(මනෝප්රිය ගුණසේකර)
රතුපස්වල ප්රදේශවාසීන්ට වෙඩි තබා තිදෙනෙකු ඝාතනය කර තවත් 45 දෙනෙකුට තුවාල සිදුකිරීම, මාධ්යවේදී ප්රගීත් එක්නැළිගොඩ පැහැරගෙන ගොස් මරාදැමීම සහ ලංකාව අවට මුහුදේ ‘පාවෙන අවි ගබඩාවක්’ පවත්වාගෙන යෑම යන සිද්ධීන් වලට අදාළ නඩු විභාග කිරීම සඳහා අගවිනිසුරු ජයන්ත ජයසුරිය මහතා විසින් විශේෂ ත්රිපුද්ගල මහාධිකරණ විනිසුරු මඩුලු තුනක් අද (28) පත් කරන ලදී.
මෙම අපරාධ සිද්ධීන් විශේෂ අපරාධ සිද්ධීන් ලෙස සළකා එම නඩු විභාග කිරීම සඳහා විශේෂ ත්රිපුද්ගල මහාධිකරණ විනිසුරු මඩුලූ පත් කරන ලෙස නීතීපති ජනාධිපති නීතීඥ දප්පුල ද ලිවේරා මහතා මීට පෙර අවස්ථාවක කරන ලද ඉල්ලීම් පිළිගනිමින් අදාළ විශේෂ ත්රිපුද්ගල මහාධිකරණ විනිසුරු මඩුලූ පත් කර ඇතැයි නීතීපතිවරයාගේ සම්බන්ධීකරණ නිලධාරිනී, ජ්යෙෂ්ඨ රජයේ නීතීඥ නිශාරා ජයරත්න මෙනවිය පැවසුවාය.
රතුපස්වල ප්රදේශවාසීන්ට වෙඩි තබා තිදෙනෙකු ඝාතනය කොට තවත් 45 දෙනෙකුට තුවාල සිදුකිරීමේ සිද්ධියට අදාළව යුද හමුදා බි්රගේඩියර්වරයකුට සහ හමුදා සෙබළුන් තිදෙනෙකුට එරෙහි නඩුව විභාග කිරීම සඳහා මහාධිකරණ විනිසුරුවරුන් වන මේනකා විජේසුන්දර (සභාපති) නිමල් රණවීර සහ නිශාන්ත හපුආරච්චි මහත්ම මහත්මීන්ගෙන් සැදුම්ලත් විශේෂ ත්රිපුද්ගල මහාධිකරණ විනිසුරු මඩුල්ලක් පත් කර ඇත.
මාධ්යවේදී ප්රගීත් එක්නැළිගොඩ පැහැරගෙන ගොස් මරාදැමීමේ සිද්ධියට අදාළව යුද හමුදා ලූතිනන් කර්නල්වරුන් දෙදෙනෙකු ඇතුළු හමුදා නිලධාරීන් 09 දෙනෙකුට එරෙහි නඩුව විභාග කිරීම සඳහා මහාධිකරණ විනිසුරුවරුන් වන සම්පත් අබේකොන් (සභාපති) සම්පත් විජේරත්න සහ ගිහාන් කුලතුංග යන මහත්වරුන් ගෙන් සැදුම්ලත් විශේෂ ත්රිපුද්ගල මහාධිකරණ විනිසුරු මඩුල්ලක් පත් කර ඇත.
ලංකාව අවට මුහුදේ ‘පාවෙන අවි ගබඩාවක්’ පවත්වාගෙන යෑමේ සිද්ධියට අදාළව ‘‘ඇවන්ට් ගාඩ්’’ සභාපති නිශ්ශංක සේනාධිපති, ‘රක්නා ලංකා’ හිටපු සභාපතිවරයා, ජාතික පොලිස් කොමිසමේ ලේකම්වරයා ඇතුළු 13 දෙනෙකුට එරෙහි නඩුව විභාග කිරීම සඳහා මහාධිකරණ විනිසුරුවරුන් වන ධම්මික ගනේපොළ (සභාපති) ආදිත්ය පටබැඳි සහ මංජුල තිලකරත්න යන මහත්වරුන් ගෙන් සැදුම්ලත් විශේෂ ත්රිපුද්ගල මහාධිකරණ විනිසුරු මඩුල්ලක් පත් කර ඇත.
