(හර්ෂණ තුෂාර සිල්වා)
නුදුරේදීම ඉන්දීය අග්රාමාත්ය නරේන්ද්ර මෝදී මහතා මුණ ගැසීමට බලාපොරොත්තු වන බව ශ්රී ලංකාවේ හත්වැනි විධායක ජනාධිපතිවරයා ලෙස තේරී පත්වූ ගෝඨාභය රාජපක්ෂ මහතා ප්රකාශ කරයි.
ජනාධිපතිවරණ ඡන්ද විමසීමෙන් ජයග්රහණය කළ ගෝඨාභය රාජපක්ෂ මහතාට සුබ පැතුම් එක් කරමින් ඉන්දීය අග්රාමාත්ය නරේන්ද්ර මෝදි මහතා ට්විටර් පණිවුඩයක් නිකුත් කර තිබූ අතර ඊට පිළිතුරු ට්විටර් පණිවුඩයක් යවමින් රාජපක්ෂ මහතා ඒ බව සඳහන් කළේය.
“උණුසුම් සුබ පැතුම් එක් කළ ඉන්දීය අග්රාමාත්ය නරේන්ද්ර මෝදි මහතාට සහ ඉන්දීය ජනතාවට මම ස්තූතිවන්ත වෙනවා. අපේ ජාතීන් දෙක ඉතිහාසයෙන් සහ පොදු විශ්වාසවලින් බැඳී තිබෙනවා. දෙරටේ මිත්රත්වය ශක්තිමත් කරගැනීමට නුදුරේදීම ඔබ මුණ ගැසීමට බලාපොරොත්තු වෙනවා” යැයි නරේන්ද්ර මෝදි මහතාට පිළිතුරු යවමින් තේරී පත්වූ ජනාධිපති ගෝඨාභය රාජපක්ෂ මහතා සිය ට්විටර් පණිවුඩයේ සඳහන් කර ඇත.
ඉදිරියේදී දෙරට අතර තිබෙන සහෝදර බැඳීම ශක්තිමත් කරගනිමින් සමීපව කටයුතු කිරීමට බලාපොරොත්තු වන බවත් දෙරටේ පුරවැසියන්ගේ සාමය හා සෞභාග්යය මෙන්ම කලාපයේ ආරක්ෂාව වෙනුවෙන් සමීපව කටයුතු කිරීමට බලාපොරොත්තු වන බවත් ගෝඨාභය රාජපක්ෂ මහතාට සුබ පතමින් ඉන්දීය අග්රාමාත්ය නරේන්ද්ර මෝදි මහතා සඳහන් කර තිබිණි.
සාර්ථකව මැතිවරණයක් අවසන් කිරීම සම්බන්ධයෙන් ශ්රී ලංකාවේ ජනතාවට සුබ පැතුම් එක් කරන බව ද ඉන්දීය අග්රාමාත්යවරයා තවදුරටත් සඳහන් කර තිබිණි.
පාකිස්තාන ජනාධිපති අරිෆ් අල්වි මහතාද ගෝඨාභය රාජපක්ෂ මහතාට සුබපැතුම් එක්කරමින් ට්විටර් පණිවුඩයක් නිකුත් කර තිබෙන අතර කලාපීය සාමය, සෞභාග්ය සහ ස්ථාරවය සඳහාත් දෙරටේ ජනතාවගේ සුබසිද්ධිය සඳහාත් ශ්රී ලංකාව සමඟ ඉදිරියටත් සමීපව කටයුතු කරන බව ද සඳහන් කර තිබේ.
තේරී පත්වූ ජනාධිපති ගෝඨාභය රාජපක්ෂ මහතාට සුබ පැතුම් එක් කරමින් මාලදිවයිනේ ජනාධිපති ඊබ්රහීම් මොහොමද් සෝලි මහතා ශ්රී ලංකා හා මාලදිවයින අතර තිබෙන සබඳතා ශක්තිමත් කිරීම සඳහා නව ආණ්ඩුව සමඟ සමීපව කටයුතු කරන බව සඳහන් කර තිබිණි.
මේ අතර ගෝඨාභය රාජපක්ෂ මහතාට සුබ පැතුම් එක්කරමින් පාකිස්තාන විදේශ කටයුතු අමාත්යාංශය ද නිවේදනයක් නිකුත් කර තිබිණි.
විදුලි බල පනත් කෙටුම්පත විදුලි බල හා බල ශක්තිය අමාත්ය කංචන විජේසේකර මහතා පාර්ලිමේන්තුවට මීට ස්වල්ප වේලාවකට පෙර ඉදිරිපත් කළේය
හිටපු විපක්ෂ නායක ත්රිකුණාමල දිස්ත්රික් මන්ත්රී ආර්. සම්බන්ධන් මහතාට මාස තුනක කාලයක නිවාඩුවක් ලබාදීමට පාර්ලිමේන්තුව අද අවසර ලබා දුන්නේය.
