(පුෂ්පකුමාර ජයරත්න)
වඳ සැත්කම් සිද්ධියක් සහ අසීමිත ලෙස වත්කම් ඉපැයීම සම්බන්ධයෙන් චෝදනා ලැබ සිටින වෛද්ය ෂාෆි ෂියාබ්දීන් මහතා අපරාධ පරීක්ෂණ දෙපාර්තමේන්තුවට බාර දුන් ඔහුගේ නිවසේ සවිකර ඇති සීසීටීවී කැමරා පද්ධතියේ පටිගත කිරීම් කොටසේ දත්ත මකා දමා ඇති බැවින් එම යන්ත්රය රජයේ රස පරීක්ෂණ දෙපාර්තමේන්තුවට යොමු කර වාර්තාවක් ලබාගන්නා ලෙස කුරුණෑගල ප්රධාන මහේස්ත්රාත් සම්පත් හේවාවසම් මහතා අද (7) අපරාධ පරීක්ෂණ දෙපාර්තමේන්තුවට නියෝග කළේය.
අපරාධ පරීක්ෂණ දෙපාර්තමේන්තුව විසින් අධිකරණයට ඉදිරිපත් කරන ලද මෝසමක් ෙවිභාගයට ගත් අවස්ථාවේදි ප්රධාන මහේස්ත්රාත්වරයා මෙම නියෝගය කළේය .
අපරාධ පරීක්ෂණ දෙපාර්තමේන්තුව වෙනුවෙන් අධිකරණය හමුවේ පෙනී සිටි සහකාර පොලිස් අධිකාරි විජිත පෙරේරා සහ කොස්තාපල් (44895) සිල්වා මහත්වරුන් අධිකරණයට කරුණු ඉදිරිපත් කරමින් සඳහන් කළේ අධිකරණ නියෝගයකට අනුව පසුගිය මස 20 වන දින සැකකාර වෛද්යවරයා විසින් අපරාධ පරීක්ෂණ දෙපාර්තමේන්තුවට බාර දුන් ඔහුගේ නිවසේ සවිකර ඇති සීසීටීවී කැමරා පද්ධතියේ පටිගත කිරීම් ඇතුළත් යන්ත්රයේ පටිගතවූ කිසිදු දර්ශනයක් නොමැති බවත් එම දර්ශන සැකකාර වෛද්යවරයා විසින් හෝ එම යන්ත්රය සැකකරුට ලබාදුන් අපරාධ පරීක්ෂණ දෙපාර්තමේන්තුවේ හිටපු නිලධාරීන් පිරිසක් විසින් සිතා මතාම මකා දමන්නට ඇතැයි සැක කරන බවත්ය.
එම පටිගත දත්ත සැකකාර වෛද්යවරයා සම්බන්ධයෙන් වන වැඩිදුර පරීක්ෂණ කටයුතු සඳහා ඉතා වැදගත් බව අධිකරණයට පෙන්වා දුන් අපරාධ පරීක්ෂණ දෙපාර්තමේන්තුවේ නිලධාරීහු අපරාධ පරීක්ෂණ දෙපාර්තමේන්තුවේ වෝහාරික විද්යාගාරයේ ඉල්ලීමකට අනුව එම යන්ත්ර කොටස වැඩිදුර පරීක්ෂණයක් සඳහා රජයේ රස පරීක්ෂක දෙපාර්තමේන්තුව වෙත යොමු කිරීමට නියෝගයක් ලබා දෙන ලෙස අධිකරණයෙන් ඉල්ලා සිටියහ.
සැකකාර වෛද්යවරයා අත්අඩංගුවට ගත් අවස්ථාවේදි ඔහුගේ නිවසේ සවිකර තිබූ සීසීටීවී කැමරා පද්ධතියේ පටිගත කිරීම් ඇතුළත් යන්ත්ර කොටස කුරුණෑගල පොලීසියේ අපරාධ විමර්ශන ඒකකයේ නිලධාරීන් කණ්ඩායමක් විසින් ගලවා පරීක්ෂණ සඳහා රැගෙන ගොස් තිබිණි. පසුව මේ සම්බන්ධයෙන් වන පරීක්ෂණ අපරාධ පරීක්ෂණ දෙපාර්තමේන්තුවට පවරා ගැනීමෙන් පසුව වැදගත් නඩු භාණ්ඩයක් වන එම යන්ත්ර කොටස අපරාධ පරීක්ෂණ දෙපාර්තමේන්තුවේ නිලධාරීන් පිරිසක් සැකකාර වෛද්යවරයාට ආපසු ලබාදී ඇති බව අනාවරණය විය.
