(විනීතා එම් ගමගේ)
වත්මන් රජයේ පාලනය පැවැති ඉකුත් වසර පහේ කාලය තුළ මෙරට බැංකු හා මූල්ය ආයතනවල ඇති වී තිබෙන මූල්ය අර්බුද ගැන සොයා බැලීම සඳහා තේරිම් කාරක සභාවක් හෝ ජනාධිපති කොමිසමක් ඉදිරි රජයක දී පත්කරන ලෙස යෝජනා කළ බව පාර්ලිමේන්තු මන්ත්රී බන්දුල ගුණවර්ධන මහතා ප්රකාශ කළේය.
එම යෝජනාව ශ්රී ලංකා පොදුජන පෙරමුණේ ප්රතිපත්ති සම්පාදකයන්ට ඉදිරිපත් කළ බව ද හෙතෙම සඳහන් කළේය.
දේශපාලකයන් හා ආධාරකරුවන්ගේ ප්රකාශ ගැන පවතින අවධානය අතරතුර ආර්ථීකය බරපතල කඩවැටීමකට ලක්ව පවතින බව කී ගුණවර්ධන මහතා මහ බැංකු වාර්තාව අනුව මේ වසරේ දෙවන කාර්තුව වනවිට ආර්ථික වර්ධන වේගය 6.2% දක්වා පහළට වැටී ඇතැයි ද කීය.
මේ වසරේ ආර්ථික වර්ධනයේ සාමාන්යය 2.7% ක් වනු ඇතැයි ලෝක බැංකුව පුරෝකථනය කර ඇතැයි ද යුද්ධය නිමාවී රටම කඩිගුලක් සේ ඇවිස්සී වැඩ බිමක් වූ දා මේ රටේ ආරථ්ක වර්ධන යේ වේගය 7% ක් වූ බව අභියෝගාත්මකව කියා සිටින බව ද හෙතෙම සඳහන් කළේය.
2009 සිට 2014 දක්වා ආර්ථික වර්ධනයේ සාමාන්ය වේගය සියයට 7ක් වූ අතර 2015 සිට 2019 දක්වා වූ වසර පහේ දී ආර්ථික වර්ධන වේගය 3.7 % ක් වූ බව ද මන්ත්රීවරයා කීය.
මන්ත්රීවරයා මේ අදහස් පළ කළේ පිටකෝට්ටේ පැවැති වියත් මග සංවිධානයේ මාධ්ය හමුවක් අමතමිනි.
ආචාර්ය හර්ෂ ද සිල්වා මහතා රට සංවර්ධනය වී ඇති බවත් කාන්තාවන් සැලෝන්වලට යන බවත් කියා ඇතැයි කී ගුණවර්ධන මහතා ආචාර්යතුමන්ට වැරදීමක් සිදුව ඇති බවත් ආර්යාවන් මිස භාර්යාවන්ට ඒවාට යන්නට වත්කම නැති බවත් කියා සිටියේය.
සැලොන්වලට යාම තබා මේ වනවිට භාර්යාවන් ණය ගෙවා ගැනීමට නොහැකි නිසා සියදිවි නසා ගැනීමට පෙළඹී සිටින්නේ යැයි ද මංගල ඇමැතිවරයා කෙසේ වෙතත් තම උගත් මිත්රයකු වන හර්ෂ ද සිල්වා මහතාට මේ බව වැටහී නොයාම කණගාටුවට කරුණක් යැයි ද සඳලූ තලෙන් බිමට බැස ඒ ගැන අවධානය යොමු කරවන්නැයි ද ඔහු පවසා සිටියේය.
ඇල්පිටියේ පළාත් පාලන මැතිවරණය ගැන අදහස් දැක්වූ ගුණවර්ධන මහතා සාපේක්ෂව වැදගත් දේශපාලඥයකු ලෙස තමන් සළකන ගයන්ත කරුණාතිලක මහතාටත් එම මැතිවරණය දිනාගන්නට බැරිව ගියේ ඇයි දැයි ඔහු කළ්පනා කළ යුතු බව ද 38% ක ප්රතිශතයක් ගත් එජාපය 28% කට බැස ඇති බව ද සඳහන් කළේය.
දූෂිතයන් තමන් ළඟ නැතැයි කියන සජිත් මහතා වටේ ඉන්නේ කවුදැයි වටපිට බලන්නැයි ද මහ පොළවේ සිදුවිය හැකි බරපතලම සොරකම කළ අය බාල ඖෂධ ගෙන්වූ අය මෙන්ම රණවිරුවන් පාවාදුන් අය ද තමන් වටා ඇතැයි සජිත් මහතා වටහා ගත යුතු යැයි ද කීය.
අයිස් සහ හෙරොයින් මත්ද්රව්ය තොගයක් සමඟ නාවික හමුදා ලුතිනන් කමාන්ඩර්වරු දෙදෙනෙකු ඇතුළු සිව්දෙනෙකු මුල්ලේරියාව පොලිසිය විසින් අද (19) රාත්රීයේදී අත
ජාතික ආපදා සහන සේවා මධ්යස්ථානය දිස්ත්රික් ලේකම් කාර්යාලවලට රුපියල් කෝටි තිස්තුනක වියදමින් බෙදා දුන් ට්රැක්ටර් බවුසර් 191කින් 5ක් දිස්ත්රික් ලේ
පලස්තීනයට එක්සත් ජාතීන්ගේ කවුන්සිලයේ නිත්ය සාමාජිකත්වය ලබා දීම සඳහා සාමාජිකයන් විශාල පිරිසකගේ එකඟත්වයෙන් එක්සත් ජාතීන්ගේ සංවිධානය ආරක්ෂක කවුන්ස
කැනඩාවේ ඔටාවා නගරයේදී එකම පවුලේ සාමාජිකයන් පස් දෙනෙකු සහ එම පවුලේ හිතවතෙකු ඝාතනය කිරීම සම්බන්ධයෙන් චෝදනා එල්ල වී සිටින ශ්රී ලාංකික තරුණයෙකු වන ෆෙබ්
එක්සත් ජාතික පක්ෂ හිටපු පාර්ලිමේන්තු මන්ත්රී සහ හිටපු නියෝජ්ය අමාත්ය පාලිත තෙවරප්පෙරුම මහතාගේ දේහයට ජනාධිපති රනිල් වික්රමසිංහ මහතා අවසන් ගෞරව
ලංකා විදුලිබල මණ්ඩලයේ විදුලි උත්පාදනය සම්ප්රේෂණය බෙදා හැරීම සහ සැපයීමට අදාල මණ්ඩලයේ වත්කම් හා බැරකම් සංස්ථාගත කරන ලද සීමාසහිත සමාගම් සතු කරනු ලැබිය
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
රාජ්ය බැංකු ගැන ජනපති කොමිසමක් පත්කරන්නැයි යෝජනාවක්