( විනීතා එම් ගමගේ)
දේශපාලන බල අරගලයට ආණ්ඩුවේ ස්වාධීන නිලධාරින් සම්බන්ධ කර නොගන්නැයි පාඨලී චම්පික රණවක මහතාගෙන් හා එක්සත් ජාතික පක්ෂයෙන් ඉල්ලීමක් කරන බව පිවිතුරු හෙළ උරුමය නායක, බුද්ධ ශාසන හා ආගමික කටයුතු අමාත්ය උදය ගම්මන්පිල මහතා ප්රකාශ කළේය.
වැය ශීර්ෂ අනුව මුදල් වියදම් කිරීම පිළිබඳව අමාත්යංශ ලේකම්වරුන්ට දඬුවම් කරන බවට තර්ජනය කරන බවත් ලේකම්වරුන් සාතිශය බහුතරය ආණ්ඩුවේ නිලධාරින්, පරිපාලන සේවයේ සැලසුම් සේවයේ ජ්යෙෂ්ඨතම නිලධාරින් මිස දේශපාලන පත්වීම් නොවන බවත් එක්සත් ජාතික පක්ෂය වටහා ගත යුතු යැයි පැවසූ ගම්මන්පිල මහතා එජාප ආණ්ඩු යටතේත් වැඩ කළ නිලධාරින් වන ඔවුන් තම ආණ්ඩුව සමගත් වැඩ කරන බවත් අනාගතයේ එන ආණ්ඩු සමගත් වැඩ කරනවා මිස ඔවුන්ට දේශපාලනයක් නැතැයි වටහා ගතයුතු බව ද කියා සිටියේය.
අමාත්යාංශ ලේකම්වරුන් වියදම් කරන්නේ 2017 අංක 30 දරණ විසර්ජන පනතෙන් ඒ ඒ අමාත්යාංශයට මුදල් වෙන් කර දී ඇති බැවින් යැයි ද, එම මුදල් අත්හිටුවිමට හෝ කපා හැරීමට අවශ්ය නම් පනතට සංශෝධනයක් ගෙන ආ යුතු බවත් වටහා ගත යුතු යැයි ද හෙතෙම පැවසීය.
නොදන්නාකමට නීතිමය වලංගු භාවයක් නැති යෝජනාවක් සම්මත කර නීතිය දන්නා නිලධාරින් ඒ අනුව කටයුතු නොකලාම ඔවුන්ට තර්ජනය කරන එක හරි දැයි ගම්මන්පිල මහතා ප්රශ්න කළේය.
එක්නැලිගොඩ වගේ අතුරුදහන් කරනවා නොකියා සුකීට මෙන් කරන්ට් අල්ලනවා නොකියා සංදීප්ට වගේ හප්පලා සදාකාලික ආබාධිත කරනවා නොකියා මාරසිංහට වගේ මැර ප්රහාර එල්ල කරනවා නොකියා පාර්ලිමේන්තුවේ දී දඬුවම් කරනවා කියපු එක ගැන තමන් සතුටු වන්නේ යැයි කී පිවිතුරු හෙළ උරුමය නායකයා මේ තර්ජනය කරන්නේ ආණ්ඩුවේ ඉහළම නිලධාරින්ට බව අමතක නොකළ යුතු යැයි සඳහන් කළේය.
ආණ්ඩුක්රම ව්යවස්ථාවේ 152 වගන්තිය අනුව මුදල් සම්බන්ධ යෝජනාවක් ගෙන ආ හැක්කේ ඇමතිවරුන්ට පමණක් යැයි පැවසූ ගම්මන්පිල මහතා එකී යෝජනාව පාර්ලිමේන්තුවට ඉදිරිපත් කළ යුත්තේ ඇමති මණ්ඩලයේ අනුමැතිය ලබා ගත්තාට පසුව යැයි ද විරුද්ධ පක්ෂයේ වාඩි වී මුදල් සම්බන්ධ යෝජනාවක් ගෙන එන්නට නොහැකි යැයි ද කියා සිටියේය.
