(හිරාන් ප්රියංකර ජයසිංහ)
වන අලි 20ක රංචුවක් කොට්ටුකච්චිය වගා බිමකට කඩා වැදී පොල් ඇතුළු වගාව සියල්ල විනාශ කර ඇතැයි ප්රදේශවාසීහු පවසති.
මෙම වන අලි, ආණමඩුව කොට්ටුකච්චිය ජලාශය ආසන්නයේ රැඳී සිටින අලි රංචුවක් බවද ඔවුහු කියති.
ඉඩමේ වගා කර තිබූ පොල්, කෙසෙල් ඇතුළු භෝග කිහිපයක් අද(25) අලුයම පැමිණි වන අලි වනසා දමා ගොස් ඇති බව හිමිකරුවෝ කියති.
ඉඩමේ හිමිකරුගේ බිරිඳ වන එම් මයුරි ප්රිතිකා මහත්මිය මෙසේ පැවසුවාය.
“අපි බොහෝම අමාරුවෙන් ලක්ෂ හයක් විතර වියදම් කරලා මේ ඉඩම සකස් කර ගත්තේ. අවුරුදු දෙකක විතර පොල් පැළ 50 ක් විතර විනාශ කරලා දාලා. ඒ මදිවට පොල් කඩන ගස් 10 ක් විතරත් කඩා දාලා. කෝලිකුට්ටු ගස් 100 ක් මුලින්ම වනසලා. පුදුම දුකක් විඳලා ඉඩම හදාගත්තේ. සියල්ලම වනසලා දාලා” යැයි කීවාය.
ඉඩමේ හිමිකරු වන කේ. බී. රේක්සි රෝලන්ඩ් මහතා මෙසේ පැවසීය.
“ මම මේ ඉඩම හදා ගත්තේ ලොකු වියදමක් කරලා. අසල්වැසියන් වැඩි දෙනෙක් ගොවිතැන් කරන්නේ නැහැ අලි කරදරය කියලා. මම වත්ත වටේටම අලි අගල් ගහලා තිබ්බේ. සල්ලි මදි නිසා ඉස්සරහා අලි වැටක් හදා ගන්න ප්රමාද වුණා. මේ අලි ප්රශ්නය වන ජීවී කාර්යාලයට කිව්වාම එයාලා කියන්නේ ස්ථිර විසඳුමක් නැහැ කියලායි. අපි අන්ත අසරණ කරලා” යැයි ඔහු සඳහන් කළේය.
රටේ ආරක්ෂාව සඳහා සන්නද්ධ හමුදා කැඳවීම සඳහා විශේෂ ආඥාවක් ජනාධිපතිවරයා විසින් නිකුත් කරනු ලැබ ඇතැයි කතානායක මහින්ද යාපා අබේවර්ධන මහතා පාර්ලිමේන්තුවට
මදුරන්කුලිය නගරයේ සිට පයින් යමින් සිටි තරුණයකු කොළඹ සිට පුත්තලම දෙසට ධාවනය කරමින් තිබු වෑන් රථයක ගැටිමේන් බරපතල තුවාල ලබා කොළඹ ජාතික රෝහලට ඇතුළත්කිර
දඹුල්ල නගරයට අහම්බෙන් පැමිණි වන අලි තිදෙනකු නිසා දඹුල්ල නගරය අවට නිවාසවල පදිංචි ජනයා මෙන්ම නගරයට පැමිණි පිරිස්ද නොසන්සුන් වූහ.
මාතලේ විල්ගමුව පොලිසියේ ආරක්ෂක නිලධාරියා භාරයේ තිබූ ටී පනස් අය ගිනි අවිය සොයාගත් බවට සැකපිට හිටපු යුද හමුදා සෙබළෙක් විල්ගමුව පොලිසිය විසින් අරලගන්වි
බස්නාහිර, සබරගමුව, මධ්යම,වයඹ සහ දකුණු පළාත්වල ප.ව. 2.00 න් පමණ පසු තැනින් තැන වැසි හෝ ගිගුරුම් සහිත වැසි ඇති වන බව කාලගුණවිද්යා දෙපාර්තමේන්තුව කියයි.
චීන කොමියුනිස්ට් පක්ෂයේ ජාත්යන්තර කටයුතු දෙපාර්තමේන්තුවේ නියෝජ්ය අමාත්ය සන් හයියන් (Sun Haiyan) මහත්මිය ඇතුළු චීන දූත පිරිස සහ දේශගුණික විපර්යාස පිළිබඳ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
වන අලි 20 ක රංචුවක් කොට්ටුකච්චිය වගාබිමක් වනසති
රජින්ද Friday, 25 October 2019 08:20 AM
තව අලින්ගේ භුමි අල්ලාගෙන අලි වැටවල් ගහලා ඒ සත්තුන්ව කුඩු කරන්න. පුත්තලම-විල්පත්තුව අවට රක්ෂිත ටිකත් කපන්න. අන්තිමේ අලි අරක කළා මේක කළා කිය කියා දුක කියන්න. ඒ සත්තුන්ගේ භුමිවල දැන්වත් ඒ සත්තුන්ට නිදහසේ ඉන්න ඉතුරු කරන්න. මිනිස්සුන්ට ඔවුන්ගේ වගාවන් කරන්න අවශ්ය පුරන් වූ කුඹුරු අක්කර ලක්ෂ ගානක් තියෙනවා. ඒවා කළමනාකරණය කරලා මනාව සකසලා වගාකරුවන්ට බෙදලා දෙන්න. රටක ආණ්ඩුවකට මේවගේ සුළු දෙයක්වත් කරන්න බැහැයි කියන්නේ.......
sarath Friday, 25 October 2019 10:52 AM
අලි මිනිස් ගැටුමේදී අද ගත යුත්තේ මේ ගොවිතැනින් ජීවිතය ගැටගසා ගන්නට වෙර දරන අසරණ මිනිසුන්ගේ පැත්තයි. අද රටේ අලි ජනගහණය කුඩා රටකට දැරිය නොහැකි තරමට වැඩිවී ඇත. මෙවැනි මිනිසුන්ට තර්ජනයක් වන අලි අල්ලා උන්ව භාර ගැනීමට කැමති රටකට ලබා දිය යුතුයි. මෙවැනි අදහස් වලට විරුද්ධ වන්නේ ගම්බද ගොවීන් අද විදින දුක නොදන්නා අයයි.
sunil Saturday, 26 October 2019 02:41 PM
මෙවැනි ජනජීවිතයට තර්ජනයක් වන අලින්ට වෙඩි තැබීමට අවසර දිය යුතුයි.