(ශාන්ත චන්ද්රසිරි)
වතු කම්කරුවන්ගේ වැටුප් වැඩි කිරීමට රජය වගකීමෙන් කටයුතු කරන බවත් ඇතැම් වතු සමාගම් එක්සත් ජාතික පක්ෂය ඇතුළු බලවේග සමඟ එක්ව වැටුප් වැඩි කිරීමට විරුද්ධව රජයට බලපෑම් එල්ල කරන බවත් උතුරු මැද පළාත් ආණ්ඩුකාර මහාචාර්ය තිස්ස විතාරණ මහතා පැවැසීය.
තලවකැලේ, කොටගල නගරයේ පැවැති ලංකා සමසමාජ පක්ෂයේ ක්රියාකාරීන් සමඟ පැවැති හමුවකින් අනතුරුව මාධ්යවේදීන් නගන ලද ප්රශ්නවලට පිළිතුරු දෙමින් ඒ මහතා මේ බව සඳහන් කළේය.
එහිදී තවදුරටත් අදහස් දක්වමින් ආණ්ඩුකාරවරයා මෙසේද පැවැසීය.
අපි රජයක් වශයෙන් ඉතාමත් වගකීමකින් වතු කම්කරුවන්ගේ වැටුප් වැඩි කිරීමට කටයුතු කර තිබෙනවා. ලංකා සමසමාජ පක්ෂය ඇතුළු ආණ්ඩුවේ පක්ෂ එකතුවයි මෙම තීරණය ගත්තේ. රජයට දැන් තිබෙන්නේ එය ක්රියාත්මක කිරීමටයි. ඇතැම් වතු සමාගම් වතු පාඩු ලබන බව පවසනවා. එම වතුවල ඉහළ නිලධාරීන් වැටුප් සමඟ විශේෂ දීමනා විශාල වශයෙන් ලබා ගන්නවා. නමුත් දුප්පත් වතු කම්කරුවාට පඩියක් වැඩි කරන්නේ නැහැ.
ලංකා සමසමාජ පක්ෂය වශයෙන් අපි යෝජනා කරලා තියෙනවා සහයෝගිතා සංකල්පය ක්රියාත්මක කරලා පාඩුවට දුවන වතු සියල්ලම ලාභයක් ලබන වතු බවට පත් කරන්න පුළුවන් කියලා. මේ ක්රමය දැන් ඉන්දියාවේ කේරළ ප්රාන්තයේ ක්රියාත්මක කරලා තියෙනවා. එම වතු දැන් විශාල ලාභයක් ලබනවා. එම ක්රමය ලංකාවේද ක්රියාත්මක කරන්න කියලා අපි රජයට පවසනවා.
ජනතාවට එක්සත් ජාතික පක්ෂය එපා වෙලා තමයි පසුගිය ජනාධිපතිවරණයෙන් විශාල ජයක් ගෝඨාභය රාජපක්ෂ මහතාට ලබා දුන්නේ. දේශිය සම්පත් විකුණා දමමින් අපේ රටේ වත්කම් පිටරටට විකුණා දමමින් සිදු කරන ලද පාලනයට විරුද්ධවයි ජනතාව නව රජයක් පත් කළේ.
වසර පහක් ජනතාව දුක් විදලා සංවර්ධන වේගය සියයට දෙකකට බස්සලා රට විනාශය කරපු එක්සත් ජාතික පක්ෂය ජනතාවට එපා වෙලයි තියෙන්නේ. ආයේ එක්සත් ජාතික පක්ෂයට ජනතාව රැවටෙන්නේ නැහැ.
මහ මැතිවරණයෙන් තුනෙන් දෙකක බලයක් බලා ගැනීම ටිකක් අමාරු දෙයක්. නමුත් විශාල ජයග්රහණයක් ආණ්ඩුවට ලබා ගන්න පුළුවන්. ඉදිරි මහ මැතිවරණයේදී පාර්ලිමේන්තුවට යන්න තියෙනව නම් මම ඊට ඉතාමත් කැමැත්තක් දක්වනවා. පාර්ලිමේන්තුවට ගොස් වගකීමක් ඉටු කරන්න මම කැමැතියි. රට දියුණු කරන සැළැස්මක් මට තිබෙනවා.
