(ජේ. කේ. එල්. චාමින්ද)
ගාල්ල නගර සභා ගොඩනැගිල්ලේ අලුත්වැඩියා කටයුතු වසරකට වැඩි කාලයක් තිස්සේ අවසන් නොකර ඇති බැවින්, ගොඩනැගිල්ල භාවිත නොකිරීමෙන් මහ නගර සභාවට වසරකට රුපියල් ලක්ෂ 40ක පමණ ආදායමක් අහිමි වන බව ගාල්ල නියෝජ්ය නගරාධිපති ෆවුසල් නියාස් මහතා පැවසීය.
මෙම ව්යාපෘතිය සඳහා රුපියල් කෝටි හතක පමණ මුදලක් වැයවන බවට ගණන් බලා නගර ශාලා ගොඩනැගිල්ලේ අලුත්වැඩියා කිරීමේ කටයුතු ආරම්භකර ඇත්තේ පළාත් පාලන ආයතනවල මහජන නියෝජතයින් නොමැතිව නාගරික කොමසාරිස්වරයාගේ පාලනය යටතේ තිබූ වකවානුවේදීය. මේ වනවිටත් ව්යාපෘතියේ කටයුතු අවසන් කිරීමට නොහැකි වී ඇති අතර, නගර සභා ගොඩනැගිල්ල වසා දැමීම හේතුවෙන් ලක්ෂ ගණනක පාඩුවක් සිදුවෙමින් පවතී.
නියෝජ්ය නගරාධිපතිවරයා මේ පිළිබඳව අදහස් දක්වමින් මෙසේද කීවේය.
“නිලධාරීන්ගේ පාලනය පැවති කාලයේ ගාල්ල නගරශාලා ගොඩනැගිල්ලේ සිවිලිමේ කොටසක් කැඩුණා කියලා මුළු ගොඩනැගිල්ලම අලුත්වැඩියා කරන්න කෝටි 7ක ඇස්තමේන්තුවක් සකස් කරලා තියෙනවා. මුල් ඇස්තමේන්තුවේ වහලය හා සිවිලිම ගැන සඳහන් වෙලා නැහැ. ගොඩනැගිල්ලේ කපරාරුව කඩලා අලුත්වැඩියා කටයුතු ආරම්භ කළා. කොන්ත්රාත් සමාගමට වැඩකරපු ප්රමාණයටත් වඩා මුදල් ගෙවලා තියෙනවා.
ඒ විතරක් නෙවෙයි ගිණුම් අංශය පවත්වාගෙන ගිය ගොඩනැගිල්ල අබලන් කියලා වෙනත් ස්ථානයක කුලීපදනම මත එය පවත්වාගෙන යනවා. ඒ සඳහා රුපියල් 60,000ක මුදලක් බදු වශයෙන් ගෙවනවා. මේ නිසා පරිපාලන ගැටළු ඇතිවෙලා තියෙනවා. දැනට පුරහල් ගොඩනැගිල්ල දෙපාර්තමේන්තු ක්රමය අනුව සංවර්ධනය කරන්න අපි තීන්දු කරලා තියෙනවා. අංශ භාග කරපු පුරහල් ගොඩනැගිල්ලක් තමයි අපිට භාරදුන්නේ. මෙහි අලුත්වැඩියා කටයුතු සඳහා මෙවර අයවැයෙන් ද ලක්ෂ 100ක මුදලක් වෙන්කරලා තියෙනවා” යැයිද නියෝජ්ය නගරාධිපතිවරයා සඳහන් කළේය.
හිටපු නගරාධිපතිවරයකු වූ ශ්රී ලංකා පොදුජන පෙරමුණේ වත්මන් නාගරික මන්ත්රී කැළුම් සෙනෙවිරත්න මහතා මෙසේ කීවේය.
“මහ නගර සභාවේ නිල කාලය අවසන්වනවිට රුපියල් ලක්ෂ 700ක ස්ථාවර තැන්පතුවක් දමලා තිබුණා. ඒ කාලයේ මමයි නගරාධිපතිවරයා වශයෙන් කටයුතු කළේ. මම යනවිට එවකට හිටපු නාගරික කොමසාරිස්වරයාට කිව්වා මේ ගොඩනැගිලි සංකීර්ණය අලුත්වැඩියා කටයුතු කරන්න, නැතිනම් මේ ගොඩනැගිලි සංකීර්ණය කඩාගෙන වැටේවි කියලා. නිලධාරීන්ගේ පාලන කලායේදී අලුත්වැඩියා සඳහා කඩපු ගොඩනැගිල්ලේ අලුත්වැඩියා කටයුතු අවසන් කිරීමට තවමත් නොහැකිවෙලා. දැන් මහජන නියෝජිතයින් පත්වෙලා වසර දෙකකට ආසන්න කාලයක් ගතවෙලා. තව වැසිවාර දෙකක් ගියහොත් කොටුවේ තැපල් කාර්යාලයට වූ දේ තමයි මේ ගොඩනැගිල්ලටත් වෙන්නේ” යැයිද කීය.
