(විනීතා එම් ගමගේ)
එක්සත් ජාතික පක්ෂයේ දේශපාලන ගමන ඉදිරි මහ මැතිවරණයෙන් අවසන් වන බව දන්නා නිසා රජය පවත්වාගෙන යෑම සඳහා හැම තැනකින්ම ආණ්ඩුව ණය ගන්නේ යැයි ලංකා සම සමාජ පක්ෂයේ නායක මහාචාර්ය තිස්ස විතාරණ මහතා ප්රකාශ කළේය.
ආණ්ඩුව ජාත්යන්තර මුල්ය අරමුදලෙන් ලබා ගන්නට තැත් කළ ඩොලර් මිලියන 280 ක ණය මුදල ඔක්තෝබර් 26 වැනිදා මහින්ද රාජපක්ෂ මහතා අගමැති තනතුරට පත්වූ වහාම නවත්වා දැමූ නමුත් වත්මන් රජය යළිත් එය ලබාගැනීමට කටයුතු කර ඇතැයි ද විතාරණ මහතා පැවසීය.
සහශ්ර අරමුදලෙන් ඩොලර් මිලියන 400 ක් ද ජයිකා අරමුදලින් තවත් ණයක් ද ඉල්ලා ඇතැයි හෙළි වූ බව ද මහාචාර්යවරයා කීය.
අනාගත පරම්පරා ගණනාවක් ණය කරුවන් කරමින් රටට අවශ්ය මුදල් සොයන්නට මේ ආණ්ඩුව කටයුතු කරන්නේ ඔවුන් ඒවා ගෙවීමට බලයේ නොසිටින බව දන්නා නිසා යැයි ද හෙතෙම කියා සිටියේය.
ඔක්තෝබර් 26 වැනිදා කුමන්ත්රණයක් සිදු වූයේ යැයි කියතත් කුමන්ත්රණය ආරම්භ වූයේ එදා නොව 2016 සිට යැයි පෙන්වා දුන් විතාරණ මහතා ඇමරිකාව ද ඊට එකතුවී සිටියේ යැයි ද කීය.
නව ලිබරල්වාදී පාලනය අවසන් කරමින් අපේ කම රැකෙන දේශීය වැඩ පිළිවෙළකට යායුතු යැයි ද එවැනි වැඩ පිළිවෙලක් එජාපයෙන් බලාපොරොත්තු විය නොහැකි යැයි ද හෙතෙම කියා සිටියේය.
මහාචාර්ය තිස්ස විතාරණ මහතා මේ අදහස් පළ කළේ බොරැල්ල ඇන් ඇම් පෙරේරා මධ්යස්ථානයේ අද (24) පැවති සමාජවාදී ජනතා පෙරමුණේ මාධ්ය හමුවක් අමතමිනි.
එම මාධ්ය හමුව ඇමතූ සමාජවාදී ජනතා පෙරමුණේ ප්රධාන ලේකම් රාජා කොල්ලුරේ මහතා පැවැසූයේ ආණ්ඩුවේ සියලු යෝජනා ක්රම එක්සත් ජාතික පක්ෂයේ පාක්ෂිකයන් වෙනුවෙන් පමණක් ක්රියාත්මක කරන බවය. බොහෝ එවැනි යෝජනාවන් තම පාක්ෂිකයන්ට පමණක් බව ඔවුන් ප්රසිද්ධියේ කියා ඇතැයි ද හෙතෙම සඳහන් කළේය.
ගම්පෙරළිය තම පාක්ෂිකයන් වෙනුවෙන් බව සඳහන් කර ඇතැයි ද රාජිත සේනාරත්න අමාත්යවරයා සෑම ඡන්ද කොට්ඨාසයකටම එජාප සාමාජිකයින්ට රැකියා දහසක් දෙන බව කියා ඇතැයි ද කොල්ලුරේ මහතා පැවැසීය.
විශේෂයෙන්ම රජය සංවර්ධන කටයුතු නොකරන බව පවසා ඇතැයි පෙන්වා දුන් ඒ මහතා ජනතාවට ලැබෙන්නේ සංවර්ධනයේ ප්රතිඵල යැයි ද ආණ්ඩුව හදන්නේ සංවර්ධනය නොකර ආණ්ඩුවේ මුදලින් පාක්ෂිකයන්ට ප්රතිලාභ ලබාදී නිහඬවන්නට යැයි ද සඳහන් කළේය.
ප්රතිලාභ ලබාදීම සඳහා වන ලැයිස්තු යවන්නේ රාජ්ය ආයතනයක් වෙත නොව සිරිකොත වෙත වීම මේ පිළිබඳව ඇති හොඳම සාක්ෂි යැයි කොල්ලුරේ මහතා පැවසීය.
චිත්රපටයක් නිෂ්පාදනය කිරීමට බව පවසා පුද්ගලයකුගෙන් රුපියල් ලක්ෂ 10 ක් ලබාගෙන නියමිත දිනට ලබානොදී විශ්වාසය කඩකිරීමේ සිද්ධියක් සම්බන්ධයෙන් ප්රවීණ උස
2024 වසරේ ගතවූ කාලය මාස හතරක කාලයේ විදේශ රැකියා සම්බන්ධ පැමිණිලි 1371ක් ලැබී ඇතැයි විදේශ සේවා නියුක්ති කාර්යාංශයේ විශේෂ විමර්ශන අංශය පවසයි.
පාස්කු ප්රහාරය සිදුවූ දිනයේ ම ශ්රී ලංකාවේ ඊළඟ මැතිවරණ ප්රතිඵලය ලියැවුණු හෙයින් එය දේශපාලනයෙන් තොර ප්රහාරයක් ලෙස කිසිසේත් ම හැඳින්විය නොහැකි යැය
අපරාධකරුවන් මේ රටින් තුරන් කිරීම පවක් නොවෙයි .අතේ තියෙන වෙපන් එක හරි දේට පාවිච්චි කරන්න බය වෙන්න එපා යයි මහජන ආරක්ෂක අමාත්ය ටිරාන් අලස් මහතා අද පැවසීය.
අධ්යායන පොදු සහතික පත්ර(සාමාන්ය පෙළ) විභාගය සඳහා පැවැත්වූ සියලුම උපකාර පන්ති මේ මස 30 වැනිදා මධ්යම රාත්රීයේ සිට අත්හිටුවන බව විභාග දෙපාර්තමේන්තු
සමගි ජන බලවේග ආණ්ඩුවක් යටතේ පාස්කු ප්රහාර පරීක්ෂණ ගෙඩිය පිටින් ජාත්යන්තරයට ලබාදීමට සූදානම් නැතැයි විපක්ෂයේ ප්රධාන සංවිධායක ලක්ෂ්මන් කිරිඇල්ල ම
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
තිස්ස විතාරණ ආණ්ඩුව ගැන කියයි