(විනීතා එම් ගමගේ)
සෞඛ්යයට අහිතකර ලෙස කැල්සියම් මිශ්ර කළ ආහාර ඇසුරුම් නිෂ්පාදනය කළ පානදුර මහානාම පාරේ පොලිතින් කම්හළක් වටලා රුපියල් මිලියන 2 කට අධික වටිනාකමින් යුත් පොලිතින් නිෂ්පාදන මධ්යම පරිසර අධිකාරියේ විශේෂ විමර්ශන ඒකකය මඟින් අත්අඩංගුවට ගෙන ඇත.
මධ්යම පරිසර අධිකාරියේ විශේෂ විමර්ශන ඒකකයට ලැබුණු තොරතුරකට අනුව, මධ්යම පරිසර අධිකාරිය, පාරිභෝගික සේවා අධිකාරිය හා විශේෂ පොලිස් ඒකකය එක්ව මෙම වැටලීම සිදු කළ බව මධ්යම පරිසර අධිකාරිය කියයි.
ජාතික පාරිසරික පනත අනුව, කර්මාන්ත ශාලාවක් පවත්වාගෙන යාමට පරිසර ආරක්ෂණ බලපත්රයක් ලබාගැනීම අනිවාර්ය වන අතර මෙම කර්මාන්තකරු විසින් පරිසර ආරක්ෂණ බලපත්රයක් ලබාගෙන නොමැති බවත් 2017/09/01 දාතමින් අංක 2034/34 යටතේ, පරිසර පනත ප්රකාරව පොලිතීන් නිෂ්පාදන කිහිපයක් සඳහා තහනමක් පනවමින් නිකුත් කරන ලද, රෙගුලාසිය ද උල්ලංඝනය කර ඇති බවත් මධ්යම පරිසර අධිකාරියේ ජ්යෙශ්ඨ නිලධාරියෙක් ලංකාදීපයට පැවැසීය.
අත්අඩංගුවට ගනු ලැබූ ආහාර ඇසුරුම් මෙම කර්මාන්ත ශාලාව තුල නිෂ්පාදනය කර ඇත්තේ,තහනම් කරන ලද වැඩි ඝනත්වයක් සහිත පොලිතිලීන් යොදාගෙන යැයි මධ්යම පරිසර අධිකාරියේ ජ්යෙශ්ඨ නිලධාරියෙක් ලංකාදීපයට පැවැසීය.
මෙම තහනම් පොලිතීන් ඇසරුම් ගල්කිස්ස හා පිටකොටුව යන ප්රදේශවල අලෙවි කරන බවට ද තොරතුරු අනාවරණය වී ඇත.
ජාතික පාරිසරික පනත උල්ලංඝනය කිරිම යටතේ, ප්රධාන චෝදනා 02කට අදාළව කර්මාන්තකරුට එරෙහිව පානදුර මහෙස්ත්රාත් අධිකරණයේ නඩු පවරමින්, නීතීය ක්රියාත්මක කිරීමට මධ්යම පරිසර අධිකාරිය විසින් පියවර ගෙන ඇත.
තහනම් පොලිතීන් වටලමින් ඒවා වෙළෙඳපොළෙන් ඉවත් කරමින්, සෞඛ්යාරක්ෂිත හා පරිසර හිතකාමී නිෂ්පාදන වෙළෙඳපොලට පිවිසිමට අවශ්ය පසුබිම සැකසීම මධ්යම පරිසර අධිකාරියේ අපේක්ෂාව බවත් දැනුවත් තොරතුරු අප වෙත සැපයිමෙන් මෙම සමාජ සංරක්ෂණ කාර්ය සාර්ථක කරගැනීම සඳහා මහජනතාවට ද සහභාගී විය හැකි බවත් මධ්යම පරිසර අධිකාරියේ අධ්යක්ෂ ජනරාල් හේමන්ත ජයසිංහ මහතා ලංකාදීපයට පැවැසීය.
ඇමෙරිකානු හිටපු ජනාධිපති ඩොනල්ඩ් ට්රම්ප්ට එරෙහිව විභාගවන අපරාධ නඩුව කැඳවන නිව් යෝර්ක් අධිකරණ සංකීර්ණය ඉදිරිපිට දමා තිබෙන මාර්ග බාධකයේදී පුද්ගලයෙක
ඊශ්රායලය විසින් ඉරානයට එල්ල කෙරුණු ප්රහාරය සමඟ ඉදිරියටද ගැටුම්කාරී තත්වය තවදුරටත් වර්ධනය වුවහොත් එරට සමග සෘජුව සහ වක්රව ගනුදෙනු කරන ශ්රී ලංකා
ඇතැම් දේශපාලන පක්ෂවල බලපෑම් ඇතුළු විවිධ බලපෑම් හේතුවෙන් උමා ඔය ව්යාපෘතිය ජනතා අයිතියට පත්කිරීම ප්රමාද වීමෙන් මෙරටට වසරකට රුපියල් කෝටි 900 ක පාඩුවක්
රජයේ රෝහල්වල විශේෂඥ වෛද්යවරුන් 350 දෙනකු මෑත භාගයේදී රට හැර ගොස් ඇතැයි සෞඛ්ය අමාත්යාංශයේ විශේෂඥ වෛද්යවරුන් කණ්ඩායමක් කළ අධ්යයනයකදී හෙළිවී ඇත.
මෙරට දේශපාලනයේ පෙරළිකාරීයකු මෙන්ම මානවහිතවාදීයකුගේ යුගය නිමාවට පත් කරමින් හිටපු නියෝජ්ය අමාත්ය පාලිත තෙවරප්පෙරුම මහතා මළහිරුබැස යන් සන්ධ්යාවේ
බස්නාහිර.සබරගමුව,වයඹ,ඌව සහ මධ්යම පළාත්වලත් අනුරාධපුර, වවුනියාව, මන්නාරම, ගාල්ල සහ මාතර දිස්ත්රික්කවලත් පස්වරු 2.00 පමණ පසු වැසි හෝ ගිගුරුම් සහිත වැසි ඇ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
මිලියන 2ක් වටිනා තහනම් පොලිතීන් තොගයක් අත්අඩංගුවට