දකුණු ආසියාවේ ක්රියාත්මක අල් කයිඩා ජාලයේ නායක අසීම් ඕමාර් මරා දැමීමට හැකිවුණු බව ඇෆ්ගන් රජය කියයි.
ඇෆ්ගන් ජනාධිපති අෂරෆ් ඝානී වෙනුවෙන් ඔහුගේ ප්රකාශකයකු මාධ්ය හමුවේ අනාවරණය කළේ අසීම් ඕමාර් ඝාතනය සිදුවී ඇත්තේ පසුගිය සැප්තැම්බර් 23 වැනිදා දකුණු ඇෆ්ගනිස්තානයේ හෙල්මන්ද් ප්රාන්තයේ මූසා කාලා දිස්ත්රික්කයේ කළ වැටලීමකදී බවය.
ඇෆ්ගන් ආරක්ෂක අංශ සහ ඇමෙරිකා බුද්ධි අංශ ඕමාර් ගැන විමසිල්ලෙන් පසුවුණු බවත්, ඔහු ඇතුළු අල් කයිඩා සාමාජිකයන් තලේබාන් තිප්පොලට පැමිණි අවස්ථාවේදී වැටලීම සිදු කළ බවත් වාර්තා වේ.
එම වැටලීම කර ඇත්තේ ඇෆ්ගන් සහ ඇමෙරිකන් සොල්දාදුවන්ගේ එකමුතුවෙනි. වැටලීම සඳහා ඇමෙරිකන් සී.අයි.ඒ. බුද්ධි අංශයේත් ඇෆ්ගන් රාජ්ය බුද්ධි අංශයේත් බුද්ධි තොරතුරු ලැබී ඇති බව ද පැවසෙයි.
ඇෆ්ගන් තලේබාන් සංවිධානයට අල් කයිඩා ත්රස්ත සංවිධානයේ සහාය හිමිවෙයි. ඇෆ්ගන් සහ ඇමෙරිකන් සොල්දාදුවන් වටලා පහර දුන් නිවස තලේබාන් තිප්පොලකි.
තලේබාන් තිප්පොලට නුදුරින් මංගල උත්සවයක් ද පැවැත්විණි. හමුදා සොල්දාදුවන් කළ ප්රහාරයෙන් මංගල උත්සවයට සහභාගී වූ ඇෆ්ගන් සිවිල් වැසියෝ 40 දෙනෙක් ජීවිතක්ෂයට පත්වූහ. මියගිය 40 දෙනාගෙන් වැඩිදෙනා කාන්තාවන් සහ කුඩා දරුවන් බව ද පැවැසෙයි.
හමුදා සිදුකළ මෙහෙයුමේදී අල් කයිඩා නායකයාට අමතරව අල් කයිඩා සාමාජිකයන් 6 දෙනකු ද තලේබාන් සාමාජිකයන් 22 දෙනකු ද ඝාතනයට ලක්වී ඇත. වැටලීමේදී 14 දෙනකු අත්අඩංගුවට ගැනීමට ද ආරක්ෂක අංශ සමත් විය. එසේ අත්අඩංගුවට ගත් පිරිස අතර පාකිස්තාන ජාතිකයන් පස් දෙනකු සහ බංග්ලාදේශ ජාතිකයකු සිටින බව ද ඇෆ්ගන් ආරක්ෂක අංශ පවසා තිබේ.
අල් කයිඩා නායක අසීම් ඕමාර් ඝාතන මෙහෙයුමේදී සිවිල් වැසියන් මියයෑම සම්බන්ධයෙන් තමා දැඩි කම්පනයට පත්වුණැයි ඇෆ්ගන් ජනාධිපති පවසා තිබේ.