රනිල් වික්රමසිංහ මහතාට විශ්වාසය පල කරමිනස් අද යෝජනාවක් සම්මත කරන්නට නියමිත බවත් ඒ යෝජනාව සම්මත කළාට පසු ඊට සහය පල කළ මන්ත්රිවරුන් ශ්රේෂ්ඨාධිකරණයේ මූලික අයිතිවාසිකම් නඩු ගොනු කිරීමටත් නියමිත බවත් එජාප අභ්යන්තර ආරංචි මාර්ග අනුව සැල වන බව පැවසූ ගම්මන්පිල මහතා නඩුවෙන් ඉල්ලා සිටින්නේ රනිල් වික්රමසිංහ මහතා අගමැති ධූරයට පත් කරන මෙන් උසාවි නියෝගයක් ලබා දෙන ලෙස යැයි ද එම ආරංචිවල සඳහන් වන්නේ යැයි ද කියා සිටියේය.
උසාවිය එහෙම නියෝගයක් ලබා දෙන්න අගමැති ධූරයේ පුරප්පාඩුවක් තිබිය යුතු බව පෙන්වා දුන් උදය ගම්මන්පිල මහතා දැනට අගමැති තනතුරේ මහින්ද රාජපක්ෂ මැතිතුමා සිටින බවත් අභියාචනාධිකරණය ප්රකාශ කර තිබෙන්නේ මහින්ද රාජපක්ෂ මැතිතුමා අගමැති ලෙස කටයුතු කිරීම වලක්වන බව පමණක් යැයි ද කියා සිටියේය.
එසේ නැතිව රාජපක්ෂ මහතා අගමැති ධූරයෙන් ඉවත් කර නැතැයි ද තනතුර අහිමි වුණු බවට හෝ ප්රකාශ කර නැතැයි ද කී පිවිතුරු හෙළ උරුමය නායකයා එසේ කළ හැක්කේ නඩුව අසා අවසන් වීමෙන් පසුව පමණක් යැයි ද පැවසීය.
මත්තල රාජපක්ෂ ජාත්යන්තර ගුවන් තොටුපළින් විදේශ රැකියා සදහා පිටව යන ශ්රී ලාංකිකයන්ට ඉදිරියේ දී වට්ටම් ලබා දීමට රජය සුදානම් යැයි සංචාරක අමාත්ය ප්ර
පක්ෂයේ සංවිධාන ජාලය සහ ශාඛා සමිති ශක්තිමත් කරගැනීමේ දීප ව්යාප්ත වැඩපිළිවෙළක් මේ සති අන්තයේ සිට ආරම්භ කිරීමට සමගි ජනබලවේගය තීරණය කර තිබේ.
තම අභිමතාර්ථ ඉටුකරගැනීම වෙනුවෙන් පැය 24 ක් තුළ ව්යවස්ථා කෙටුම්පතක් ඉදිරිපත් කර ඇති ආණ්ඩුවට ජනතා අවශ්යතා වෙනුවෙන් මාස දහයක් තුළ කිසිවක් ඉටුකර ගැනීමට
විධායක ජනාධිපති ධූරයේ බලතල සීමාකර ප්රජාතන්ත්රවාදයත් පාර්ලිමේන්තුවත් ශක්තිමත් කිරීමට 19 වන සංශෝධනයට අත එස වූ පිරිස පාර්ලිමේන්තුවත් ප්රජාතන්ත්රව
තුනෙන් දෙකේ බලය පාවිච්චි කර ජනතාවගේ යහපත් අපේක්ෂාවන් ඉටු කරනවා වෙනුවට වර්තමාන ආණ්ඩුව පළවෙනි කැබිනට් මණ්ඩලයේ දීම 19 වන ව්යවස්ථා සංශෝධනය විසිකර දමා ජනත
සෞදි අරාබියේ වසර 30කට ආසන්න කාලයක් සේවය කරමින් සිටියදී මීට මාස දෙකකට පමණ පෙරදී රෝගාතුරවී සිහිසුන් තත්ත්වයෙන් එරට පෞද්ගලික රෝහලක ප්රතිකාර ලබමින් සිටි
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
‘ දේශපාලන බල අරගලයට ආණ්ඩුවේ ස්වාධීන නිලධාරීන් සම්බන්ධ කර ගන්න එපා ‘