(සිතුම් චතුරංග)
               

පාර්ලිමේන්තුව තුළ හා අගමැති පත්කිරීම ඇතුළු  උද්ගතව පවතින ගැටළුව ව්‍යවස්ථාවට පටහැනි බවත් එය විසදාගත යුත්තේ ජනාධිපති මෛත‍්‍රිපාල සිරිසේන , රනිල් වික‍්‍රමසිංහ හා මහින්ද රාජපක්ෂ යන මහත්වරුන් එකට එක්ව ජාතික ආණ්ඩුවක් පිහිටුවීම තුළින් බව උතුරු පාළාත් හිටපු ප‍්‍රධාන අමාත්‍ය සි.වි. විග්නේෂ්වරන් මහතා අද(02) වවුනියාවේදී පැවසීය.

හිටපු ප‍්‍රධාන අමාත්‍යවරයා එලෙස පැවසූයේ වවුනියාව සංස්කෘතික රංග ශාලාවේ පැවති ප‍්‍රාදේශිය කලාකරුවන් වෙත සම්මාන පිරිනැමීමේ වැඩසටහනකට සහභාගී වෙමිනි. 

   එහිදී වැඩිදුරටත් අදහස් දැක්වූ හිටපු ප‍්‍රධාන අමාත්‍ය සි.වි. විග්නේෂ්වරන් මහතා මෙසේ කීය,

පාර්ලිමේන්තුව තුළ හා ආණ්ඩුවේ උද්ගතව තිබෙන ප‍්‍රශ්නය කවුරුත් දන්නවා මේ ගැටළුව ව්‍යවස්ථානුකූල නොවන බව. දැන් ඒක නෙවෙයි තිබෙන ප‍්‍රශ්නය කොහොමහරි අප මේ ප‍්‍රශ්නය විසඳාගැනීම පිළිබඳවයි. ඒ නිසා මා ක‍්‍රියාමාර්ගයක් යෝජනා කර තිබෙනවා. මා කියන්නේ දකුණේ ජනාධිපතිතුමා , රනිල් වික‍්‍රමසිංහ මහතා සහ මහින්ද රාජපක්ෂ මහතා තුන්දෙනාම එක්ව ජාතික ආණ්ඩුවක් පිහිටුවන්න  ඕනෑ. 

මොනවිදිහටද කරන්න  ඕනෑ කියලා මම ඉදිරියේදී කියන්නම්. ඉතින් එහෙම කරන්න පුළුවන්නම් තවත් අවුරුද්දකට වැඩි කාලයක් අපේ ප‍්‍රශ්නවල් විසඳගන්න පුළුවන්. එසේ කළ පසු අපේ තරඟ අපිට තියාගන්න පුළුවන් දැනට රටට අත්වී තිබෙන තත්වයට අප එක්වී කුමණහෝ පිළියමක් නොකළහොත්  ඉදිරියේදී මොනවා වෙයිද කියා කියන්න බැහැ. ඉක්මනින් මේ පිළියම යෙදිය යුතුයි.

පළාත් සභා මැතිවරණයට හෝ පාර්ලිමේන්තු මැතිවරණයට ඉදිරිපත් වීමට මට එහෙම අදහසක් නැහැ. එහෙත් අපේ ජනතාව කියනවා කොහොම හරි මා ඉදිරිපත් වෙන්න  ඕනෑ කියා. ඒ නිසා මම සිතන්නේ පැවැත්වෙන කුමනහෝ මැතිවරණයකට ඉදිරිපත් වෙන්න තමයි බලාපොරොත්තුව. පාර්ලිමේන්තු මැතිවරණයට ඉදිරිපත් වෙන්න කියා තමයි මට උදව්කරන ජනතාව කියන්නේ බොහෝ ඉල්ලීම් තිබෙනවා පාර්ලිමේන්තු මැතිවරණයට ඉදිරිපත් වෙන්න කියා. තාම එයට මම තීරණයක් ගත්තේ නැහැ. නමුත් එහෙම වෙන්න පු`ඵවන්.

ඉදිරි දේශපාලන කටයුතු මාගේ පක්ෂය උතුරු නැගෙනහිර කේන්ද්‍රකරගනිමින් පවත්වන්න තමයි මම අපේක්ෂා කරන්නේ. දෙමළ මිනිස්සු ඉන්න ප‍්‍රදේශවල ඔවුන්ගේ අයිතිය ලබාදෙන්න තමයි අප හුඟාක් අපේක්ෂා කරන්නේ එම නිසා අපි උතුරු නැගෙනහිර කේන්ද්‍රකරගනිමින් තරඟ
තරඟකරන්න අපේක්ෂා කරන්නේ. 

                අපි මේ ප‍්‍රකාශකරන දේවල් දකුණේ ඉන්න මිනිස්සු කවුරුන් හෝ දේශපාලන පක්ෂයක් හෝ පිළිගත්තෝතින් කොයි අවස්ථාවේදී හෝ මා ඇතුළු  අප පක්ෂය එක්වී තරඟ කරන්න සූදානම්. තරුණ පුවත්පත් කලාවේදීන් පිරිසක් පැමිණියා මා හමුවන්න මා සමඟ සම්මුඛ සාකච්ඡාවක් සඳහා මා කියූදෙවල් ඔවුන් හොදින් අහගෙන පසුව කිව්වා ඔබතුමා ඡන්දය ඉල්ලන්න අප ඇවිත් සහයෝගය දෙන්නම් කියා සම්මුඛ සාකච්ඡාව අවසානයේ. එම නිසා සිංහල ජනතාව සමඟ කතා කොට විසඳුමක් සඳහා එක්වීම කිසිම ගැටළුවක් නොමැති බවද වැඩිදුරටත් සඳහන් කළේය.