(නිමල කොඩිතුවක්කු)
ඉදිරි ජනාධිපතිවරණය ජය ගැනීම සඳහා ආණ්ඩුව කුමන්ත්රණකාරී මෙහෙයුමක් ක්රියාත්මක කරමින් සිටින බව ජාතික නිදහස් පෙරමුණේ නායක පාර්ලිමේන්තු මන්ත්රී විමල් වීරවංශ මහතා පැවසීය.
දිස්ත්රික් ලේකම්වරුන් 16 දෙනෙකු සංචිතයට කැදවා ඒ වෙනුවට නව දිස්ත්රික් ලේකම්වරුන් 16 දෙනෙකු පත්කිරිමේ උත්සාහයක ආණ්ඩුව නිරතවන බවත් ඔහු සඳහන් කළේය.
පිටකෝට්ටේ පිහිටි ජාතික නිදහස් පෙරමුණු පක්ෂ කාර්යාලයේ දී අද (4) පැවැති මාධ්ය හමුවකට එක්වෙමින් ඔහු මේ බව පැවැසීය.
එහිදී වැඩිදුරටත් අදහස් දැක්වූ විමල් වීරවංශ මහතා මෙසේද කීය.
‘‘දිස්ත්රික් ලේකම්වරුන් 16 දෙනෙකුට දූෂණ චෝදනා ඇවිත් ඒ පිළිබඳ විමර්ශන සිදුකෙරෙන බවට පසුගියදා පුවත්පත් වාර්තා පළවුණා. එම දිස්ත්රික් ලේකම්වරුන් සංචිතයට කැඳවීමට තීරණය කර ඇති බවත් වාර්තා පළ වුණා.
රාජ්ය සේවා කොමිෂන් සභාවෙන්වත් වෙන කොහෙන්වත් දිස්ත්රික් ලේකම්වරුන් 16 කට හෝ ඊට අඩු ගණනකට විරුද්ධව කිසිදු පැමිණිල්ලක් හෝ විමර්ශනයක් සිදුනොවන බව අපි මේ පිළිබඳ කළ සොයා බැලීමකදී තහවුරු වුණා.
ඒකෙන්ම පැහැදිලි වෙනවා මේක මේ කෘතිමව සිදුකරන චෝදනාවක් කියලා. තමන්ට ඕන විදියට හසුරවන්න බෑ කියලා පේන දිස්ත්රික් ලේක්ම්වරු 16 ක් සංචිතයට දාලා තමන්ට නටවන්න පුළුවන් දිස්ත්රික් ලේක්ම්වරු 16ක් ඒ වෙනුවට පුටුවේ වාඩි කරවගන්නයි මේ අය සූදානම් වන්නේ
ඉදිරි ජනාධිපතිවරණයේදී තමන්ගේ කුමන්ත්රණකාරී මෙහෙයුම සාර්ථක කරගැනිම සඳහා මෙම උත්සාහය ක්රියාත්මකයි. තමන්ට ඕන විදියේ කඩයින් 16ක් වාඩි කරගත්තහම ඡන්ද මංකොල්ලයක් කන්න වුනත් පුළුවන්.
තව නොබෝ දිනකින් ජනාධිපතිවරණය ප්රකාශයට පත්කිරීමට නියමිතයි. එහෙම වෙලාවක මේ දිස්ත්රික් ලේක්ම්වරු තමන්ට ඕන විදියට වෙනස් කරලා හීලෑ කරගත්ත පුද්ගලයන් දිස්ත්රික් ලේකම්වරු ලෙස පත් කරගන්න ආණ්ඩුව දරන මේ ප්රයත්නය අපි පිළිකුලින් යුතුව හෙළා දකිනවා. ඒ වගේම මෙයට එරෙහිව ගත හැකි සෑම පියවරක්ම අපි ගන්නවා.
පසුගිය ජූලි මස 30 වනදා කොළඹ ප්රසිද්ධ හෝටලයක ඇමෙරිකානු ජාතිකයන් පස් හය දෙනෙක් එනවා. ඔවුන් අත තිබූ ගමන් මලූ ස්කෑන් පරීක්ෂණයට ලක් කරන්න අවස්ථාව දුන්නේ නැහැ. ඔවුන් ලංකාවට ඇවිත් තියෙන්නේ පෞද්ගලික ගුවන් යානයකින්. පසුව තානාපති කාර්යාලයේ වාහනයකින් අර පරීක්ෂා කිරීමට නොහැකි වූ ගමන් මලූ රැගෙන ගොස් තිබුණා.
මේ පිරිස ගමන් මලූ මෙහි තබා දින දෙකකට පසුව මාලදිවයින වෙත ගොස් ඇති බවත් වාර්තා වුණා. අද මේ රට ඕන ඇමෙරිකානුවෙක් ඇවිත් ඕනෑම දෙයක් කරලා යන්න පුළුවන් විදියේ අතඇරලා ගියපු රටක් බවට පත්වෙලා තියෙනවා.
