(තරිඳු ජයවර්ධන)
පාස්කු ප්රහාරයට අදාලව වගකීම් පැහැර හැරීම ගැන ජාතික පොලිස් කොමිෂන් සභාවේ නියෝගය අනුව පොලිස් විශේෂ විමර්ශන ඒකකය මගින් කළ මූලික පරීක්ෂණයෙන් පසු ජ්යෙෂ්ඨ නියෝජ්ය පොලිස්පතිවරුන් තිදෙනකු, ජ්යෙෂ්ඨ පොලිස් අධිකාරීවරුන් දෙදෙනකු ඇතුළු අට දෙනකුට එරෙහිව ලබා දිය යුතු චෝදනාපත්ර කෙටුම්පත් කර ජාතික පොලිස් කොමිෂන් සභාවට යොමු කර ඇතැයි පොලිස් කොමිෂන් සභාවේ සහ පොලිසියේ ආරංචි මාර්ගවලින් පැවසේ.
පාස්කු ප්රහාරය සම්බන්ධයෙන් මේ වන විට ජනාධිපති විමර්ශන කොමිෂන් සභාවකින් පරීක්ෂණ සිදු කෙරෙන නිසා එහි තීන්දුව ලැබෙන තෙක් චෝදනාපත්ර නිකුත් කිරීම සම්බන්ධයෙන් තීන්දුවක් ගැනීම කල් තැබූ බව ජාතික පොලිස් කොමිෂන් සභාවේ ප්රකාශකයෙක් පැවසීය.
පාස්කු ප්රහාරය සම්බන්ධයෙන් පොලිස් නිලධාරීන් 11 දෙනකුට එරෙහිව විමර්ශන සිදු කර විනයානුකූලව පියවර ගන්නා ලෙස දැනුම් දෙමින් නීතිපතිවරයා ලිපියක් යොමු කර තිබූ අතර එහි නම තිබුණු නියෝජ්ය පොලිස්පති නිලන්ත ජයවර්ධන මහතා හැර සෙසු 10 දෙනාට විනය පියවර ගත යුතු බව පොලිස් විශේෂ විමර්ශන ඒකකය නිර්දේශ කර තිබිණි. කෙසේ වෙතත් චෝදනාපත්ර කෙටුම්පත් කර තිබුණේ නිලධාරීන් 8දෙනකුට එරෙහිව බව පොලිස් ආරංචි මාර්ග කියයි.
මෑතකදී විශ්රාම ගිය ජ්යෙෂ්ඨ නියෝජ්ය පොලිස්පති එම් ආර් ලතීෆ් මහතාට එරෙහිව ද විනය පියවර ගැනීම සුදුසු බවට මූලික විමර්ශනයෙන් පසු නිර්දේශ වී ඇතත් එය පොලිස් කොමිෂන් සභාවට ලැබෙන අවස්ථාව වන විට ඒ මහතා විශ්රාම ගොස් තිබිණි.
මෙම මූලික විමර්ශනය ආරම්භ කර තිබුණේ ජ්යෙෂ්ඨ නියෝජ්ය පොලිස්පතිවරයකු, නියෝජ්ය පොලිස්පතිවරුන් දෙදෙනකු සහ පොලිස් අධිකාරීවරුන් දෙදෙනකු ඇතුළු පිරිසකට බවත්, මූලික විමර්ශන අවසන් වන විට නියෝජ්ය පොලිස්පතිවරුන් දෙදෙනා ජ්යෙෂ්ඨ නියෝජ්ය පොලිස්පතිවරුන් ලෙසත්, පොලිස් අධිකාරීවරුන් දෙදෙනා ජ්යෙෂ්ඨ පොලිස් අධිකාරීවරුන් ලෙසත් උසස්වීම් ලබා ඇති බවත් පොලිස් කොමිසම පවසයි.
