( තිළිණි ද සිල්වා සහ රංජන් කටුගම්පොළ )
ඉදිරි මැතිවරණයේ දී පෝස්ටර් , බැනර් සහ කටවුට් ප්රදර්ශනය කිරීමෙන් සිදුවන දෘෂ්ය දූෂණයට අදාළ රෙගුලාසි වලට අනුව ක්රියාත්මක කිරීමට පොලිස්පතිවරයාට නියෝග කරන ලෙස ඉල්ලා පාරිසරික යුක්ති කේන්ද්රය ගොනු කළ රිට් පෙත්සම සම්බන්ධයෙන් කරුණු තහවුරු කිරීම ලබන 31 වැනිදා සිදු කිරීමට අභියාචනාධිකරණය අද (21) තීන්දු කළේය.
පෙත්සම සම්බන්ධයෙන් කරුණු දැක්වීමට කල් ලබා දෙන්නැයි නීතිපතිවරයා කළ ඉල්ලීමක් සළකා බලමින් අධිකරණය පෙත්සම කරුණු තහවුරු කිරීම මෙදිනට කල් තැබිණි.
ජනක් ද සිල්වා සහ නිශ්ශංක බන්දුල කරුණාරත්න යන මහත්වරුන් ගෙන් යුතු අභියාචනාධිකරණ විනිසුරු මඩුල්ල හමුවේ මෙම පෙත්සම කැඳවිණි.
පාරිසරික යුක්ති කේන්ද්රය විසින් ගොනු කර ඇති මෙම පෙත්සම අද (21) අභියාචනාධිකරණය හමුවේ කැඳවූ අවස්ථාවේදී නීතිපති වෙනුවෙන් පෙනී සිටි රජයේ නීතීඥවරයා සඳහන් කර සිටියේ මෙම පෙත්සමට අදාළව මධ්යම පරිසර අධිකාරියෙන් හා පොලිස්පතිවරයා ගෙන් උපදෙස් ලබා ගැනීමට අවශ්ය වන බවයි.
එම කරුණු දැක්වීම සැළකිල්ලට ගත් අභියාචනාධිකරණ විනිසුරු මඬුල්ල පෙත්සම කරුණු තහවුරු කර ගැනීමට සඳහා ලබන 31 වැනිදා යළි කැඳවීමට තීන්දු කළේය.
පෙත්සමෙහි වගඋත්තරකරුවන් ලෙස මධ්යම පරිසර අධිකාරිය , හිටපු පොලිස්පතිවරයකු වන ජයන්ත වික්රමරත්න සහ නීතිපතිවරයා නම් කරනු ලැබ සිටිති.
නීතීඥ රවින්ද්රනාත් දාබරේ මහතා මාර්ගයෙන් ගොනු කර ඇති පෙත්සමේ මෙසේ ද සඳහන් වේ.
2009 වසරේදී මාසයේදී පෙත්සම්කාර සංවිධානය විසින් අභියාචනාධිකරණයට රිට් පෙත්සමක් ඉදිරිපත් කර, එම පෙත්සමෙන් ඉල්ලා සිටියේ රජයේ පළාත් පාලන ආයතන සඳහා බැනර්, කටවුට් සහ පෝස්ටර් ප්රදර්ශනය කිරීම සඳහා ජාතික ප්රතිපත්තියක් සහ නිර්ණායකයක් සකස් කර නිර්දේශ කරන රිට් ආඥාවක් නිකුක් කරන ලෙයසි.
මෙම පෙත්සම විභාග වන අතරමැද , එනම් 2014 නොවැම්බර් 27 වැනිදා මෙම සැලැස්ම සකස් කර අවසන් බව මධ්යම පරිසර අධිකාරිය අධිකරණයට දැනුම් දුන්නේය. ඒ අනුව පෙත්සම් විභාගය අවසන් විය.
නමුත් අවිධිමත් ලෙස පෝස්ටර් , බැනර් සහ කටවුට් ප්රදර්ශණය මඟින් සිදුවන දෘශ්ය දූෂණය වැළැක්වීමට මධ්යම පරිසර අධිකාරිය මෙතෙක් පියවර ගෙන නොමැත.
