( තිළිණි ද සිල්වා සහ රංජන් කටුගම්පොල )
උතුරු පළාත් මහ ඇමතිවරයාව සිටියදී ,අභියාචනාධිකරණ තීන්දුවක් ක්රියාත්මක නොකිරීමෙන් අධිකරණයට අපහාස කිරීම සම්බන්ධයෙන් යාපනය දිස්ත්රික් පාර්ලිමේන්තු මන්ත්රී සී.වී. විග්නේශ්වරන් මහතාට එරෙහිව උතුරු පළාත් සභාවේ හිටපු ඇමතිවරයෙකු වන බී.ඩෙනීෂ්වරන් මහතා ගොනු කර තිබූ පැමිණිල්ල එම පැමිණිලිකාර පාර්ශවය විසින් අද (16) අධිකරණය හමුවේ ඉල්ලා අස් කර ගන්නා ලදී.
ඒ අනුව එම පැමිණිලි විභාගයද අවසන් කිරීමට අභියාචනාධිකරණය තීන්දු කළේය.
දෙපාර්ශවයේ ඇතිවූ එකඟත්වයක් මත පැමිණිල්ල ඉල්ලා අස් කර ගනු ලැබූ අතර අධිකරණයෙන් ඊට අවසර ලැබිණි.
මෙම පැමිණිල්ල මහින්ද සමයවර්ධන සහ ප්රියන්ත ප්රනාන්දු යන මහත්වරුන් ගෙන් සමන්විත අභියාචනාධිකරණ විනිසුරු මඩුල්ල හමුවේ විභාගයට ගැණුනි.
උතුරු පළාත් සභාවේ ධීවර අමාත්යවරයා ලෙස කටයුතු කළ බී.ඩෙනිෂ්වරන් මහතා එම තනතුරෙන් ඉවත් කිරීමට එරෙහිව ඒ මහතා විසින් මීට පෙර අභියාචනාධිකරණය හමුවේ රිට් පෙත්සමක් ගොනුකර තිබිණි.එම පෙත්සම විභාග කළ අභියාචනාධිකරණය ඒ මහතා නැවත අමාත්ය තනතුරේ පිහිටුවන මෙන් උතුරු පළාත් මහ ඇමතිට එරෙහිව ඉකුත් ජුනි 29 වැනිදා අතුරු නියෝගයක් නිකුත් කළේය.
එම නියෝගය පරිදි තමා අමාත්යධූරයෙන් පිහිටවීම ප්රධාන අමාත්යවරයා විසින් ප්රතික්ෂේප කර ඇති බවත්, ඒ තුළින් ඔහු අධිකරණයට අපහාසයක් සිදු කර ඇති බවට චෝදනා කරමින් ඩෙනීෂ්වරන් හිටපු අමාත්යවරයා විසින් අභියාචනාධිකරණයට මෙම පැමිණිල්ල ඉදිරිපත් කළේය.
ඩෙනීෂ්වරන් හිටපු අමාත්යවරයා සිය පැමිණිල්ල මඟින් සඳහන් කර ඇත්තේ තමා අමාත්යධූරයෙන් ඉවත් කිරීමේ ගැසට් නිවේදනය අත්හිටුවමින් අභියාචනාධිකරණය අතුරු නියෝගයක් නිකුත් කළ බවය.ඒ අනුව තමන්ව නැවත අදාල අමාත්ය ධූරය පිහිටුවන ලෙස අභියාචනාධිකරණය නියෝග කළ බව ද ඩෙනිස්වරන් හිටපු අමාත්යවරයා පෙන්වා දේ.
නමුත් එම නියෝග ක්රියාත්මක කිරීමට උතුරු පළාත් ප්රධාන අමාත්යවරයා පැහැර හැරීම තුළින් ඔහු අධිකරණයට අපහාසයක් සිදු කර ඇති බවද හිටපු අමාත්යවරයා සිය පැමිණිල්ලෙන් අධිකරණයට පෙන්වා දේ.
පාර්ලිමේන්තු මන්ත්රී සී.වී.විග්නේෂ්වරන් මහතා වෙනුවෙන් ජනාධිපති නීතීඥ ඊ .කන ඊශ්වරන්ද , උතුරු පළාත් අමාත්ය බී.ඩෙනීෂ්වරන් වෙනුවෙන් නීතීඥ සුරේන් ප්රනාන්දු මහතාද පෙනී සිටියහ.
චීන කොමියුනිස්ට් පක්ෂයේ ජාත්යන්තර කටයුතු දෙපාර්තමේන්තුවේ නියෝජ්ය අමාත්ය සන් හයියන් (Sun Haiyan) මහත්මිය ඇතුළු චීන දූත පිරිස සහ දේශගුණික විපර්යාස පිළිබඳ
ඉරානය සහ ශ්රී ලංකාව අතර ද්විපාර්ශ්වික සබඳතා ශක්තිමත් කිරීමේ අරමුණින් අවබෝධතා ගිවිසුම් (MoUs) පහකට අත්සන් තැබූ බව ජනාධිපති කාර්යාලය පවසයි.
ශ්රී පාද උඩමළුව ආසන්නයේ රත්නපුර මාර්ගයේ ආරක්ෂක වැටකින් පහළට පැන ඉකුත් (19)දා සිට අතුරුදන්ව සිටි තරුණයා දින (05)කට පසුව නල්ලතන්නිය පොලිස් වසමට අයත්, රාජමල
ජනාධිපති රනිල් වික්රමසිංහ මහතා ඉදිරි ජනපතිවරණයට තරඟ කරන බවට නිල වශයෙන් ප්රකාශයට පත් කිරීමෙන් පසු පොදු ජන පෙරමුණේ ජනාධිපති ධුර අපේක්ෂකයා සම්බන්ධයෙ
දකුණේ ප්රබල දේශපාලනඥයකු තරග විභාගයකින් තොරව කොරියා රැකියා දෙන බව පවසා තරුණයන් 500කගෙන් රුපියල් කෝටි දෙක හමාරකට ආසන්න මුදලක් ලබාගෙන ඇතත් තවමත් රැකියා
පාර්ලිමේන්තු සභා ගර්භයේ සඟවා තිබී පාස්කු දා ප්රහාරය සම්බන්ධ විරෝධතා පාඨ සහිත පුවරු හතක් පොලිස් විශේෂ කාර්ය බළකා නිලධාරින් පිරිසක් විසින් අද (24) පෙරවර
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
විග්නේෂ්වරන්ට එරෙහි පැමිණිල්ල ඉල්ලා අස් කරගනී
sunanda Thursday, 17 September 2020 03:29 AM
සිංහලයන්ට ඉගෙන ගන්න දෙයක් තියෙනවා මෙතන..