මෙම මූලික විමර්ශනයේ ප්රතිඵල අනුව චෝදනා පත්ර නිකුත් කිරීමට පොලිස් කොමිසම තීන්දු කළහොත් ජනාධිපති කොමිෂන් සභාවේ විමර්ශනයට අගතියක් විය හැකි බැවින් චෝදනා පත්ර නිකුත් කිරීම ගැන තීන්දුව කල් තැබූ බව පොලිස් කොමිෂන් සභාවේ ප්රකාශකයෙක් ලංකාදීපයට පැවසීය.
ඇතැම් දේශපාලන පක්ෂවල බලපෑම් ඇතුළු විවිධ බලපෑම් හේතුවෙන් උමා ඔය ව්යාපෘතිය ජනතා අයිතියට පත්කිරීම ප්රමාද වීමෙන් මෙරටට වසරකට රුපියල් කෝටි 900 ක පාඩුවක්
රජයේ රෝහල්වල විශේෂඥ වෛද්යවරුන් 350 දෙනකු මෑත භාගයේදී රට හැර ගොස් ඇතැයි සෞඛ්ය අමාත්යාංශයේ විශේෂඥ වෛද්යවරුන් කණ්ඩායමක් කළ අධ්යයනයකදී හෙළිවී ඇත.
මෙරට දේශපාලනයේ පෙරළිකාරීයකු මෙන්ම මානවහිතවාදීයකුගේ යුගය නිමාවට පත් කරමින් හිටපු නියෝජ්ය අමාත්ය පාලිත තෙවරප්පෙරුම මහතා මළහිරුබැස යන් සන්ධ්යාවේ
බස්නාහිර.සබරගමුව,වයඹ,ඌව සහ මධ්යම පළාත්වලත් අනුරාධපුර, වවුනියාව, මන්නාරම, ගාල්ල සහ මාතර දිස්ත්රික්කවලත් පස්වරු 2.00 පමණ පසු වැසි හෝ ගිගුරුම් සහිත වැසි ඇ
පිරිසුදු හාහරිත ශ්රී ලංකාවක් නිර්මාණය කිරීමේ අරමුණ පෙරදැරි ව ක්රියාත්මක වන,මෙරට කාර්මික අපද්රව්ය කළමනාකරණයේ පුරෝගාමියා ලෙස හැඳින්විය හැකි INSEE Ecocyc
අයිස් සහ හෙරොයින් මත්ද්රව්ය තොගයක් සමඟ නාවික හමුදා ලුතිනන් කමාන්ඩර්වරු දෙදෙනෙකු ඇතුළු සිව්දෙනෙකු මුල්ලේරියාව පොලිසිය විසින් අද (19) රාත්රීයේදී අත
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
පාස්කු ප්රහාරයට පොලිසියේ 8දෙනකුට චෝදනාපත්ර කෙටුම්පත් කරලා
Pradeep Tuesday, 18 February 2020 05:18 PM
වැඩේනම් පංකාදුයි. නමුත් වගකීම් පැහැර හැරී දේශපාලකයන්ට, විශේෂයෙන්ම මෙවන් ප්රහාරයක් එල්ලවන බව දැන දැනම එදින දේවස්ථානයට නොගිය සහ පසුව ඒ ගැන මාධ්ය වලින් මහත් උජාරුවෙන් පැවසු දේශපාලකයට පරීක්ෂණයක් නැද්ද.. කොයි අතටත් තැලෙන රාජ්ය සේවකයා විතරද මේ ගැන වග කිවයුතු වන්නේ. වෙනත් දේවල් වලදී රාජ්ය සේවකයාටත් අණ දෙන්නේ මේ දේශපාලකයින් නොවේද. එසේ නම් මෙහි කිසිදු වගකීමක් ඔවුන් මත නොවැටෙන්නේ මන්දැයි නොතේරේ..
vidya Wednesday, 19 February 2020 06:03 AM
මිටි තැනින් වතුර බහින්න වගේ.
සේන Wednesday, 19 February 2020 06:38 AM
"යන්නෙ කොහෙද ? " "මල්ලෙ පොල්" කිව්වලු. රජයේ නිළධාරීන් පස්සේ පන්නනවා මිසක මේක කරපු අය සහ ඊට ඍජුවම සම්බන්ධ අන්තවාදීන් ගැන කතා නැත.