ගාල්ල මහනගරාධිපති ප්රියන්ත සහබන්දු මහතාගෙන් මේ සම්බන්ධව අප කළ විමසුමකදී මෙසේ කීවේය.
“රමේෂ් පතිරණ හා මොහාන් පී. ද සිල්වා යන ඇමතිවරුන් පුරහල් ගොඩනැගිල්ලේ කටයුතු ගැන සොයා බැලුවා. සාමාන්ය ඇස්තමේන්තුවක් සකස් කරන්න කියලත් කීවා. හමුදාව සමඟ කතාකරලා අලුත්වැඩියා කටයුතු කරන්න පුළුවන් ද කියා බලන බවත් රමේෂ් පතිරණ ඇමතිවරයා කීවා. වහලයේ අලුත්වැඩියා කටයුතු නගර සභාව මගින් කරගෙන යනවා. ඇත්තටම නගරසභාවේ නැති මුදලකට තමයි මේ ගොඩනැගිල්ලේ අලුත්වැඩියා කටයුතු කරන්න නිලධාරින් ඇස්තමෙන්තු සකස්කරලා තියෙන්නේ. කොහොම හරි අදාල කොන්ත්රාත් සමාගමට රුපියල් එක්කොටි විසිලක්ෂයක මුදලක් අත්තිකාරම් වශයෙන් ලබාදීලා තියෙනවා. නමුත් ලක්ෂ 20කවත් වැඩකරලා තිබුණේ නැහැ. ගිවිසුම අනුව මාර්තු මාසයේ වැඩ අවසන් කරන්න තිබුණත් වැඩ අවසන් වෙලා තිබුණේ නැහැ. නගර සභාවේ පාලනය ආරම්භවෙලා මාස පහක් යනකම් අපි මේ ගැන විමසිල්ලෙන් හිටියා. නමුත් අලුත්වැඩියා කටයුතු සිදුවුණේ ඉතා මන්දගාමීවයි ” බවද නගරාධිපතිවරයා කීවේය.
ඊශ්රායලය විසින් ඉරානයට එල්ල කෙරුණු ප්රහාරය සමඟ ඉදිරියටද ගැටුම්කාරී තත්වය තවදුරටත් වර්ධනය වුවහොත් එරට සමග සෘජුව සහ වක්රව ගනුදෙනු කරන ශ්රී ලංකා
ඇතැම් දේශපාලන පක්ෂවල බලපෑම් ඇතුළු විවිධ බලපෑම් හේතුවෙන් උමා ඔය ව්යාපෘතිය ජනතා අයිතියට පත්කිරීම ප්රමාද වීමෙන් මෙරටට වසරකට රුපියල් කෝටි 900 ක පාඩුවක්
රජයේ රෝහල්වල විශේෂඥ වෛද්යවරුන් 350 දෙනකු මෑත භාගයේදී රට හැර ගොස් ඇතැයි සෞඛ්ය අමාත්යාංශයේ විශේෂඥ වෛද්යවරුන් කණ්ඩායමක් කළ අධ්යයනයකදී හෙළිවී ඇත.
මෙරට දේශපාලනයේ පෙරළිකාරීයකු මෙන්ම මානවහිතවාදීයකුගේ යුගය නිමාවට පත් කරමින් හිටපු නියෝජ්ය අමාත්ය පාලිත තෙවරප්පෙරුම මහතා මළහිරුබැස යන් සන්ධ්යාවේ
බස්නාහිර.සබරගමුව,වයඹ,ඌව සහ මධ්යම පළාත්වලත් අනුරාධපුර, වවුනියාව, මන්නාරම, ගාල්ල සහ මාතර දිස්ත්රික්කවලත් පස්වරු 2.00 පමණ පසු වැසි හෝ ගිගුරුම් සහිත වැසි ඇ
පිරිසුදු හාහරිත ශ්රී ලංකාවක් නිර්මාණය කිරීමේ අරමුණ පෙරදැරි ව ක්රියාත්මක වන,මෙරට කාර්මික අපද්රව්ය කළමනාකරණයේ පුරෝගාමියා ලෙස හැඳින්විය හැකි INSEE Ecocyc
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ගාල්ල මහනගර සභාවට වසරකට ලක්ෂ 40ක පාඩුවක්
Kumar (gulf) Tuesday, 17 December 2019 09:16 AM
තට්ටු මාරු ක්රමයට ගාල්ල කාදමන හොර ගුහාවක් මේක,
Mahee Tuesday, 17 December 2019 11:41 AM
මට දැනුයි තේරෙන්නේ අපි ජාත්යන්තර වොලිබෝල් තරඟවලින් පාපන්දු තරඟවලින් පරදින්නේ ඇයි කියලා. අපේ ක්රීඩකයන්ට හරියට බෝලෙ පාස්කරන්න තේරෙන්නේ නෑ. මෙන්න මේ කට්ටිය යැව්වා නම් අපි හැමදාම දිනුම් නොවැ.
මුණසිංහ Tuesday, 17 December 2019 12:07 PM
ඒක නෙවෙයි ප්රශ්නේ............