ දිවිගෙවූ ශ්රී ලාංකික කාන්තාවක් වූ කේ.නාලිනී ඉන්දීය මහ මැතිවරණයේදී සිය ඡන්දය ප්රකාශ කළාය
කොකා කෝලා සමාගමේ ශ්රී ලංකාව සහ මාලදිවයින සඳහා නව අධ්යක්ෂකවරිය ලෙස කෞෂාලි කුසුමපාල මහත්මිය පත් කර ඇත.
කල්පිටියේ දූපත් පහක් බද්දට ගත් ආයෝජකයන් පස්දෙනකු රුපියල් හය කෝටියකට ආසන්න බදු මුදලක් සංචාරක සංවර්ධන අධිකාරියට ගෙවීම හැර ඇතැයි ජාතික විගණන කාර්යාලය
ලෝකයේ අති නවීනම තාක්ෂණය සහිත අඹේවෙල කිරි ගොවිපොළ සමූහයේ සංවර්ධන කටයුතු පිළිබඳ සොයා බැලීමට ජනාධිපති රනිල් වික්රමසිංහ මහතා අද (20) පෙරවරුවේ එහි නිරීක්ෂ
ඉදිකිරීම් ක්ෂේත්රයේ භාණ්ඩ සඳහා මිල සූත්රයක් හඳුන්වාදීමට වෙළඳ අමාත්යාංශය තීරණය කර ඇත
ඇමෙරිකානු හිටපු ජනාධිපති ඩොනල්ඩ් ට්රම්ප්ට එරෙහිව විභාගවන අපරාධ නඩුව කැඳවන නිව් යෝර්ක් අධිකරණ සංකීර්ණය ඉදිරිපිට දමා තිබෙන මාර්ග බාධකයේදී පුද්ගලයෙක
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
‘සුමන්තිරන්ගේ ප්රකාශයට දෙමළ ජාතික සන්ධානයම වගකිව යුතුයි’
ranjith Wednesday, 13 May 2020 06:32 AM
එ්ක හොඳ කතාවක් නේද? ත්රස්තවාදය පිටුදකින එක...
Samitha Senaka Aluthgamage. Wednesday, 13 May 2020 07:05 AM
සුමන්තිරන් මහතා නිවැරදියි. රටක ආණ්ඩුක්රම ව්යවස්ථාවට පටහැනිව කෙරුණු ප්රභාකරන් මස්වැද්දාගේ මිනීමරු සටන හොඳ වෙන්නේ කොහොමද ? සංගරීගේ මේ නීති විරෝධී ප්රකාශ වලට නිසි පියවර ගත යුතුයි.මේ කොටි අවතාර දඟලන්නේ කොටි සටන සාධාරණීකරණය කරන්නයි.ඒවාට ඉඩ තැබීම තවත් ව්යසනයකට මුල.
de silva Wednesday, 13 May 2020 07:19 AM
ඔබට මතක නැති වුනාට අදවගේ මතකය මට ඔබ ප්රභාකරන් ජිවත්ව සිටි කාලයේ ඔහුට සහ කොටි සංවිධානයට බයේ එවකට පැවති රජයේ අනුග්රහයෙන් කොහේ හරි අස්සක හැංගිලා සිටිමින් ප්රභාකරන් සහ මිනීමරු කොටි සංවිධානය විවේචනය කරමින් ප්රසිද්ධ ලිපි සිය ගණනක් ලියු බව දැන් ඔබට අමතක වෙලාද?" වැරදිලාවත් ප්රබාකරන් දිනුව නම් මුලින්ම ෆ්ලැට් කරලා දමන්නේ EPRLF , සහ FLOTT සංවිධාන දෙක බව මේ හැමෝටම අමතක වෙලා . දැන් අවරුදු 11 ගිහිල්ලනේ සමහර විට අර ලංකාවේ සමහර සිංහල දේශපාලන මහත්හොරුන්ට හැදෙන අමතක වීමේ රෝගය මේ ගොල්ලට හැදිලද කියලා මට හිතෙනවා.
කපිල Wednesday, 13 May 2020 08:45 AM
අහිංසක දෙමළ මිනිස්සුන්ව අවුස්සලා මේ අයගේ බඩ වඩා ගත්තා. සිංහල දේශපාලකයොයි මේ අයයි අතරෙ කිසිම වෙනසක් නෑ.
de silva Wednesday, 13 May 2020 04:42 PM
ජනාධිපති නීතීඥයකු වන සුමන්තිරන් මහත්මයට රටේ නිතිය පිළිබඳව හොඳ දැනුමක් තිබෙනවා.. බස් ,කොච්චි වල , මහබැංකුවේ , තැපැල් කන්තෝරුවල බෝම්බ 100 පමණ තබල සාමාන්ය පුරවැසියෝ 10000-20000 මරපු . යටත්වුන පොලිස් නිලධාරියෝ 600 එක පෙලට තබල මරල සමුහ මිනිවලේ වලලපු , අපේ රටේ ජනාධිපති , විදේශ ඇමති , ලෝකයේ වැඩිම ජනගහනයක් සිටින ප්රජතන්ට්රික රටේ අගමැති රජීව් ගාන්ධි මහත්මය මරපු , ලංකාවේ සහ විදේශ රටවල් කිහිපයක්ම ත්රස්ත්වධි සංවිධානයක ක්රියා අනුමත කරන්නේ කොහොමද ? කොටි සංවිධානයේ ක්රියා ප්රස්ධියේ අනුමත කරන බව කියන මේ ඔක්කොම නායකයෝ අත්අඩංගුවට අරන් නඩු පවරන්න ඕනේ , එහෙම නැතිනම් කොටින්ගේ කරදර නිසා ජිවිත අහිමිවූ පුදගලයන්ගේ නෑයන් විසින් මොවුන්ට විරුද්ධව නඩු පවරා වන්දි ඉල්ලන්න ඕනේ....