(කාංචන කුමාර ආරියදාස)
මොරගහකන්ද ජලාශය පෝෂණය කරන ජල උල්පත් පිහිටි නාවුල ඕපාල්ගල මහ රක්ෂිතය කිසියම් පිරිසක් විසින් අල්ලාගෙන වැටවල් ගසා වන විනාශයක් ආරම්භ කර ඇතැයි ඕපාල්ගල ප්රදේශවාසීහු චෝදනා කරති.
මුහුදු සීමාවේ සිට අඩි 3000 ට වඩා ඉහළ කඳු පන්තියක් මත නාවුල ඕපාල්ගල රක්ෂිතය පිහිටා තිබේ. නාඋල ප්රාදේශීය ලේකම් කොට්ඨාසයට අයත් ඕපාල්ගල ගම්මානයේ සිට පාගමනින් කිලෝමීටර් පහක් පමණ විශාල වනයක් මැදින් කඳු තරණය කිරීමේදී මෙම ජල උල්පත් පිහිටි ස්ථානය හමුවේ. මෙම රමණීය කඳු ශිඛරය හීන්ගඟ, අඹන්ගඟ පෝෂණය කරන එකම ජල මූලාශ්රය වේ.
යම් පිරිසක් විසින් සූක්ෂම ලෙස මෙම රක්ෂිතයේ අක්කර 500කට වැඩි භූමි ප්රමාණයක් අත්පත් කරගෙන ස්ථිර වැටවල් ගැසීම ආරම්භ කර ඇති බවත් ඒ හේතුවෙන් දුර්ලභ ශාක රැසක් විනාශ කර ඇති බවත් හබරණ ඕපාල්ගල රක්ෂිතය සුරැකීමේ සංවිධානය චෝදනා කරයි.
මොරගහකන්ද ජලාශය ආරක්ෂා කරගැනීම සහ වන විනාශය වළක්වාගැනීම සඳහාත් රජයේ සහ වනසංරක්ෂණ නිලධාරීන්ට මේ පිළිබඳව දැනුම්දුන්න ද ඔවුන් කිසිදු පියවරක් ගෙන නැතැයිද ඔවුහු පවසති.
ඕපාල්ගල ගමේ සිට මෙම රක්ෂිතය හරහා කඳු මුදුනට කිලෝමීටර් 6ක පමණ දුරක් ගමන්කිරීමේදී දිය ඇලි, ගල්පර, ගස් වැල් පමණක් නොව වන සංරක්ෂණ දෙපාර්තමේන්තුවට අයත් මායිම් සලකුණු තිබියදී අලුතින් වැට සැකසීම සඳහා කොන්ක්රීට් කණු විශාල ප්රමාණයක් රක්ෂිතයේ තැන තැන දමා ගොස් ඇති ආකාරය ද දක්නට ලැබේ.
ප්රදේශවාසීන් පැවසුවේ මෙම රක්ෂිතයේ ද සිංහරාජ වනාන්තරයේ මෙන්ම වියළි කලාපයේ ද වැවෙන ශාක පවතින බවය. මෙලෙසින් ඉඩම් අත්පත් කරගෙන ගහකොළ විනාශ වුවහොත් මොරගහකන්ද ජලාශයටද හානි සිදුවන බවත් ඕපල්ගල ගම්මානයේ සියලු ජල අවශ්යතා සපුරාගන්නා ජල මාර්ග සියල්ල විනාශ වන බවත් ඔවුහු පවසති.
ඕපාල්ගල කඳු මුදුනට ගිය විට රූපවාහිනී ගුවන්විදුලි යන්ත්රත තරංග රට පුරා විකාශනය වන කරගහතැන්න විදුලි සංඥා කුළුණු ද එක් පසෙකින් ද මොරගහකන්ද ජලාශය අනිත් පසින්ද බෝවතැන්න ජලාශය තවත් පසෙකින්ද මනරම් වන වියනක් ද දැකගත හැක.
මෙම ඉඩම් අත්පත් කරගන්නා පුද්ගලයන් පෞද්ගලික ඉඩම් ඔප්පුවක් ඇති බව පවසමින් රාජ්ය නිලධාරීන්ගේ මාර්ගයෙන් ඕපාල්ගල රක්ෂිතය ඇසුරින් ව්යාපාරික ස්ථාන ආරම්භ කිරීමට සූදානමක් ඇතැයි ජනතාව පෙන්වා දෙති.
නාවුල ඕපාල්ගල මහ රක්ෂිතය ජාතික උරුමයක් ලෙස නම් කර වන විනාශය වළක්වන ලෙස ප්රදේශවාසීහු ජනාධිපති මෛත්රීපාල සිරිසේන මහතාගෙන් ඉල්ලා සිටිති.
චිත්රපටයක් නිෂ්පාදනය කිරීමට බව පවසා පුද්ගලයකුගෙන් රුපියල් ලක්ෂ 10 ක් ලබාගෙන නියමිත දිනට ලබානොදී විශ්වාසය කඩකිරීමේ සිද්ධියක් සම්බන්ධයෙන් ප්රවීණ උස
2024 වසරේ ගතවූ කාලය මාස හතරක කාලයේ විදේශ රැකියා සම්බන්ධ පැමිණිලි 1371ක් ලැබී ඇතැයි විදේශ සේවා නියුක්ති කාර්යාංශයේ විශේෂ විමර්ශන අංශය පවසයි.
පාස්කු ප්රහාරය සිදුවූ දිනයේ ම ශ්රී ලංකාවේ ඊළඟ මැතිවරණ ප්රතිඵලය ලියැවුණු හෙයින් එය දේශපාලනයෙන් තොර ප්රහාරයක් ලෙස කිසිසේත් ම හැඳින්විය නොහැකි යැය
අපරාධකරුවන් මේ රටින් තුරන් කිරීම පවක් නොවෙයි .අතේ තියෙන වෙපන් එක හරි දේට පාවිච්චි කරන්න බය වෙන්න එපා යයි මහජන ආරක්ෂක අමාත්ය ටිරාන් අලස් මහතා අද පැවසීය.
අධ්යායන පොදු සහතික පත්ර(සාමාන්ය පෙළ) විභාගය සඳහා පැවැත්වූ සියලුම උපකාර පන්ති මේ මස 30 වැනිදා මධ්යම රාත්රීයේ සිට අත්හිටුවන බව විභාග දෙපාර්තමේන්තු
සමගි ජන බලවේග ආණ්ඩුවක් යටතේ පාස්කු ප්රහාර පරීක්ෂණ ගෙඩිය පිටින් ජාත්යන්තරයට ලබාදීමට සූදානම් නැතැයි විපක්ෂයේ ප්රධාන සංවිධායක ලක්ෂ්මන් කිරිඇල්ල ම
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ඕපාල්ගල රක්ෂිතයටත් බහිරවයාගේ ඇස
Chandana F Wednesday, 27 February 2019 06:03 AM
කෝ මේ වනජීවී , පරිසර නිලධාරෙන් සහ අමාත්ය තුමා ...............අශ්වයා ගියාට පස්සේ ස්තාලය වැහුවට වෙඩක් නෑ .................මෙහෙමත් රටක්,
sampath Wednesday, 27 February 2019 10:10 AM
මේ වනාන්තර අශ්රිතව හමුදා කදවුරු ඉදිකිරීම කලොත් ටිකක් හරි මේවා බේර ගන්න පුළුවන් වෙයි ආරක්ෂාවටත් හොඳයි......