(විනීතා එම් ගමගේ)
ශ්රී ලංකාවට නැගෙනහිරින් මුහුදේ දී ගිනිගත් එම් ටී නිව් ඩයමන්ඩ් බොරතෙල් ප්රවාහන නෞකාවෙන් මුහුදට විසිර ඇති ඉන්ධන සාම්පල රජයේ රස පරීක්ෂකවරයා වෙත ඉදිරිපත් කළ බව සමුද්රීය පරිසර ආරක්ෂණ අධිකාරියේ සාමාන්යධිකාරී ආචාර්ය ටර්නි ප්රදීප් කුමාර මහතා ලංකාදීපයට පැවැසීය.
එසේ විසිරී ඇති ඉන්ධන වර්ගය ඩීසල් නොවන බවත් ඊටත් වඩා ඝණකමින් යුත් ඉන්ධනයක් බවත් පෙනී යන්නේ යැයි ද ප්රදීප්කුමාර මහතා කීය.
මීට දින කිහිපයකට පෙර ද මෙසේ තෙල් තට්ටුවක් එහි හඳුනාගත හැකි වූ බවත් එම තෙල් තට්ටුව විසුරුවා දියකර හැරීම සඳහා රසායනික යෙදීම සිදුකළ බවත් මේ වනවිට දැකිය හැකි වන්නේ ඉන්පසු මතුවූ තෙල් තට්ටුව බවත් සාමාන්යධිකාරිවරයා පැවැසීය.
කෙසේ වෙතත් ශ්රී ලංකාවට අයත් සාගර කලාපයේ ඉන්ධන විසිරීමක් සිදුව සාගර දූෂණයක් සිදුව ඇති බැවින් මේ සම්බන්ධව නීතිපතිවරයාගේ උපදෙස් අනුව ඉදිරි කටයුතු කරන බව ද හෙතෙම සඳහන් කළේය.
මේ සම්බන්ධව සමුද්රීය පරිසර ආරක්ෂණ අධිකාරිය විසින් නීතිපතිවරයාගේ උපදෙස් මත අදාල නැව් සමාගමට එරෙහිව නීතිමය පියවර ගැනීමට සැළසුම් කරමින් සිටින බව ද ප්රදීප් කුමාර මහතා සඳහන් කළේය.
මේ කාන්දුවන්නේ නෞකාවෙන් නිකුත් වන තෙල් බව පැහැදිලි නමුත් ඒ එහි ගබඩා කර ඇති බොරතෙල් ද නැතිනම් නෞකාවේ භාවිතය සඳහා යොදා ඇති ඉන්ධන ද යන්න පැහැදිලි නැතැයි කී ඔහු ඒ පිළිබඳ යමක් පැවැසීය හැක්කේ රස පරික්ෂක වාර්තාව ලද පසුව යැයි ද කියා සිටියේය.
මෙම තෙල් තට්ටුව සෙන්ටිමීටර් දෙකක් පමණ ඝණට පවතින බවත් හෙතෙම කියා සිටියේය.
විසිඑක් දෙනෙකුගෙන් සමන්විත විශේෂඥ කණ්ඩායම මේ වනවිට නෞකාව තුළ පරීක්ෂණ පවත්වමින් සිටින බවත් විදේශිය ආපදා කළමනාකරණ විශේෂඥයින් 17 දෙනෙකු හා ආපාදා කළමණාකරණය පිළිබඳ විශේෂඥ පුහුණුව ලත් නාවික හමුදාවේ සිව්දෙනෙකු ඊට අයත් බවත් පැවසූ සාමාන්යධිකාරිවරයා ආපදාවට ලක්වූ නෞකාව මේ වනවිට ශ්රී ලංකාවෙන් නාවික සැතපුම් 50 ක් පමණ ඈතට ගෙන ගොස් ඇතැයි ද සඳහන් කළේය.
පැනමා රාජ්යයේ ලියාපදිංචිය ඇති ග්රීක සමාගමකට අයත් එම් ටී නිව් ඩයමන්ඞ් ඉන්ධන ප්රවාහන නෞකාව කුවේට් සිට නැගෙනහිර ඉන්දියාවේ ඔඩිශා ප්රානත්යේ පැරඩිප් වරාය වෙත ගමන් කරමින් සිටිය දී ඉකුත් 3 දා උදෑසන ගින්න හට ගැනිණි.
අයිස් සහ හෙරොයින් මත්ද්රව්ය තොගයක් සමඟ නාවික හමුදා ලුතිනන් කමාන්ඩර්වරු දෙදෙනෙකු ඇතුළු සිව්දෙනෙකු මුල්ලේරියාව පොලිසිය විසින් අද (19) රාත්රීයේදී අත
ජාතික ආපදා සහන සේවා මධ්යස්ථානය දිස්ත්රික් ලේකම් කාර්යාලවලට රුපියල් කෝටි තිස්තුනක වියදමින් බෙදා දුන් ට්රැක්ටර් බවුසර් 191කින් 5ක් දිස්ත්රික් ලේ
පලස්තීනයට එක්සත් ජාතීන්ගේ කවුන්සිලයේ නිත්ය සාමාජිකත්වය ලබා දීම සඳහා සාමාජිකයන් විශාල පිරිසකගේ එකඟත්වයෙන් එක්සත් ජාතීන්ගේ සංවිධානය ආරක්ෂක කවුන්ස
කැනඩාවේ ඔටාවා නගරයේදී එකම පවුලේ සාමාජිකයන් පස් දෙනෙකු සහ එම පවුලේ හිතවතෙකු ඝාතනය කිරීම සම්බන්ධයෙන් චෝදනා එල්ල වී සිටින ශ්රී ලාංකික තරුණයෙකු වන ෆෙබ්
එක්සත් ජාතික පක්ෂ හිටපු පාර්ලිමේන්තු මන්ත්රී සහ හිටපු නියෝජ්ය අමාත්ය පාලිත තෙවරප්පෙරුම මහතාගේ දේහයට ජනාධිපති රනිල් වික්රමසිංහ මහතා අවසන් ගෞරව
ලංකා විදුලිබල මණ්ඩලයේ විදුලි උත්පාදනය සම්ප්රේෂණය බෙදා හැරීම සහ සැපයීමට අදාල මණ්ඩලයේ වත්කම් හා බැරකම් සංස්ථාගත කරන ලද සීමාසහිත සමාගම් සතු කරනු ලැබිය
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
බොරතෙල් නෞකාවේ ඉන්ධන සාම්පල රස පරීක්ෂකට