(කේ බුද්ධික කුමාරසිරි)
ගොඩගම - බොරැල්ල මාර්ගයේ පනාගොඩ මංසන්ධියේදී අධික වේගයෙන් පැමිණි ටිපර් රථයක් මාර්ගය අසල නවතා තිබූ යතුරුපැදියක ගැටී අද (15) සිදුවූ අනතුරකින් යතුරු පැදියේ පැමිණි කාන්තාව එම ස්ථානයේදීම මියගොස් ඇතැයි අතුරුගිරිය පොලිසිය පැවසීය.
අනතුරින් මියගොස් ඇත්තේ දැඩිගම වැලිකඩයාවත්ත ප්රදේශයේ පදිංචිව සිටි අශෝකා රත්නමාලි නමැති 36 හැවිරිදි දෙදරු මවකි.
යතුරුපැදියේ පැමිණි සය හැවිරිදි කුඩා දරුවෙකු තුවාල ලබා හෝමාගම මූලික රෝහලට ඇතුළත් කළ බව පොලිසිය කියයි.
අනතුරින් මිය ගිය කාන්තාව තම දරුවා යතුරුපැදියෙන් පෞද්ගලික පන්තියකට ඇරලවීම සඳහා යන අතරතුර දරුවාට දහවල් ආහාරය සඳහා යමක් මිලදී ගැනීමට පනාගොඩ මංසන්ධියේ වෙළඳසැලක් අසළ යතුරුපැදිය නවත්වා ඇත. ඇය එයින් බිමට බසිනවාත් සමඟ වේගයෙන් පැමිණි ටිපර් රථයේ ගැටී ඇති බව මූලික විමර්ශනයේදී අනාවරණය වූ බව පොලිසිය පැවසීය.
අනතුර කළ ටිපර් රථය ගොඩගම සිට අතුරුගිරිය දෙසට ධාවනය කරමින් සිට ඇති බවත් පනාගොඩ මංසන්ධියේදී වෙනත් වාහනයකට වම්පසින් ඉස්සර කිරීමට යාමේදී මෙම අනතුර සිදුව ඇති බවත් පොලිසිය කියයි.
ටිපර් රථ රියදුරු රථය දමා පලාගොස් ඇති අතර සැකකරු අත්අඩංගුවට ගැනීම සඳහා පරීක්ෂණ ආරම්භ කර ඇති බව පොලිසිය පැවසීය.
අනුරාධපුර බන්ධනාගාරයේ එළිමහන් සිර කඳවුරෙ රඳවා සිටි සිරකරුවන් දෙදෙනෙකු ඊයේ (29) දහවල් පලා ගොස් ඇති බව වාර්තාවේ.
රාජ්ය අමාත්යවරයකුගේ පෞද්ගලික ලේකම්වරියකට, පොදුජන පෙරමුණේ පාර්ලිමේන්තු මන්ත්රීවරයකු දුරකථනයෙන් තර්ජනය කල බව පවසමින් එම ලේකම්වරිය අද (29) පැමිණිල්ල
මහජන සෞඛ්ය පරීක්ෂකවරුන්ගේ සංගමයේ භාණ්ඩාගාරික සහ කරන්දෙණිය මහජන සෞඛ්ය පරීක්ෂක දිලීප රොෂාන් කුමාර මහතාගේ ඝාතනය සම්බන්ධ පරීක්ෂණ අපරාධ පරීක්ෂණ දෙපාර
නීති විරෝධී වත්කම් විමර්ශන කොට්ඨාසය ලක්ෂ 1,103 ක් හෙවත් රුපියල් කෝටි 11 කට අධික වටිනාකමකින් යුත් වාහන සහ දේපල රැසක් තහනම් කර ඇති බව මහජන ආරක්ෂක අමාත්යංශය
සිරුරින් බද්ධ වුණු, ඇබී සහ බ්රිට්නි නමැති ඇමෙරිකන් නිවුන් සොහොයුරියන් දෙදෙනා මවු පදවියට සූදානම් බව විදෙස් මාධ්ය පවසයි. මෙම සොහොයුරියන් දෙදෙනාට හිස
දේශීය ගොවීන් සහ දේශීය නිෂ්පාදකයන් ආරක්ෂා කිරීම සඳහා ක්රියාත්මක කෙරුණු විශේෂ වෙළෙඳ භාණ්ඩ බද්ද ලබන ජනවාරි මාසයේ සිට අහෝසි කෙරෙන බව මුදල් රාජ්ය අමාත්
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
දශක 6කට අධික ඉතිහාසයකට උරුමකම් කියන ශ්රී ලංකාවේ පුරෝගාමී රක්ෂණ සමාගම වන ශ්රී ලංකා ඉන්ෂුවරන්ස් සිය ජීවිත හා සාමාන්ය රක්ෂණ ව්යාපාර නීත්යානුකූල
ටිපර් රථයක ගැටී කාන්තාවක් මරුට
Pradeep Saturday, 15 February 2020 04:48 AM
මේ අවිනීත රියදුරාට මොන දඩුවම දුන්නත් දැන් අර අහිංසක දරුපැටියට අම්මා කෙනෙක් කොයින්ද. ඇයි මේ මිනිස්සුන්ට තව කෙනෙකුගේ ජිවිතයක වටිනාකම නොදැනෙන්නේ...
