මෙක්සිකෝවේ එකම පවුලේ හෙදියන් තිදෙනකු ඝාතනය කරලා

මෙක්සිකෝවේ උතුරු දිග කොහුවායිලා ප්‍රාන්තයේ හෙදියන් තිදෙනකු ගෙල සිරකර මරා දමා ඇතැයි වාර්තා වේ.

මොවුන් සහෝදරියන් බවද ඔවුන් මියගිය දිනය හෝ එසේ මරා දැමීමට හේතුව පැහැදිලි නැතැයි ද පොලිසිය පවසයි.

මෙලෙස මරා දමා ඇත්තේ ප්‍රාන්තයේ කොරෝනා වයිරස රෝගීන් සම්බන්දව කටයුතු කරන රෝහලක හෙදියන් තිදෙනෙකි.

වයිරසය පැතිරීම හේතුවෙන් බොහෝ සෞඛ්‍ය සේවකයින්ට තර්ජන එල්ල වී ඇති නමුත් මොවුන්ගේ මරණ වලට හේතුව රැකියාව බවට කිසිදු සාක්ෂියක් ඉදිරිපත් වී නොමැති බව කොහුවායිලා ප්‍රාන්තයේ නීතිපති ජෙරාඩෝ මාර්කේස් පවසයි.

සිද්ධියට අපරාධකරුවන් දෙදෙනකුට වැඩි පිරිසක් සම්බන්ද වී ඇතැයි මූලික
පරීක්ෂණ වලදී හෙළිවී තිබේ.

නමුත් මෙතෙක් කිසිවකු අත්අඩංගුවට ගැනීමට හැකිවී නැතැයි ද නීතිපතිවරයා පවසයි.

මෙක්සිකෝව බලවත් සෞඛ්‍ය අර්බුදයකට මුහුණ දී සිටින අවස්ථාවක මෙවැනිදේ සිදුවීම මහත් පාඩුවක් බව සෞඛ්‍ය බලධාරීහු පවසති.

මේ වනවිට මෙක්සිකෝවේ කොරෝනා ආසාදිත රෝගීන් 29 616ක් සහ මරණ 2 961ක් වාර්තා වේ.

කෙසේ වුවත් මෙක්සිකෝවේ සෞඛ්‍ය අංශ සඳහන් කරන්නේ සැබෑ ආසාදන සංඛ්‍යාව මීට වඩා සැලකිය යුතු ප්‍රමාණයකින් වැඩි විය යුතු බවයි.

වයිරස ආසාදිත රෝගීන් වාර්තා වීම ආරම්භ වූ දිනයේ සිට වැඩිම ආසාදිතයින් සංඛ්‍යාව ලෙස රෝගීන් 1 982ක් බ්‍රහස්පතින්දා(08) වාර්තා විය. එදින අළුතින් මරණ 257ක් ද සිදුවිය.

(රොයිටර් පුවත් ඇසුරිණි - 085)

අදහස් (6)

මෙක්සිකෝවේ එකම පවුලේ හෙදියන් තිදෙනකු ඝාතනය කරලා

rocky Saturday, 09 May 2020 10:00 AM

මේක කෙරුනේ වෙසක් පෝය දවසේ නම් බරපතල අපරාධයක්!

: 60 0

binkunndaa Saturday, 09 May 2020 07:04 PM

මොන බොරුද? මේක කොහොමටත් අපරාධයක්, වෙසක් එක්ක ඇති‍ සම්බන්ධතාවයක් නෑ.

: 0 0

චමින්දSunday, 10 May 2020 12:57 AM

රොකියෝ මේකටත් වෙසක් පෝය ගාවන්න එපා. මෙයින් වෙන්නේ නුඹගේ ආගමත් එහි පූජකයිනුත් නොවැදගත් වීමයි. මෙවැනි මිලේච්ඡ ක්‍රියාවන් කිරීමට ඒවා කළ අයටත් නුඹට වාගේ මානසික දුබලතාවක් තියෙන්න ඇති. නුඹ පෝය දිනයේ කාදිනල්තුමාගේ දේශනය ඇහුවානම් මෙවැනි අදහස් නොකියනු ඇත.