ශ්රී ලංකාවේ පළමු ස්ට්රොබෙරි වගා ආදර්ශ ගම්මානය නුවරඑළියේ ස්ථාපිත කිරීමට ගොවිජන සංවර්ධන දෙපාර්තමේන්තුව කටයුතු යොදා තිබේ.
ශ්රී ලංකා නිදහස් පක්ෂයේ නායකයෝ වෙන්න දඟලන අය ජීවතේට අත ලකුණින් තරඟ කර නැතැයි අධ්යාපන අමාත්ය සුසිල් ප්රේමජයන්ත මහතා පාර්ලිමේන්තුවේදී පැවසීය.
රටේ ආරක්ෂාව සඳහා සන්නද්ධ හමුදා කැඳවීම සඳහා විශේෂ ආඥාවක් ජනාධිපතිවරයා විසින් නිකුත් කරනු ලැබ ඇතැයි කතානායක මහින්ද යාපා අබේවර්ධන මහතා පාර්ලිමේන්තුවට
මදුරන්කුලිය නගරයේ සිට පයින් යමින් සිටි තරුණයකු කොළඹ සිට පුත්තලම දෙසට ධාවනය කරමින් තිබු වෑන් රථයක ගැටිමේන් බරපතල තුවාල ලබා කොළඹ ජාතික රෝහලට ඇතුළත්කිර
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
මෝදි හමුවන බව ගෝඨාභය කියයි
Chathuri Sunday, 17 November 2019 12:28 PM
වැදගත් නායකයින් සුබපැතුවේ නැතිද තවම...?
RaveendraSunday, 17 November 2019 10:51 PM
ඔබ විසින් වැදගත් ලෙස හුවා දැක්වීමට අදහස් කරන්නේ කිනම් ලෝක නායකයන්ද යන්න දැනගැනුමට කැමැත්තෙමු. අප විශ්වාස කරනවා ලෝකයේ වැදගත් නායකයන් නොමැති බවට, මක්නිසාදයත් වැදගත් රාජ්ය නායකයන්ගේ මුලික ලක්ෂණයන් වන්නේ අනෙකුත් රටවලට අතහිත දෙමින් ඒ ඒ රටවල සමගිය, දියුණුවට අකුල් නොහෙළන තම හිතේ යටි අරමුණු රහිතව අවංකව අනෙකුත් රටවලට අවශ්ය වේලාවන්හි උදව් කරන නායකයන්ටය. එබැවින් එවන් රාජ්ය නායකන් අද ලොව සිටීදී යන්න නැවත වරක් සිතීමෙන් ඔබටම ඔබ අදහස් කරන වැදගත් රාජ්ය නායකයන් ගැන තක්සේරුවක් කරගත හැකි බව අපගේ අදහසයි. අපගේ මෙම අදහස් වැරදි නම් අපව නිවැරදි කරන මෙන්ද කාරුණිකව ඉල්ලා සිටින්නෙමු.
MaheeMonday, 18 November 2019 02:41 AM
රවීන්ද්ර මහතා, එහෙම නායකයෝ ඉන්නේ සුරන්ගනා කතා වල පමණයි. එහෙම ඉන්න ඕනත් නැහැ. වැදගත් වන්නේ අපේ නායකයෝ ඔවුන්ව හඳුනාගෙන අපේ රටට වාසිවන ආකාරයට ඒ නායකයින් සමගත් රටවල් සමගත් සම්බන්ධතා ගොඩ නගා ගැනීම පමණයි. නමුත් කෙරෙන්නේ අපේ නායකයෝ ඒ සම්බන්ධතාවලින් තමන්ගේ සාක්කු පුරවා ගන්න බලනවා මිසක් රට පුරවන්න නොහිතන එකයි. දුරදර්ශී නායකයෝ කියල අපි කියන්නේ ස්විස් බැංකුවේ ලාච්චු දක්වා දුරක් දකින්න පුළුවන් නායකයන්ටයි.
Mahee Sunday, 17 November 2019 12:38 PM
අපි මේ බලා ඉන්නේ චීනේ ජනාධිපතිතුමයි, ඇමෙරිකාවේ ජනාධිපතිතුමයි එවන පණිවිඩවල මොනවා තියෙයිද කියලයි...
Mf Sunday, 17 November 2019 06:18 PM
ඔහොම යං... ඔහොම යං...