ඉදිරියේ දී පැවැත්වෙන මැතිවරණය හේතුවෙන් මෙම රෙගුලාසි ක්රියාත්මක කිරීම අත්යවශ්ය වේ. එසේ නොවුණහොත් ප්රධාන නගර මෙම පෝස්ටර්, බැනර් සහ කටවුට් වලන් වැසී පරිසරය දූෂණය වීමත් , ඒ හේතුවෙන් ඒවා ඉවත් කිරීමට ප්රාදේශීය සභා සහ නගර සභාවන්ට මහජන මුදල් වැය කිරීමට සිදුවේ.
එබැවින් වගඋත්තරකරුවන්ට නොතීසි නිකුත් කරන ලෙසද , දෘශ්ය දූෂණය සම්බන්ධයෙන් රෙගුලාසි ක්රියාත්මක කිරීමට වගඋත්තරකරුවන්ට නියෝග කරන ලෙසද පෙත්සම්කාර සංවිධානය සිය පෙත්සමෙන් ඉල්ලා ඇත.
මෙරට දේශපාලනයේ පෙරළිකාරීයකු මෙන්ම මානවහිතවාදීයකුගේ යුගය නිමාවට පත් කරමින් හිටපු නියෝජ්ය අමාත්ය පාලිත තෙවරප්පෙරුම මහතා මළහිරුබැස යන් සන්ධ්යාවේ
බස්නාහිර.සබරගමුව,වයඹ,ඌව සහ මධ්යම පළාත්වලත් අනුරාධපුර, වවුනියාව, මන්නාරම, ගාල්ල සහ මාතර දිස්ත්රික්කවලත් පස්වරු 2.00 පමණ පසු වැසි හෝ ගිගුරුම් සහිත වැසි ඇ
පිරිසුදු හාහරිත ශ්රී ලංකාවක් නිර්මාණය කිරීමේ අරමුණ පෙරදැරි ව ක්රියාත්මක වන,මෙරට කාර්මික අපද්රව්ය කළමනාකරණයේ පුරෝගාමියා ලෙස හැඳින්විය හැකි INSEE Ecocyc
අයිස් සහ හෙරොයින් මත්ද්රව්ය තොගයක් සමඟ නාවික හමුදා ලුතිනන් කමාන්ඩර්වරු දෙදෙනෙකු ඇතුළු සිව්දෙනෙකු මුල්ලේරියාව පොලිසිය විසින් අද (19) රාත්රීයේදී අත
ජාතික ආපදා සහන සේවා මධ්යස්ථානය දිස්ත්රික් ලේකම් කාර්යාලවලට රුපියල් කෝටි තිස්තුනක වියදමින් බෙදා දුන් ට්රැක්ටර් බවුසර් 191කින් 5ක් දිස්ත්රික් ලේ
පලස්තීනයට එක්සත් ජාතීන්ගේ කවුන්සිලයේ නිත්ය සාමාජිකත්වය ලබා දීම සඳහා සාමාජිකයන් විශාල පිරිසකගේ එකඟත්වයෙන් එක්සත් ජාතීන්ගේ සංවිධානය ආරක්ෂක කවුන්ස
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
දෘශ්ය දූෂණයට එරෙහිව පෙත්සමක්
Thilanka Siriwardana Monday, 21 October 2019 11:14 AM
ඉතාම හොඳ පියවරක්...
Deepal Nirosh Tuesday, 22 October 2019 05:46 AM
ඉතාම නිවැරදි කාලෝචිත පියවරක්, අපේක්ෂිත තීන්දුව ලද හොත් ඉදිරි සෑම මැතිවරණයක්ම ආවරණය වන පරිදි සංස්ථාපනය කළ යුතුයි.
Raveendra Tuesday, 22 October 2019 07:18 AM
ඇත්තෙන්ම අගනා තීරණයක් . මෙය සෑම බලු පොරයකටම ක්රියාත්ම කිරීමට හැකි නම් පුරවැසියන්ට එමගින් මහත් සහනයක් ලැබෙනු ඇත. මක්නිසාදයත් මේ බලුපොරවලට එන අයගේ මුණු දකිනවිට අහිංසක මිනිසුන්ගේ රුධිර පීඩනය අදික වෙනු නියත බැවිනි. එතරමටම දේශපාලුවන් කෙරෙහි මිනිසුන් තුල ඇත්තේ ඉතාම ප්රසන්න, සුන්දර හැගීම් මාලාවකි.