චිත්රපටයක් නිෂ්පාදනය කිරීමට බව පවසා පුද්ගලයකුගෙන් රුපියල් ලක්ෂ 10 ක් ලබාගෙන නියමිත දිනට ලබානොදී විශ්වාසය කඩකිරීමේ සිද්ධියක් සම්බන්ධයෙන් ප්රවීණ උස
ශ්රී ලංකා නිදහස් පක්ෂයේ වැඩ බලන සභාපති , වැඩ බලන ප්රධාන ලේකම් ලෙස පසුගිය 21 වෙනි දින තේරී පත් වූ අමාත්ය විජයදාස රාජපක්ෂ මහතාට හා සාරථි දුෂ්මන්ත මහත්ව
ශ්රී ලංකා නිදහස් පක්ෂයේ සභාපති ධූරයේ කටයුතු කිරීම තහනම් කරමින් හිටපු ජනපති මෛත්රිපාල සිරිසේන මහතාට අතුරු තහනම් නියෝගයක් කොළඹ ප්රධාන දිසා විනිසුර
දුම්රිය සාමාන්යාධිකාරිවරයාගේ මරණය සම්බන්ධයෙන් සාධාරණ සැකයක් පවතින බැවින් හදිසි මරණ පරීක්ෂණයක් පමණක් පවත්වා අවසන් කිරීම ප්රමාණවත් නැතැයි අනුරා
පාදුක්ක මොරගහහේන මාර්ගයේ මිල්ලෑව පුවක්වත්තේදී පොලිසියට වෙඩි තබා පළා යමින් සිටි ත්රිරෝද රථයකට පොලිසිය එල්ල කළ වෙඩි පහරින් අපරාදවලට සම්බන්ධ බව කියන අ
ආර්ථික අගහිඟකම් හේතුවෙන් මෙරට විසිපන් ලක්ෂ හැටපන් දහස් තුන් සිය හැටපස් දෙනකු පසුගිය වසර දෙකේ දී රට හැර ගොස් ඇතැයි ශ්රී ලංකා මහා බැංකුවේ වාර්තාවල දැක්
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
සුප්රසිද්ධ නඩු 3කට ත්රිපුද්ගල මහාධිකරණ විනිසුරු මඩුලු 3ක්
සෙනෙවිරත්න Wednesday, 28 August 2019 01:38 PM
මේ තනන්නේ වැරදිකාරයන් සුදනන් කරන්නද, නැත්නම් දඬුවම් දෙන්නද?
PerakumWednesday, 28 August 2019 04:20 PM
මොකවත් නෙවෙයි.., සෙනෙවිරත්න... ජනාධිපතිවරණය ළංවෙනකොට ගිය සැරේ කියපුව මතක් වෙනවා...!
WasudewaThursday, 29 August 2019 07:10 AM
ඔව් සෙනෙවිරත්න... මේවයින් වෙන එකම දෙය පහුගිය කාලේ හොරාකාපු බිලියන් ගනම් මහජන මුදල්, ඒ කියන්නේ කළු සල්ලි... සුදු සල්ලි කරගෙන නිදහස් වෙලා ගෙදර යනවා. මේ 225න් කිසි කෙනෙකුට ඡන්දෙ දෙන්න එපා.
sirimal Wednesday, 28 August 2019 04:09 PM
දැන් ඉතින් නැවත වතාවක් "රණවිරුවන් දංගෙඩියට ගෙනයනවා" කියන කලින් පට්ට ගහපු කතාව වේදිකාවල නින්නාද දෙන්න පටන් ගනී.
Chathuri Wednesday, 28 August 2019 04:13 PM
අණ බෙරගහලා පටන් ගන්නේ... විනිසුරු මඩුලු 3ක් පත්කෙරුවා කියලා නඩුව අහන්න. දැන් අවුරුදු 4 ඉවරවේගෙන යන්න පටන්ගත්තේ... අවුරුදු 3කට උඩදී මල්වෙඩි පත්තු කරලා දූෂිත හොරුන්, මිනීමරුවන් අල්ලන විදියට ජනතාව රවටන්න කරන නාඩගම්... අද මේ වැරදි පොඩි මිනිහෙක් කෙරුවා නම් අද ඒ මනුස්සයා ඇතුලේ... පුදුම විනිසුරු මඩුල්ලක්. මිනිසුන් අධිකරණයට අත කෙලින් තියන් දිවුරුම් දෙනවා... කිසිම බොරුවක් නොකියන බවට නමුත්... මේ විනිසුරුවන් නිර්භීතව නීතියට ගරු කරමින්, උස මිටි පහත් භේදයක් නැතිව, නඩු විසඳනවද මේ රටේ...? අධිකරණ බලයක් නැති රාජපක්ෂවරුන්ට ඕනෑ විදියටද? නඩු අහන්නේ, දැන් මොකද? එක පාරටම කුලප්පු වෙලා...