යුද හමුදාපතිවරයාට ඇමරිකාව සිදු කරන ලද ක්රියාව සම්පුර්ණ වැරදි බලපෑමක්. එක්සත් ජාතීන්ගේ නීතියට අනුව අපේ රටේ අභ්යන්තර ගැටුමක් හෝ වෙනත් ගැටළුවක් තිබුණත් එහි හරි වැරදි සොයලා බලලා කටයුතු කරන්න බලය තිබෙන්නේ මේ රටේ මහජනතාවටයි. මේ රටේ ජනතාව පත් කරන ලද රජයයටයි.
ප්රජාතත්ත්රවාදය ගරු කරන රජයක් තිබියදි මෙහෙම පිටින් ඇවිල්ලා අයුතු බලපෑම් සිදු කිරීම සම්පුර්ණ වැරදියි. අපි ඒකට තදින්ම විරුද්ධයි‘‘ යැයි ඒ මහතා කීය.
ඇමෙරිකානු හිටපු ජනාධිපති ඩොනල්ඩ් ට්රම්ප්ට එරෙහිව විභාගවන අපරාධ නඩුව කැඳවන නිව් යෝර්ක් අධිකරණ සංකීර්ණය ඉදිරිපිට දමා තිබෙන මාර්ග බාධකයේදී පුද්ගලයෙක
ඊශ්රායලය විසින් ඉරානයට එල්ල කෙරුණු ප්රහාරය සමඟ ඉදිරියටද ගැටුම්කාරී තත්වය තවදුරටත් වර්ධනය වුවහොත් එරට සමග සෘජුව සහ වක්රව ගනුදෙනු කරන ශ්රී ලංකා
ඇතැම් දේශපාලන පක්ෂවල බලපෑම් ඇතුළු විවිධ බලපෑම් හේතුවෙන් උමා ඔය ව්යාපෘතිය ජනතා අයිතියට පත්කිරීම ප්රමාද වීමෙන් මෙරටට වසරකට රුපියල් කෝටි 900 ක පාඩුවක්
රජයේ රෝහල්වල විශේෂඥ වෛද්යවරුන් 350 දෙනකු මෑත භාගයේදී රට හැර ගොස් ඇතැයි සෞඛ්ය අමාත්යාංශයේ විශේෂඥ වෛද්යවරුන් කණ්ඩායමක් කළ අධ්යයනයකදී හෙළිවී ඇත.
මෙරට දේශපාලනයේ පෙරළිකාරීයකු මෙන්ම මානවහිතවාදීයකුගේ යුගය නිමාවට පත් කරමින් හිටපු නියෝජ්ය අමාත්ය පාලිත තෙවරප්පෙරුම මහතා මළහිරුබැස යන් සන්ධ්යාවේ
බස්නාහිර.සබරගමුව,වයඹ,ඌව සහ මධ්යම පළාත්වලත් අනුරාධපුර, වවුනියාව, මන්නාරම, ගාල්ල සහ මාතර දිස්ත්රික්කවලත් පස්වරු 2.00 පමණ පසු වැසි හෝ ගිගුරුම් සහිත වැසි ඇ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
‘‘වතු කම්කරුවන්ගේ වැටුප් වැඩි කරන්න රජය වගකීමෙන් කටයුතු කරනවා‘‘
LIYANAGE Monday, 17 February 2020 02:23 AM
වතු කම්කරුවන්ගේ වැටුප් වැඩි කිරීමට කටයුතු කිරීම රජය ගත් ඉතා හොඳ තීරණයක්. ලැබෙන වැටුපෙන් ඔවුන්ට ජිවත් වීමට කිසිසේත්ම බැහැ නමුත් ඔවුන් වැඩ කරනු ලබන්නේ උදේ 8.00 සිට දවල් 1.30 දක්වා පමණයි. එයද උදේ ආහාරය සහ තේ පානය සඳහා ද යම් කාලයක් ඇතුලත්වයි. රජයේ සහ පුද්ගලික අංශයේ කම්කරුවෙකුගේ වැඩ කරන කාලය අවම වශයෙන් පැය 8 කි. දිනක වැටුප රුපියල් 1000 දක්වා වැඩි කරන්නේ නම් වතු කම්කරුවෙකු වැඩ කරන කාලය දිනකට පැය 8 ක් වත් විය යුතු බව මගේ හැඟීමයි. ඔවුන් පැය 8 ක් වැඩ නොකළ යුතු බව යමෙක් කියන්නේ නම් ඔවුන් වැඩ කල යුතු පැය ගණන කරුණාකර කියන්න.