(ඔගස්ටින් ප්රනාන්දු)
වනාතවිල්ලුව අරුවක්කාලු කසළ අංගනය වෙත කොළඹ සිට කසළ ගෙන එන රථවල ආරක්ෂාවට යුද හමුදා හා පොලිස් නිලධාරීන් 55දෙනෙකුගෙන් යුතු කණ්ඩායමක් යොදවා ඇතැයි පුත්තලම පොලිස් අධිකාරි චන්ද්රසේන ජයකොඩි මහතා සඳහන් කළේය.
මින් ඉදිරියේ දි කිසිදු බාධාවකින් තොරව කසළ ප්රවාහනය කිරීමට හැකි වන සේ එම පියවර ගත් බවද ඒ මහතා පැවසීය. කසළ ප්රවාහන රථවලට කිසියම් ප්රහාරයක් කළහොත් සැකකරුවන් පොදු දේපල හා ත්රස්තවාදය වැළැක්වීමේ පනත යටතේ අධිකරණය වෙත ඉදිරිපත් කර ඔවුන් රිමාන්ඩ් බන්ධනාගාර ගත කිරීමට පියවර ගන්නා බවද පුත්තලම පොලිස් අධිකාරීවරයා කීය.
කොළඹ සිට කසළ රැගෙන එන සියලු වාහන මුන්දලම ප්රදේශයේ රඟවා ගෙන අරුක්වකාලු දක්වා ඒකාබද්ධව ගමන් කිරීමට පියවර ගන්නා බවත් පොලිස් අධිකාරි චන්ද්රසේන ජයකොඩි මහතා සදහන් කළේය.
කොළඹ කසළ දැමීමට ස්ථානයක් නොවූ බැවින් එහි එකතු වන සියලු කසළ අරුක්කාලු අංගනය වෙත ගෙන යාමට පියවර ගත් අතර මේ නිසා ඇතැම් පුද්ගලයින් සිය දේශපාලන අවශ්යතා ඉටු කර ගැනීමේ අරමුණින් කසළ ප්රවාහනයට එරෙහිව විරෝධතාවක් ඇති කිරීමට නොමග යවන ලද මහජන කණ්ඩායම් යොදවා තිබිණි. ඒ අනුව කුපිත වු පිරිස් ස්ථාන පහක දි කසළ ප්රවාහනය කරමින් තිබූ වාහනවලට ගල් මුල් ප්රහාර එල්ල කිරීම් සිද්ධීන් වාර්තා විය.
මෙහිදී පුත්තලම පොලිසියේ ජීප් රථයේ ඉදිරි රාමුව ට ද හානිවු බවත් මෙම සියලු සිද්ධීන් සිදු කළ පුද්ගලයින් අත්අඩංගුවට ගෙන අධිකරණය හමුවට ඉදිරිපත් කළ බවත් වාර්තා විය. ඉන් සිව්දෙනෙකු සාමාන්ය නීතිය යටතේ අධිකරණය හමුවට ඉදිරිපත් කළ අතර ඒ අනුව ඔවුන්ට ඇප නියම විය. එක් සිද්ධියක් සම්බන්ධයෙන් අත්අඩංගුවට ගත් පුද්ගලයා පොදු දේපළ පනත යටතේ අධිකරණයට ඉදිරිපත් කර රිමාන්ඩ් භාරයට පත් කර ඇත.
විදුලි සේවකයන් විසිහතරදහසම නඩු දැම්මත් නව විදුලිබල පනත හකුලා නොගන්නා බවත් වැඩි පිරිසක් අධිකරණයට යෑමෙන් වඩාත් හොඳ පනතක් නිර්මාණය කිරීමේ හැකියාව ලැබෙ
දෙවුන්දර මුහුදු තීරයේදී නාවික හමුදාව මගින් අත්අඩංගුවට ගත් රුපියල් කෝටි 380 කට අධික වටිනාකමින් යුත් මත්ද්රව්ය තොගය රජයේ රස පරීක්ෂකවරයා වෙත යොමු කිරී
ගම්පහ දිස්ත්රික්කයේ ප්රදේශ රැසකට ලබන 24 වැනිදා පැය 12 ක කාලයක් ජල සැපයුම අත්හිටුවන බව ජල සම්පාදන හා ජලාපවාහන මණ්ඩලය පවසයි.
ආපදා කළමනාකරණ මධ්යස්ථානය දිවයිනේ වෙරළබඩ ප්රදේශ ආවරණය වන පරිදි දිස්ත්රික්ක දාහතරක කෝටි 13 කට වැඩි වියදමකින් ස්ථාපනය කෙරුණු සුනාමි සහ සුළි සුළං සඳහ
මෙරට ප්රමුඛ පෙළේ ආයුර්වේද ඖෂධ නිෂ්පාදකයකු වන බීම් හෙළ ඔසු ලංකා පෞද්ගලික සමාගම Golden Inmediens 2023 සම්මාන උළෙලේදී වසරේ විශිෂ්ටම ආයුර්වේද නිෂ්පාදකයා ලෙස රිදී සම්
බ්රසීලයේ රියෝ ඩි ජෙනෙයිරෝ බැංකුවට රෝද පුටුවක තබා ගත් මළ සිරුරක් රැගෙනවිත් එම මියගිය පුද්ගලයාගේ නමට ඇමෙරිකානු ඩොලර් 3250 ක (ශ්රී ලංකා රුපියල් ලක්ෂ 10 කට ආ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
කුණු ලොරිවල ආරක්ෂාවට හමුදා - පොලිස් ආරක්ෂාව
ලෙස්ලි හර්බට් විජේසිංහ Wednesday, 28 August 2019 07:13 AM
අපේ රටේ දැන් කුණු විසිකරන්න යන්නෙත් හමුදා ආරක්ෂාව යටතේ
රවින් Wednesday, 28 August 2019 07:55 AM
නියමයි. ඔය විදියට අනික් හැම තැනකදීම නීතිය තදින් ක්රියාත්මක කෙරුවොත් මේ රට යම්තාක් දුරකට හැදෙයි. නිදහස කියන වචනේවත් තේරුම් ගන්න බැරි නූගත් කොටසක් රටේ උත්තරීතර පාලන අධිකාරියට යැවීමේ ප්රතිඵල තමයි ඕවා. කොළඹට එකතුවෙන කුණු වලින් වැඩිම ප්රමාණයක් (75% හෝ වැඩි ) ගෙන එන්නේ පිට පළාත්වලින් බව තේරුම් ගන්න තරම් මොලයක් නැති උදවියගේ වැඩ...