කරුණාපාල Wednesday, 28 August 2019 07:37 PM
බැසිල් රාජපක්ෂව ඇම්බියුලන්ස් එකෙන් බිමට බස්සව ගන්න බැරිව ගිය නුඹලාට මොන නඩුද? ඡන්දෙ කාලෙට නැට්ට උස්සගෙන බුරන්නේ නැතිව ඉන්න..
Chanak los angeles Wednesday, 28 August 2019 09:23 PM
ඔය නඩු 3 නටම සම්බන්ධ ප්රධාන චූජිතයාව ජනපති අපේක්ෂක ලෙස පත්කරගෙන නේද? වසලැජ්ජයි.
Jaya Wednesday, 28 August 2019 10:50 PM
උසේන් බෝල්ට්ගේ මීටර 100 රෙකෝඩ් එකත් කඩයිද දන්නේ නෑ මේ පාර නඩු අහලා. ඡන්දයකට මොන තරම් දේවල් කරන්න පුලුවන්ද ? එත් කමක් නෑ අපේ හොරු කෙසේ වෙතත් අනුන්ගේ හොරු හරි අල්ලනවනම්..
amith Thursday, 29 August 2019 01:09 AM
පාස්කු 21 ප්රහාරය කරපු අයට, මේවා අදාල නැද්ද? ඒවා සුළු වැරදිද? කංචිපානි කළාවගේ "සුළු වැරදිද?"
gunarathna Thursday, 29 August 2019 01:13 AM
එක්නැලිගොඩ මැරුණා කියලා දැන් අවුරුදු ගාණක් තිස්සේම කියනවා. මට මතක්වෙනවා එක විනිසුරුතුමෙක් උසාවියේදී කියනවා මිනිහෙක් මැරුවා නම් මරපු කෙනෙක් ඉන්නට ඕනේ... දැකපු කෙනෙක් ඉන්නට ඕනේ.. මිනියක් තියෙන්ට ඕනේ, වලලපු තැනක් තියෙන්නට ඕනේ, වලලපු කෙනෙක් ඉන්ට ඕනේ, මේ කිසිම දෙයක් නැතිව පොලීසිය නඩුවක් පවත්වාගෙන යන්නේ කොහොමද කියලා මට පුදුමයි කියලා. මේ නඩුවෙන් අවසානේ වැරදිකරුවන් නිදහස් වෙනවා සාක්කි ඔප්පු කරන්නට බැරි නිසා. එක්නැලිගොඩගේ නෝනාට සහ දරුවාට වූ වැරැද්ද කවුද හරිගස්සන්නේ...?
vimaliThursday, 29 August 2019 04:13 AM
එතකොට ජවිපෙන් මැරුවා කියන අයගෙත් ඕවා තිබිලද ?
නොකවුට් Thursday, 29 August 2019 01:18 AM
බුදුඅම්මෝ, ජනාධිපතිවරණය කිට්ටු වෙන්න වෙන්න නඩු ඉක්මන් වෙන හැටි...
ABARAN Thursday, 29 August 2019 01:25 AM
අවනීතිය රජයන රටක්.. කාට කියන්නද?
lalithm Thursday, 29 August 2019 02:52 AM
අපි කුලප්පු නොවී බලා ඉඳිමු. ප්රමාද වෙලා හරි හොඳ තීරණයක් වෙන්න පුළුවනි. "බලාපොරොත්තුවක් අපට තිබේ"
sara Thursday, 29 August 2019 04:12 AM
දැන් තමයි වැඩ පටන් අරගෙන තියෙන්නේ ....
Ari Thursday, 29 August 2019 04:38 AM
නාගානන්දගෙ කණ්ඩායම තමයි මේවට උත්තරේ.