ඒ අනුව එම යන්ත්ර කොටස ආපසු ලබා දෙන ලෙස අපරාධ පරීක්ෂණ දෙපාර්තමේන්තුවේ නිලධාරීන් විසින් පසුගිය මස පැවති නඩු වාරයේදී අධිකරණයෙන් කරන ලද ඉල්ලීමකට අනුව කුරුණෑගල ප්රධාන මහේස්ත්රාත් සම්පත් හේවාවසම් මහතා එම යන්ත්ර කොටස අපරාධ පරීක්ෂණ දෙපාර්තමේන්තුවට බාර දෙන ලෙස සැකකාර වෛද්යවරයාට නියෝග කළේය.
අධිකරණ නියෝගයට අනුව සැකකාර වෛද්යවරයා විසින් අපරාධ පරීක්ෂණ දෙපාර්තමේන්තුවට බාරදෙන ලද එම පටිගත කිරීම් සහිත යන්ත්රය නඩු භාණ්ඩයක් ලෙස අධිකරණයට ඉදිරිපත් කෙරිණි.
මුහුණු ආවරණය කර අත් ආවරණ පැළඳ නිවස බිදුම් කරන බාලවයස් කාර කල්ලියක සාමාජිකයන් තිදෙනකු කහතූඩුව පොලිස් අපරාධ විමර්ශන අංශය මගින් අත්අඩංගුවට ගෙන ඇතැයි පො
සැක කටයුතු අන්දමින් මියගිය බවට සැකකරන කාන්තා මළ සිරුරු දෙකක් කළුතර නිවසක් තුළ තිබී සොයාගත් බව කළුතර දකුණ පොලිසිය පවසයි.
ලොව විශාලතම ප්රජාතන්ත්රවාදී මැතිවරණ ක්රියාදාමය ලෙස සැලකෙන ඉන්දීය මහ මැතිවරණය හෙට (19) ආරම්භ වෙයි. ඉන්දීය පාර්ලිමේන්තුව නියෝජිත මන්ත්රී මණ්ඩලයකින
අවුරුදු හතරක දරුවකුට සීනි කරිඤ්ඤං පොවන ලදැයි කියන සිද්ධියක් සම්බන්ධයෙන් අසල්වැසි නිවසයක 52 හැවිරිදි කාන්තාවක් හිඟුරුකඩුව පොලීසිය විසින් අත්අඩංගුව
බස්නාහිර සහ සබරගමුව පළාත්වලත්ගාල්ල සහ මාතර දිස්ත්රික්කවලත් පස්වරු 2.00 න් පමණ පසු තැනින් තැන වැසි හෝ ගිගුරුම් සහිත වැසි ඇති වන බව කාලගුණවිද්යා දෙපාර්
බදුල්ල සිට කොළඹ කොටුව බලා ධාවනය වෙමින් තිබූ රාත්රි තැපැල් දුම්රියට හැටන් දුම්රිය ස්ථානයේදී ගොඩවීමට ගිය මගින් පිරිසක් සහ දුම්රිය මැදිරියක සිටි මගීන
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
වෛද්ය ෂාෆිගේ සී.සී.ටී.වී පද්ධතියේ දත්ත මකලා
eresh S kumara Friday, 07 February 2020 09:35 AM
කලින් අල්ලගත්තුවෙලේ ගන්න තිබ්බා. දැන් විකාර කියවලා වැඩක් නෑ. කිසිම ප්ලෑන් එකක් නෑ.
anuraFriday, 07 February 2020 09:48 AM
ශානිගේ වැඩතමයි...
NuwanFriday, 07 February 2020 07:38 PM
සහතික ඇත්ත.. කට්ටියම එකතුවෙලා වැඩේ කරලා තියෙන්නේ... සාෆිගේ සීසීටීවී නැවත පොලිස් භාරයට ගන්න නියෝග දුන්නු දවසේම මම කිව්වා ඕවා මකලා තියෙන්නේ කියලා.. ඒක අද හරියටම හරිගියා.
PradeepSaturday, 08 February 2020 02:31 AM
මුදලට සියල්ලම යටයි..
RanjithT Friday, 07 February 2020 09:38 AM
මෝඩකමට බෙහෙත් නැත...
අළුත්225ක් තෝරමු Friday, 07 February 2020 04:06 PM
මැතිවරණයක් ළඟ ළඟම ඇත..
Kiraa Friday, 07 February 2020 06:13 PM
පහුගිය කාලේ පූර්ණ රාජ්ය ගෞරවය සහිතවම කළ වැඩක්...