සුමුදු Wednesday, 28 August 2019 08:20 AM
හරි..චම්පික. අපි බලමු. හමුදාවේ, පොලිසියේ අය ගැන අපිට තියෙන්නේ ලොකු ගෞරවයක්.. නමුත් ඒ ගොල්ලෝ මේ හොරනරි 225 කියන කියන විදිහට නටන්න ගියොත්.. අපිට සිදුවෙන්නේ ගරිල්ලා ප්රහාරයකට යාමටයි. හැමදාම ගහන්නේ නැහැ. නියමදාට හැංගිලා ඉඳලා පහර එල්ල කරනවා. චම්පික අපි ඡන්දේදි හම්බවෙමු. ඔය සුදු වස්ත්රයෙන් වහගෙන ඉන්න ඔබේ කළු චරිතය ඔක්කොම එදාට එළියට දානවා.
Gamarala Wednesday, 28 August 2019 09:02 AM
ඇත්තටම මේ කුණු ප්රශ්නයට ඔයිට වඩා හොඳ විසඳුමක් නැද්ද? මේ දරණ වියදමත් එක්ක බලනකොට අපේ රටේ ඉන්න ඒ විද්වතුන් කීපදෙනෙක් විදේශවලට යවලා පුහුණුවක් ලබා දුන්නොත් විශාල මුදලක් සදාකාලිකව ඉතිරි කරගත හැකියි. විශේෂයෙන් ඇමෙරිකාව වගේ රටවල කසල කළමනාකරණය කරන හැටි දැන ගත්තොත් ඉතාමත් වැදගත්...
විජිත් Wednesday, 28 August 2019 11:08 AM
ගමරාල මල්ලි, අපිට ඉන්න උගතුන් අතරින් කසල කළමනාකරණය, ප්රතිචක්රීකරණය ගැන උසස්ම සුදුසුකම් ඇති කෙනෙක් තමයි ආචාර්ය අජන්තා පෙරේරා මහත්මිය. එතුමිය මේ ක්ෂේත්රයේ ටික කලක් හිටියා. සක්රීයව දායකත්වය ලබාදුන්නා. එතුමිය දුන්නු උපදෙස් අද ක්රියාත්මක කළානම් මේ රට කුණු නැති රටක් වෙලා. නමුත් එතුමිය ඉන් ඉවත්වුනේ දේශපාලකයන් ඒ වැඩවලට ඇඟිලි ගැසීම නිසයි. එතුමියගේ උපදෙස් ක්රියාත්මක කරනවා වෙනුවට දේශපාලකයන් එතුමියට උපදෙස් දෙන්න ගියාලු. නියම උගතෙක් කවදාවත් හරියකට පාසලකටවත් නොගිය, රෑට රෑට කුකුල් හොරකමේ ගිය, හොර පොල් කඩන්න රෑට ගස් බඩගාපු ..මෝඩයින්ගේ ඡන්දයෙන් දියවන්නාවට ගිය "නරියෙකුගේ" උපදෙස් පිළිපදින්න.."සර්" කියන්න කැමති නැහැ. එතුමිය ගියා. මට ලඟදි මිතුරෙක් කීවා එතුමිය නැවත අපේ රටට ඇවිත් ඉන්නවා කියලා.
Gamarala Wednesday, 28 August 2019 12:27 PM
අපේ රටේ කුණු දේශපාලකයෝ නිසා රජයේ නිලධාරියෙකුට හරියට වැඩක් කරන්න බැහැ. මම අවුරුදු 30කට වැඩිකාලයක් රජයේ අයගේ කුණු හොයන තැනක තමයි රාජකාරි කලේ. ඒ නිසාම මට තවත් එතැන ඉන්න බැරි විදිහට හිරිහැර වුණා. ඒ නිසාම අැමෙරිකාවේ රැකියාවක් සොයාගෙන කලක් ඉඳලා මෙහෙ ආවා. එහෙදි තමයි මම දැක්කේ ඔය කුණු කළමණාකරණය. මොන වැස්ස, සීතල තිබුණත් උදේ පහ, හය වෙනකොට කුණු ලොරිය සතියකට වරක් ගෙදර ලඟට එනවා. හැබැයි එන්නෙත් එක්කෙනයි...
Indhika Wednesday, 28 August 2019 09:37 AM
"VIP" කියන කුණුවලටත් ආරක්ෂාව දෙන එකේ, නියම කුණුවලට දුන්නම මොකද කියලත් හිතෙනවා...
jayath Wednesday, 28 August 2019 10:27 AM
"ලෝකෙන් උතුම් රට ලංකාවයි, ලංකාවයි, සිරි ලංකාවයි... හමුදා, පොලිස් ආරක්ෂාව මැද්දේ දේශපාලකයොත් යනවා ! කුණුත් "යනවා" කාටද ආඩම්බර?