Praba Saturday, 15 February 2020 05:14 AM
කොරෝනා වලට වැය කරන කාලය , මුදල්, ශ්රමය ලංකාවෙ රිය අනතුරු අඩු කරන්න වැය කලානම් ඉන්න හිතෙන රටක් වේවි
denin Saturday, 15 February 2020 05:33 AM
දැන් ලංකාවේ වැඩිම මාරක මාර්ග අනතුරු සිදුකරන වාහන කාණ්ඩය තමයි ටිපර් රථ. සිංහල රජ කාලේ නම් මේ වගේ අපරාධ කරන අයට ගැළපෙන දඬුවම් තිබුනා. ඒ තමයි හිටෝපස් ගැහිල්ල. ඒ වගේ දඬුවම් අදටත් ක්රියාත්මක කරනවානම් ඔය වගේ නොසැළකිල්ලෙන් හා නීති විරෝදී ලෙස රිය පැදවීම් සිදුවන්නේ නැහැ.
Ara Saturday, 15 February 2020 07:30 AM
ඔය ටිපර්, ත්රී රෝද රථ වල රියදුරන් ගැන කතා කරලා වැඩක් නෑ. ඒත් එක්කම සමහර කොන්ත්රාත් ලොරි රියදුරන් මේ වගේමයි. බස් රියදුරන් එහෙමමයි. මේ ගොල්ලෝ හිතන්නේ ඒගොල්ලොන්ගේ වාහනේ එනකොට අනිත් ඒවා ඔක්කොම ඇයින් කරන්න ඕන කියලා. මේ තත්ත්වය නවත්තන්න පොලිසිය කුමක් හෝ කල යුතුයි.
sarath Saturday, 15 February 2020 11:28 AM
මෙවැනි රියදුරන් එල්ලුවත් මදි.
Asela Saturday, 15 February 2020 12:23 PM
අනතුරක් වලක්වා නොගැනීම..දඩය 2500/= ..
Nimal Saturday, 15 February 2020 07:37 PM
දැන් ලංකාවේ පාරක නෙවේ පදික වේදිකාවකවත් යන එක භයානකයි !
සේන Sunday, 16 February 2020 07:10 AM
නැවත නැවතත් ලියන්නට සිදුවේ. ට්රිිපර් රථ රියදුරන් මහ මග රේස් යන වග මම ඇස් දෙකෙන් දැක ඇත්තෙමි. අශිලාචාර , විනයක් රහිත මිනිසුන් නියාමනයන්ට යටත් කළ යුතුය. නැතිනම් මොවුන් තව තවත් අහිංසක මිනිසුන්ගේ සිරුරු මතින් මේ යකඩ ගොඩන් ධාවනය කරනු ඇත.
Athula Sunday, 16 February 2020 08:22 AM
මේවගේ මදාවියන්ගේ බලපත්රය අහෝසිකර වාහනයත් රාජසන්ත කරන්න