මෙයට පෙරත් මෙවැනිම පිරිස් විටින් විට පැමිණිලා ඇති බවට අපිට වාර්තා වනවා. රටේ ජාතික ආරක්ෂාවට මේක බරපතල ප්රශ්නයක්. මේ ගැන අදාළ බලධාරින්ගේ අවධානය යොමුවෙයි කියා අපි විශ්වාස කරනවා.
ජාතික නිදහස් පෙරමුණේ ජාතික සංවිධායක පාර්ලිමේන්තු මන්ත්රී ජයන්ත සමරවීර, දේශපාලන මණ්ඩල සභික පාර්ලිමේන්තු මන්ත්රී පද්ම උදයශාන්ත ගුණසේකර යන මහත්වරුන් ද මේ සඳහා එක්ව සිටියහ.
ඡායාරූපය - ශාන්ත රත්නායක
මින්නේරිය විදුලිබල මණ්ඩලය ආසන්නයේ අද රාත්රියේ පුද්ගලයන් තිදෙනකු අතර ඇති වූ ගැටුමක් දුරදිග යාමෙන් තියුණු ආයුධ පහරකින් එක්දරු පියකු ජීවිතක්ෂයට පත්ව
ජනාධිපතිවරණ උණුසුම දිනෙන් දින වැඩිවෙමින් පවතිද්දී එම මැතිවරණය සඳහා ඉදිරිපත්වීමට තීරණය කර ඇති අපේක්ෂකයන් සංඛ්යාවද 7 ක් දක්වා ඉහළ ගොස් ඇත.
දුම්රිය සාමාන්යාධිකාරිවරයාගේ මරණය සම්බන්ධයෙන් සාධාරණ සැකයක් පවතින බැවින් හදිසි මරණ පරීක්ෂණයක් පමණක් පවත්වා අවසන් කිරීම ප්රමාණවත් නැතැයි අනුරා
ජාතික ජන බලවේගය සහ සමගි ජන බලවේගය අතර පැවැත්වීමට නියමිත විවාදය නීති විද්යාලයේ පැවැත්වීමට සිය සංගමය, පක්ෂ දෙකේ නායකයන්ට යෝජනා කර ඇති බව ශ්රී ලංකා නීත
අධ්යාපනය දේශපාලන පාපන්දුවක් බවට පත් කර ගතහොත් අවසානයේ පරාජයට පත් වන්නේ රට බැවින් පෞද්ගලික මත පසෙකලා සියලු දෙනා එක්ව සාකච්ඡා කර රටට ඔබින හොඳම අධ්යාප
උමාඔය භූගත විදුලි බලාගාරයේ විදුලි ජනන යන්ත්ර දෙක එහි ඉදිකිරීම් ක්රියාත්මක වන කාලයේ සේවය කළ සුළු සේවිකාවන් දෙදෙනකුගේ සේවය ඇගයීම වෙනුවෙන් ‘දසුනි’ සහ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ජනපතිවරණය ජයගන්න කුමන්ත්රණකාරී මෙහෙයුමක්
vidaya Wednesday, 04 September 2019 07:45 PM
අපේ ගමේ ඉස්සර සුටිං කියලා හාදයෙක් හිටියා. මිනිහා බෝක්කු කට උඩ ඉඳගෙන කියන්නෙත් ඔය වගේ කතා... මිනිහත් වීරවංස වගේ වැඩිය ඉස්කෝලේ ගිහින් නෑ. දිස්ත්රික් ලේකම්ලා කියන්නේ පරිපාලනය පිළිබඳව උගත් පිරිසක්... ඒවා උගත් අය විසඳ ගනී.
SIRISENA Thursday, 05 September 2019 08:51 AM
මෙයා නම් නිසැකවම රෝගියෙක් වගේ පෙනෙන්නේ? සැකය හා භය මවන්නෙක්.
Chathuri Thursday, 05 September 2019 12:28 PM
මහින්දලාගේ කාලෙ ඉන්නකොටත් කොපමණ දූෂිත වැඩ වුණාද? ඡන්දය ලන්වෙනකොට, මුදලට ඇමතිලා අරගත්තා, සිල්රෙදි බෙදුවා, රැකියා දෙනවා, වෙනත් පක්ෂ නායකයින් මේ විදියටම බෙරිහන් දුන්නා. ඕවා වැරදි කියලා නමුත් අැහැව්වේ නැහැ.. ස්කෑන් යන්ත්රයට ගමන්මල්ලු පරීක්ෂා කරන්න. ඉඩ දෙන්නේ නැත්තේ මේ ආණ්ඩුව විතරද?
Chanak los angelesSaturday, 07 September 2019 03:01 AM
නෑ චතුරි .. ඔවුන්ගේ කාලේ රටේ තිබුනේ කේතුමතී පාලනයක් .. සාටක ජනතාවට සැලකුවේ කලේ සංඛ සලකනවා වගෙයි .
H S Deen Monday, 09 September 2019 08:02 AM
දැන්ම පරාජය පිළිගෙන වගේ... ! මේ යකාට ඇමෙරිකානු භීතිකාව..!
lalithm Thursday, 12 September 2019 11:13 AM
ඇමෙරිකානුවා දිනුවොත් එහෙම මේ වගේ අයව පන්නනවා නියතයි.