(පාලිත ආරියවංශ)
 
ඌව වෙල්ලස්ස විශ්වවිද්‍යාලයේ සිසුන් පිරිසක නවකවදයට ලක් කළැයි සැකපිට අත්අඩංගුවට ගෙන සිටි එම විශ්වවිද්‍යාලයේ තෙවන වසරේ සිසුන් 10 දෙනා  ලබන 13 වනදා දක්වා රක්ෂිත බන්ධනාගාර ගතකිරීමට අද(12) බදුල්ල මහේස්ත්‍රාත් අධිකරණයට ඉදිරිපත් කිරීමෙන් පසු වැඩබලන මහේස්ත්‍රාත් හේමින්ද දයාංවශ මහතා නියෝග කළේය.
 
එම විශ්වවිද්‍යාලයේ සිසුන් සිව්දෙනෙකු මානසික පීඩාවට පත්වන අයුරින් නවක වදයට ලක් කර, පහරදී තුවාල කිරීම සම්බන්ධයෙන් මොවුන් ඊයේ(11) අත්අඩංගුවට ගෙන තිබිණි.
 
1998 නවක වද වනත යටතේ සැකකරුවන්ට විරුද්ධව නඩු පවරන බව බදුල්ල පොලිසිය සඳහන් කරයි.
 
මෙසේ රක්ෂිත බන්ධනාරගත කෙරුණේ, රජිත් දුෂ්මන්ත ගාල්ලගේ, ජේ.දේශාන්, එම්.ඩී. ඩබ්ලිව්  කේ.විජේසිරි, අරුණ කිත්සිරි, ධනුෂ්ක විජේවීර, දිලීප මධුවන්ත, ලක්ෂාන් රවිදු, කේ.එච්.චතුර මධුෂාන්, කේ.පී ජී අනුෂ්ක, කේ.එම්.ඩිලන්ත අනුර යන සිසුන්ය.
 
බදුල්ල පොලිසිය විමර්ශන පවත්වයි.