ඉන්දිකා රාමනායක
 
හිටපු නියෝජ්‍ය පොලිස්පති නාලක සිල්වා  මහතා ප‍්‍රධාන වශයෙන් අත්අඩංගුවට ගත්තේ  සහකාර පොලිස් අධිකාරි ප‍්‍රසන්න සිල්වා මහතා ඝාතනය කිරීමට කුමන්ත‍්‍රණය කළ බව කියන සිද්ධියක් සම්බන්ධයෙන් බව පොලිස් මාධ්‍ය ප‍්‍රකාශක පොලිස් අධිකාරි රුවන් ගුණසේකර මහතා අද (26) පැවසීය. 

ජනාධිපතිවරයා හා හිටපු ආරක්ෂක ලේකම්වරයා ඝාතනය කිරීම සඳහා හිටපු නියෝජ්‍ය පොලිස්පතිවරයා කුමන්ත‍්‍රණය කළ බවට  නාමල් කුමාර මහතා  අපරාධ පරීක්ෂණ දෙපාර්තමේන්තුවට ඉදිරිපත් කළ පැමිණිල්ලේ සඳහන් වෙතත් ඔහු  අපරාධ පරීක්ෂණ  දෙපාරමේන්තුව වෙත යොමු කළ කිසිදු හඬපටයකින් එවැන්නක්  තහවුරු වී නොමැති බවත් යම් යම් කරුණු පදනම් කරගෙන ඒ ඔස්සේ ජනාධිපතිවරයා හා හිටපු ආරක්ෂක ලේකම්වරයා ඝාතන කිරීමට තැත් කිරීමේ  කුමන්ත‍්‍රණ සිද්ධිය සම්බන්ධයෙන්  තවදුරටත්  පරීක්ෂණ පැවැත්වෙන බවත්  පොලිස් මාධ්‍ය ප‍්‍රකාශකවරයා කීවේය.

පොලිස් මාධ්‍ය ප‍්‍රකාශ පොලිස් අධිකාරි රුවන් ගුණසේකර මහතා මේ බව පැවසුවේ අද (21) පොලිස් මුලස්ථානයේ පැවති විශේෂ මාධ්‍ය හමුවකදීය.

මෙම විමර්ශන හඬපට මත පදනම් වූ විමර්ශනයක් නොවන බවත්  සහකාර පොලිස් අධිකාරි ප‍්‍රසන්න අල්විස් මහතා  ඝාතනය කිරීමට  කුමන්ත‍්‍රණය කිරීමක්  සම්බන්ධයෙන් නාමල් කුමාරගේ පැමිණිල්ලේ සඳහන් වූ බවත් ඒ ඔස්සේ  සිදුකළ පරීක්ෂණ අනුව සහකාර පොලිස් අධිකාරිවරයා ඝාතනය කිරීමට කුමන්ත‍්‍රණය කළ බවට සාධාරණ කරුණු  එකතු වීම හේතුවෙන්  අපරාධ පරීක්ෂණ දෙපාර්තමේන්තුවේ හිටපු නියෝජ්‍ය පොලිස්පති නාලක සිල්වා අත්අඩංගුවට ගත් බවත් පොලිස් මාධ්‍ය ප‍්‍රකාශවරයා කියා සිටියේය. 

ජනාධිපතිවරයා හෝ හිටපු ආරක්ෂක ලේකම්වරයා  හා සහකාර පොලිස් අධිකාරි ප‍්‍රසන්න අල්විස් යන මහත්වරුන් ඝාතනය කුමන්ත‍්‍රණයක් සම්බන්ධයෙන් නාමල් කුමාරගේ පැමිණිල්ලේ සඳහන් වුවද ඔහු ඉදිරිපත් කළ හඬපටවල  ජනාධිපතිවරයා හෝ හිටපු ආරක්ෂක ලේකම්වරයා ඝාතන කුමන්ත‍්‍රණයක කිසිදු සඳහනක් නොමැති බවද  රුවන් ගුණසේකර මහතා කියා සිටියේය. 

නාමල්  කුමාර යන අයගේ  ජංගම දුරකතනයේ තිබු හඬපටවල් කිහිපයක් ඔහු විසින් මකා දැමූ බවට කියන ප‍්‍රකාශය අනුව ඉදිරි දින කිහිපයේ එම දුරකතනය විදේශ රටකට  යවා  විශේෂඥවරයකු වෙත යොමු කර එම හඬ පටවල් නැවත ප‍්‍රතියුත්පාදනය කිරීමට බලපොරොත්තු වන බවත්  හෙතෙම සඳහන් කළේය.