(කටුනායක ටී.කේ.ජී.කපිල )

අයිස් නමින් හදුන්වන මත්ද්‍රව්‍ය තොගයක් නීතිවිරෝධී ලෙස මෙරටට ගෙන ආ ඉන්දීය ජාතික ගුවන් මගියෙකු අද (30) අලුයම කටුනායක ගුවන් තොටුපලේදී රේගු නිලධාරීන් පිරිසක් විසින් අත් අඩංගුවට ගෙන ඇති බව වැඩබලන රේගු මාධ්‍ය ප්‍රකාශක විපුල මිනුවන්පිටිය මහතා පැවසීය .

මොහු ඉන්දියාවේ තමිල්නාඩු ප්‍රාන්තයේ නාමක්කාල් ප්‍රදේශයේ පදිංචි 45 හැවිරිදි ව්‍යාපාරිකයෙකි .

ඔහු අද (30) අලුයම 1.40 ට ඉන්දියාවේ චෙන්නායි සිට පැමිණි ස්පයිසි ජෙට් ගුවන් සේවයට අයත් එස්. ජී.- 001 දරන ගුවන් යානයෙන් කටුනායක ගුවන් තොටුපළ වෙත පැමිණ තිබේ .

පසුව  ව්‍යාපාරිකයන් රැගෙන එන භාණ්ඩ සදහා බදු ගෙවා පිටතට යා හැකි " රක්ත මාවත " ඔස්සේ ගුවන් තොටුපළෙන් පිටව යමින් සිටියදී , ඔහු විසින් ගෙනැවිත් තිබූ මංගල සාරි තොගයක් අතර ඉතා සූක්ෂම ලෙස සගවා ගෙන තිබූ මෙම මත්ද්‍රව්‍ය ග්‍රෑම් 200 ක් රේගු නිලධාරීන් විසින් සොයා ගෙන අත්අඩංගුවට ගනු ලැබූ අතර , ඒවායේ වටිනාකම රුපියල් ලක්ෂ 20 ක් බව වැඩබලන රේගු මාධ්‍ය ප්‍රකාශකවරයා වැඩිදුරටත් සදහන් කළේය.

මෙම අත් අඩංගුවට ගැනීම සහ මේ පිළිබඳව වැඩිදුර විමර්ශන කටයුතු ශ්‍රී ලංකා රේගුවේ අතිරේක අධ්‍යක්ෂ ජනරාල් සමන් රණවන මහතාගේ උපදෙස් මත , කටුනායක ගුවන් තොටුපළ රේගු අධ්‍යක්ෂ එම්.ඒ.
කරුණාරත්න මහතාගේ අධීක්ෂණය යටතේ නියෝජ්‍ය රේගු අධ්‍යක්ෂවරුන් වන විපුල මිනුවන්පිටිය , එස්.පී.
කිරිවත්තුඩුව , ආර්.රුෂාන්දන් , රේගු අධිකාරීවරුන් වන එම්.අයි.එම්.ස්මායිල්, ඩී.ඩබ්ලිව්.කේ.විජේතුංග, එච්.ඊ.ඩී.
පෙරේරා, කේ.ඒ.රුද්‍රිගු , සහකාර රේගු අධිකාරීවරුන් වන අමිල බණ්ඩාර , එච්. ඒ.පී.එන්.ගුණවර්ධන , ඩබ්ලිව්.එන්.ඩී. සී.ගුණවර්ධන ,ජේ.වී.ඩී.වික්‍රමසූරිය සහ එල්.එස්.ගමගේ යන මහත්වරුන් විසින් සිදු කරමින් සිටියි.