(මුදිතා දයානන්ද)
පාස්කු ඉරුදින ප්රහාරය සම්බන්ධයෙන් සෙවීමේ ජනාධිපති විමර්ශන කොමිසම හමුවේ හිටපු ආරක්ෂක ලේකම් හේමසිරි ප්රනාන්දු මහතා දුන් සාක්ෂි සම්බන්ධයෙන් හිටපු ජනාධිපති මෛත්රීපාල සිරිසේන මහතා වෙනුවෙන් නිකුත් කර තිබෙන මාධ්ය නිවේදනයෙන් ජනාධිපති විමර්ශන කොමිසමේ බලය හා අධිකාරීත්වය නොසළකා හැර ඇති අතර එය හෑල්ලුවට ලක් වෙන බව නීතිපති දෙපාර්තමේන්තුව කොමිසමට අද (22) දැනුම් දුන්නේය.
මෛත්රීපාල සිරිසේන මහතාගේ පෞද්ගලික ලේකම්වරයකු වන සමීර ද සිල්වා මහතා විසින් එම නිවේදනය නිකුත් කරනු ලැබ තිබිණ. එය හිටපු ජනාධිපතිවරයාගේ මුහුණු පොත ඔස්සේ ප්රචාරය කර ඇති බවද නීතිපති දෙපාර්තමේන්තුවේ අතිරේක සොලිසිටර් ජෙනරාල්වරිය කොමිසම දැනුවත් කරමින් පැවසුවාය.
එය මේ වන විටත් විශාල ජනතාවක් අතරට ගොස් ඇති බවත් පෙන්වා දුන් අතිරේක සොලිසිටර් ජෙනරාල්වරිය එය ඉවත් කරගන්නා ලෙස හිටපු ජනාධිපතිවරයාගේ පාර්ශ්වයට නියෝග කරන ලෙස ද කොමිසමෙන් ඉල්ලා සිටියාය. හේමසිරි ප්රනාන්දු මහතා ජනාධිපති කොමිසම හමුවේ ලබාදී තිබෙන්නේ බොරු සාක්ෂි බව පවසමින් හිටපු ජනාධිපතිවරයාගේ මාධ්ය නිවේදනය නිකුත් කර තිබිණි.
එයින් තම සේවාදායකයා අගතියට පත්වන අතර කොමිසම හෑල්ලු කර ඇති බවද ඒ නිසා ඔවුන් සම්බන්ධයෙන් නීත්යානුකූලව කටයුතු කරන ලෙස ඉල්ලා සිටින බවත් හේමසිරි ප්රනාන්දු මහතා වෙනුවෙන් පෙනී සිටි නිතිඥ දිල්ශාන් ජයසුරිය මහතා කොමිසමෙන් ඉල්ලා සිටියේය.
මෙම සිදුවීම සම්බන්ධයෙන් අවශ්ය වුවහොත් කරුණු දැක්වීමට හිටපු ජනාධිපති මෛත්රීපාල සිරිසේන මහතා පෞද්ගලිකවම අද කොමිසම හමුවේ පෙනී සිටියේය.
හිටපු ජනාධිපතිවරයා වෙනුවෙන් කරුණු දැක්වූ ඔහුගේ නීතිඥ මෛත්රී ගුණරත්න මහතා සඳහන් කළේ මෙම නිවේදනයෙන් කොමිසම හෝ කිසියම් සාක්ෂිකරුවකු හෝ හෑල්ලුවට ලක් කිරිමට තම සේවාදායකයා වූ මෛත්රීපාල මහතාට අවශ්ය නොවු බවයි.
හේමසිරි මහතාගේ සාක්ෂිය මාධ්ය මගින් ප්රචාරය වු ආකාරය තුළින් තම සේවාදායකයා පාස්කු ප්රහාරයේ සියලු වගකීම භාරගත යුතු බවට සමාජයේ අදහසක් ඇති වන බවද ඒ අනුව මෙම නිවේදනය නිකුත් කර ඇති බවද ඔහු පැවසීය.
හරීන් ප්රනාන්දු මහතා කොමිසම හමුවේ සාක්ෂි ලබාදීමෙන් පසු අගරදගුරුතුමන් වෙනුවෙන් ද මාධ්ය නිවේදනයක් නිකුත් කර තිබූ බවද තම සේවාදායකයා වෙනුවෙන් වන මාධ්ය නිවේදනය ගැන කතා කරන අය ඒ ගැන කතා නොකර සිටීන්නේ ඇයිදැයි නීතිඥ ගුණරත්න මහතා විමසුවේය.
මෙරට මුහුදු තීරයේදී ගිනි ගැනීමට ලක්වූ එම්. වී.එක්ප්රස් පර්ල් නෞකාව සම්බන්ධයෙන් සිදු කරන විමර්ශනය අවසන් කර කඩිනමින් අධිකරණයට කරුණු වාර්තා කරන්නැයි ක
ශ්රී ලංකා නිදහස් පක්ෂයේ විධායක සභාව කැඳවීම පිළිබඳ සිදුකළ ප්රකාශයකින් සිය කීර්ති නාමයට හානියක් සිදුවී යැයි ද ඊට වන්දි ලෙස රුපියල් කෝටි 100 ක මුදලක් ගෙව
ඉඩමක් විකිණීමේදී ඇතිවීයැයි කියන ආරවුලක් දුරදිග යාමෙන් මොරගහහේන වීදියගොඩ මොහොට්ටිගොඩ ප්රදේශයේ කෝටිපති ව්යාපාරික කතකගේ නිවෙසට ඊයේ හොර රහසේ ඇතුළු ව
සිංගප්පූරුවේ ජාතික විශ්ව විද්යාලයේ දකුණු ආසියානු අධ්යයන ආයතනය සමග පවතින සබඳතා අඛණ්ඩව පවත්වාගැනීම සදහා හිටපු හිටපු මහ කොමසාරිස් සහ පාත්ෆයින්ඩර් ප
ශ්රී ලංකා නිදහස් පක්ෂයේ මැයි රැලිය, නිදහස් සේවක සංගමය ඇතුළු වෘත්තීය සමිති සංවිධානත්වයෙන් මැයි 1 වැනිදා ගම්පහ නගර සභා පිටියේදී පැවැත්වීමට කටයුතු යොදා
ශ්රී ලංකා නිදහස් පක්ෂයේ නව වැඩ බලන මහලේකම්වරයා ලෙසහිටපු ජාතික සංවිධායක පාර්ලිමේන්තු මන්ත්රී දුමින්ද දිසානායක මහතා පත්කර ඇත.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
මෛත්රීගේ නිවේදනයෙන් කොමිසමේ බලය හෑල්ලු වෙලා
Prasad Wednesday, 23 September 2020 03:02 AM
සාක්කි දෙන්න එන්න බැහැ. ගෙදරට ගිහින් ලියාගන්න ඕනෑ. සාක්කිකරුවෝ බය කරන්න කොමිසමට එන්න පුළුවන්..
Prasad Wednesday, 23 September 2020 03:02 AM
සාක්කි දෙන්න එන්න බැහැ. ගෙදරට ගිහින් ලියාගන්න ඕනෑ. සාක්කිකරුවෝ බය කරන්න කොමිසමට එන්න පුළුවන්.
fairoos Wednesday, 23 September 2020 07:03 AM
මෙහෙමත් ජනාධිපති කෙනෙක් හිටියානේ අපිට. හැමදාම කළේ විහිළු සපයන එක විතරයි.