: 0 8

MD Saturday, 09 May 2020 05:20 PM

මෙහෙම මානසික ලෙඩ්ඩු ගැන ඇහෙනකොට කොරෝනා හොදයිනේ කියලත් හිතෙනවා... ගොඩක් අය සුව වෙලා ගෙදරත් ගියා... මානසික ලෙඩ්ඩු සදහටම වද දිදී පව් ගෙවනවා...

: 0 45

vidya Saturday, 09 May 2020 06:26 PM

මැක්සිකෝව කියන්නේ අපරාධ, දුප්පත්කම, කොකේන් වැනි මත්ද්‍රව්‍ය වලින් පිරිණු රටක්... මේ කරපු අපරාධය සාමාන්‍ය දෙයක්. එය ඉතාම කනගාටු දායකයි .

: 2 28

වීර Sunday, 10 May 2020 08:26 AM

විද්‍යා , මෙක්සිකෝව කියන්නේ G 20 රටවල්වලට ඇතුලත් රටක්. ඒ කියන්නේ ලෝකයේ ලොකුම ආර්ථිකය අයත් රටවල් විස්සට අයිති වෙනවා. අපිට වඩා ගොඩක් ඉහලින් ඉන්නේ.

: 0 0

ඔබේ අදහස් එවන්න

එසැණ පුවත්

හබලකින් පහරදී අයෙක් මරලා

2024 අප්‍රේල් මස 19 142 0

ධීවර කටයුතු සඳහා අරලගන්විල පිඹුරුත්තාව වැවට ගිය පුද්ගලයෙකු එහිදී අඹුසැමි යුවළක් සමග සාදයක් පවත්වා එහිදී ඇතිවූ ආරවුලකදී හබලකින් පහරදී ඝාතනය කර ඇතැයි

පිට කොටුවේ අනවසර කඩ පිටුපස ජාවාරමක්

2024 අප්‍රේල් මස 19 349 0

කොළඹ පිටකොටුවේ අනවසර කඩ ඉදිකිරීම පිටුපස සංවිධානාත්මක ජාවාරම්කරුවන් පිරිසක් සිටින බවට හෙලිවී ඇතැයි කොළඹ මහ නගර සභාව සහ නාගරික සංවර්ධන අධිකාරිය පවසයි.

මත්කරල් සමඟ දෙන්නෙක් මාට්ටු

2024 අප්‍රේල් මස 19 62 0

ජාවාරම් කිරීම සඳහා විරෝධී මත් කරල් 1229 ක් සන්තකයේ තබාගෙන සිටි පුද්ගලයින් දෙදෙනෙක් පුල්මුඩේ ප්‍රදේශයේදී වි‍ශේෂ කාර්ය බලකාය නිලධාරීන් විසින් ඊයේ 18 අත්

අදත් තැනින් තැනට වැස්ස

2024 අප්‍රේල් මස 19 64 0

බස්නාහිර,සබරගමුව,වයඹ සහ උතුරු පළාත්වලත් ගාල්ල සහ මාතර දිස්ත්‍රික්කවලත් පස්වරු 2.00 පසු වැසි හෝ ගිගුරුම් සහිත වැසි ඇති වන බව කාලගුණ විද්‍යා දෙපාර්තමේන්ත

අනුර- සජිත් පොඩි ළමයි

2024 අප්‍රේල් මස 19 615 0

වඩයයි - පේලේන්ටියයි අටසීයට දුන් සංචාරක මඟ පෙන්වන්නා කූඩුවට

2024 අප්‍රේල් මස 18 3379 0

බෙල්ජියම් ජාතිකයකුට රුපියල් 800 ක මුදලකට උළුඳු වඩේ එකක් සහ ප්ලේන්ටියක් අලෙවි කළ බව කියන සංචාරක මග පෙන්වන්නකු අත්අඩංගුවට ගත් බව සංචාරක පොලිසියේ නිලධාරි