(හිරාන් ප්රියංකර ජයසිංහ)
හිසට එල්ලවු බරපතල පහරක් හේතුවෙන් තුවාල ලබා සිටි බටු කැස්බෑවකුට ප්රතිකාර කර නැවත මුහුදට මුදා හැරීමට කටයුතු කළ බව වනජීවි නිලධාරීහු කියති.
දින කිහිපයකට පෙර මෙම දැවැන්ත බටු කැස්බෑවා මහ සයුරේදි කිසිවකුගේ පහර කෑමකට ලක්ව කන්දකුලිය වෙරළ තීරයේ සිටියදි නාවික හමුදාව විසින් කන්දකුලිය වනජීවි නිලධාරින්ට බාර දී තිබුණි.
මෙම කැස්බෑවාගේ ජීවිතය බේරාගැනීමට වනජීවි පශු වෛද්ය ඉසුරු කොට්ටේගොඩ මහතා සමග කන්දකුලිය වනජීවි කාර්යාලයේ අඩවි ආරක්ෂක මංජුල මොරතැන්න මහතා ඇතුළු වන ජීවි නිලධාරීහු පැය 4 කට අධික කාලයක් සැත්කමක් කර හිසේ තුවාල වූ කටුව සැකසූහ. ප්රතිකාරවලින් පසුව කැස්බෑවාව යලි මුහුදට මුදා හැර තිබේ.
වනජීවි නිලධාරින් පවසන්නේ මුහුදු රැකියාවේ නිරත ධීවරයින් විසින් කැස්බෑවන් මරා දැමීම හේතුවෙන් කැස්බෑවන් අනතුරට ලක්වී ඇති බවය. ඇතැම් ධීවරයින් මහ සයුරේදී කැස්බෑවන් දඩයම් කිරීම සඳහා දියමත පිහිනා යන කැස්බෑවන්ගේ හිසට පහර දී මරා දමන බවට වාර්තා වන බව වනජීවි නිලධාරීහු පවසති. කල්පිටිය වනජීවි අඩවි ආරක්ෂක මංජුල මොරතැන්න මහතා පවසා සිටියේ මේනිසා කැස්බෑවන් අනාරක්ෂිත සතුන් කොටසක් බවට පත්ව ඇති බවයි.
කෙසේ නමුත් නාවික හමුදාව නිරන්තරයෙන් සිදුකරන සෝදිසි මෙහෙයුම් හා වනජීවි නිලධාරින්ද මුහුදු සීමාවන්වල කරනු ලබන සෝදිසි හේතුවෙන් කැස්බෑවන් මරා දමන ඇතැම් ධීවරයින්ට වැට බැඳ ඇත.
ඒ කෙසේ වෙතත් පසුගිය කාලසීමාවලදී මෙලෙස පහර දී මරා දැමීමට සූදානම් වූ කැස්බෑවන් රැසකගේ ජීවිත බේරා නිසි ප්රතිකාරවලින් පසුව මහ සයුරට මුදා හැරීමට වනජීවි නිලධාරින් කටයුතු කර තිබිණි.
ඉදිකිරීම් ක්ෂේත්රයේ භාණ්ඩ සඳහා මිල සූත්රයක් හඳුන්වාදීමට වෙළඳ අමාත්යාංශය තීරණය කර ඇත
ඇමෙරිකානු හිටපු ජනාධිපති ඩොනල්ඩ් ට්රම්ප්ට එරෙහිව විභාගවන අපරාධ නඩුව කැඳවන නිව් යෝර්ක් අධිකරණ සංකීර්ණය ඉදිරිපිට දමා තිබෙන මාර්ග බාධකයේදී පුද්ගලයෙක
ඊශ්රායලය විසින් ඉරානයට එල්ල කෙරුණු ප්රහාරය සමඟ ඉදිරියටද ගැටුම්කාරී තත්වය තවදුරටත් වර්ධනය වුවහොත් එරට සමග සෘජුව සහ වක්රව ගනුදෙනු කරන ශ්රී ලංකා
ඇතැම් දේශපාලන පක්ෂවල බලපෑම් ඇතුළු විවිධ බලපෑම් හේතුවෙන් උමා ඔය ව්යාපෘතිය ජනතා අයිතියට පත්කිරීම ප්රමාද වීමෙන් මෙරටට වසරකට රුපියල් කෝටි 900 ක පාඩුවක්
රජයේ රෝහල්වල විශේෂඥ වෛද්යවරුන් 350 දෙනකු මෑත භාගයේදී රට හැර ගොස් ඇතැයි සෞඛ්ය අමාත්යාංශයේ විශේෂඥ වෛද්යවරුන් කණ්ඩායමක් කළ අධ්යයනයකදී හෙළිවී ඇත.
මෙරට දේශපාලනයේ පෙරළිකාරීයකු මෙන්ම මානවහිතවාදීයකුගේ යුගය නිමාවට පත් කරමින් හිටපු නියෝජ්ය අමාත්ය පාලිත තෙවරප්පෙරුම මහතා මළහිරුබැස යන් සන්ධ්යාවේ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
තුවාල වූ බටු කැස්බෑවාට ප්රතිකාර කර මුහුදට මුදා හරී
banda Tuesday, 23 February 2021 09:17 AM
පව්, අහිංසක සතුන්ට ජීවත් වෙන්න ඉඩ දෙන්න. මේ ලෝකයේ ජීවත් වීමට මිනිසාට මෙන්ම සතුන්ටද අයිතියක් ඇත.
Raveendra Tuesday, 23 February 2021 10:45 AM
මෙම සද්ක්රියාවට සහභාගි වූ සැමට යහපතක්ම වේවා..!!!
සමිත සේනක අලුත්ගමගේ. Tuesday, 23 February 2021 01:04 PM
මේ අහිංසක සතාගේ තුවාලයට ප්රතිකාර කොට දිවි බේරාදී නැවත මුහුදට දැමූ සැමට අපගේ ප්රණාමය ... !!! ඒ වගේම මේ සතුන් මරාදැමීමට කටයුතු කරන නරුමයන්ට විරුද්ධව තදින් ක්රියාකළ යුතුයි.