ත්රස්තවාදීන්ට එරෙහි සටනේදී හැකි සෑම අවස්ථාවකදීම සිවිල් වැසියන්ගේ ආරක්ෂාව තහවුරු කළ යුතු යැයි ඇෆ්ගන් ජනාධිපතිවරයා ඇෆ්ගන් සහ ඇමෙරිකන් හමුදාවලට පවසා ඇත. ඉන්දීය උප මහද්වීපය කේන්ද්රකොට ගනිමින් ක්රියාත්මක අල් කයිඩා ජාලය මෙහෙයවීම කළේ අසීම් ඕමාර්ය. ඇෆ්ගන් සහ ඇමෙරිකන් හමුදා එක් වී පහර දුන් තලේබාන් තිප්පොලේ මරාගෙන මැරෙන බෝම්බකරුවන් පුහුණුව ලබා ඇති බව සිදුකළ පරීක්ෂණවලින් වැඩිදුරටත් තහවුරු වී ඇතැයි ද පැවැසෙයි.
(ඒ.එෆ්.පී.)
050
මින්නේරිය විදුලිබල මණ්ඩලය ආසන්නයේ අද රාත්රියේ පුද්ගලයන් තිදෙනකු අතර ඇති වූ ගැටුමක් දුරදිග යාමෙන් තියුණු ආයුධ පහරකින් එක්දරු පියකු ජීවිතක්ෂයට පත්ව
ජනාධිපතිවරණ උණුසුම දිනෙන් දින වැඩිවෙමින් පවතිද්දී එම මැතිවරණය සඳහා ඉදිරිපත්වීමට තීරණය කර ඇති අපේක්ෂකයන් සංඛ්යාවද 7 ක් දක්වා ඉහළ ගොස් ඇත.
දුම්රිය සාමාන්යාධිකාරිවරයාගේ මරණය සම්බන්ධයෙන් සාධාරණ සැකයක් පවතින බැවින් හදිසි මරණ පරීක්ෂණයක් පමණක් පවත්වා අවසන් කිරීම ප්රමාණවත් නැතැයි අනුරා
ජාතික ජන බලවේගය සහ සමගි ජන බලවේගය අතර පැවැත්වීමට නියමිත විවාදය නීති විද්යාලයේ පැවැත්වීමට සිය සංගමය, පක්ෂ දෙකේ නායකයන්ට යෝජනා කර ඇති බව ශ්රී ලංකා නීත
අධ්යාපනය දේශපාලන පාපන්දුවක් බවට පත් කර ගතහොත් අවසානයේ පරාජයට පත් වන්නේ රට බැවින් පෞද්ගලික මත පසෙකලා සියලු දෙනා එක්ව සාකච්ඡා කර රටට ඔබින හොඳම අධ්යාප
උමාඔය භූගත විදුලි බලාගාරයේ විදුලි ජනන යන්ත්ර දෙක එහි ඉදිකිරීම් ක්රියාත්මක වන කාලයේ සේවය කළ සුළු සේවිකාවන් දෙදෙනකුගේ සේවය ඇගයීම වෙනුවෙන් ‘දසුනි’ සහ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
දකුණු ආසියානු අල් කයිඩා ත්රස්ත නායකයා මරා දැමේ
sunil Wednesday, 09 October 2019 08:31 AM
සජිත් මහතාට අද්යාපන සුදුසු කම් නැහැ . ආණ්ඩුවේ සිට ඇති දේශපාලන පළපුරුද්දත් අවුරුදු 7යි . වෙනත් රැකියාවක් වත් කරලත් නැහැ . ඒත් නායකතුමා එකඟවූ පසු පොල්පිත්තකටක් වෙනුවෙන් වුවත් වැඩ කිරීමට අපි පාක්ෂිකයෝ ලෙස කටයුතු කරනවා. ඒක තමයි පක්ෂයේ හයිය
DILUM Wednesday, 09 October 2019 10:33 AM
කෝ අර එක්සත් ජාතින්.. ඇමරිකාව මරද්දී හොඳයි. ඒවා තලගොයි මස්...
Asanka Wednesday, 09 October 2019 12:31 PM
ලොකු දෙයක්... ජයවේවා ලොවටම හිසරදයක් මේ කාලකන්නි... දෙව්ලොව කන්යාවෝ 72ක් ලබාගන්න අහිංසකයන් මරණ අමනයන්..