ශාන්ත ප්රදීප් කුමාර කුලරත්න
ඇඳිරිනීතිය පැවැති පසුගිය මාස දෙකක කාලය තුල කිරුළපන සුපිරි වෙළඳ සංකීර්ණයේ තොග භාණ්ඩ අලෙවි මධ්යස්ථානයක් කඩා අවස්ථා පහලවක දී රුපියල් ලක්ෂ දහයකට ආසන්න භාණ්ඩ සොරා ගත් පුද්ගලයින් දෙදෙනෙකු (19) දා අලුයම අත්අඩංගුවට ගත් බව කිරුලපන පොලීසිය පවසයි .
වෙළඳ සංකීර්ණයේ ආරක්ෂාවට ආරක්ෂක නිලධාරීන් තිදෙනකු රාජකාරියේ යොදවා සිටියදී මෙම සොරකම සිදුව ඇති බවත් සොරා ගත් භාණ්ඩ වලින් රුපියල් ලක්ෂ පහක් පමණ වටිනා භාණ්ඩ වලින් කොටසක් සොයාගත් බවත් පොලිසිය කියයි .
කොළඹ මහ නගර සභාව යටතේ පාලනය වන කිරුළපන පොදු වෙළඳ සංකීර්ණය ඇඳිරිනීතිය හේතුවෙන් පසුගිය මාස දෙකක පමණ කාලයක් වසා දමා තිබූ අතර ඉකුත් එකොළොස් වන දා නැවත අලෙවි අලෙවිසල් විවෘත කිරිමෙදි එක් වෙළඳසලක් කඩා භාණ්ඩ සොරාගෙන තිබූ බැවින් ඒ පිළිබඳව පොලිසියට පැමිණිල්ලක් කර තිබුණි .
ඒ වන විට කිසියම් පුද්ගලයෙකු අත්යවශ්ය භාණ්ඩ වල වටිනාකමින් අඩක් අය කරමින් ඉතා අඩු මිලට ප්රදේශය පුරා භාණ්ඩ අලෙවි කරන බවට පොලීසියට තොරතුරක් ලැබී තිබුණි .
එහෙත් ඒ පිළිබඳව විමර්ශනය කිරීමට කිසිවකුගෙන් පැමිණිල්ලක් නොතිබූ බැවින් පොලිසිය සැකකරු පිළිබඳව සෝදිසියෙන් සිටි බව පොලිසිය පවසයි .
පැමිණිල්ල ලැබීමත් සමඟ සැකකරු භාණ්ඩ අලෙවි කළ ස්ථාන වලට ගොස් ඒ පිළිබඳව විමර්ශනය කර පසුව වැඩිදුර ප්රශ්න කිරීම සදහා සිද්ධියට සම්බන්ධ පුද්ගලයෙකු අත්අඩංගුවට ගත් බව පොලිසිය පවසයි .
ඔහුගෙන් සිදු කළ ප්රශ්න කිරීමේදී තවත් පුද්ගලයකු සමඟ අලෙවිසල කඩා අවස්ථා 15 රුපියල් 9,22.500.00 වටිනා අත්යවශ්ය භාණ්ඩ මෙසේ සොරාගෙන ගිය බවට අනාවරණය වූ බව පොලිසිය පවසයි .
ඒ අනුව සිද්ධියට සම්බන්ධ කිරුළපන කූඹිකැලේ ප්රදේශය පදිංචි 40 සහ නාරාහේන්පිට ප්රදේශයේ පදිංචි 30 දෙදෙනකු අත්අඩංගුවට ගත් බව පොලිසිය පවසයි .
පසුව සැකකරුවන්ගෙන් වැඩිදුර ප්රශ්න කිරීමේදී මෙම වෙලද සැලෙන් සොරාගත් භාන්ඩ පිටුපස ඇල මාර්ගයක් ඔස්සේ නිවෙසට ගෙන ගොස් මෙසේ භාණ්ඩ අලෙවි කර තිබූ අතර ඒ සෑම භාණ්ඩයක්ම උපරිම සිල්ලර හරි අඩක් අයකර මෙ කර මෙසේ විකුණා ඇති බවද පොලිසිය කියයි .
ඒ අනුව කිරුළපන සිද්ධාර්ථ මාවත, කූඹි කැලේ සහ නාරාහේන්පිට ඇතුළු ප්රදේශ කිහිපයකට විකුණා තිබූ හාල් කිලෝ 10 මිටි 15ක් ද ,සීනි කිලෝ 50 මිටි නමයක් ද , කිරිපිටි, සබන් වර්ග, ඇතුළු අත්යාවශ්ය භාණ්ඩ රැසක් පොලිසිය සොයා ගත් බව කියයි.
ඇඹිලිපිටිය කඩදාසි කම්හල අද (18) මෙහෙයුම් කටයුතු ආරම්භ කළේය.
අයිස් මත්ද්රව්ය තොගයක් සමග අත්අඩංගුවට ගත් සැකකරුවෙකු ග්රෑන්ඩ්පාස් පොලිසියේ නිලධාරීන් භාරයේ මාලිගාකන්ද අධිකරණ භූමියට රැගෙන ආ අවස්ථාවේදී නිලධාර
සංචාරක කර්මාන්ත දියුණු කිරීම අරමුණු කරගෙන රටවල් 145 ක් සමග සම්බන්ධ වී ඔවුන්ට ආවේණික මවු භාෂාවලින් ශ්රී ලංකාවේ වීසා ඉල්ලුම් කිරීමේ නව ක්රමවේදයක් ඊයේ (17)
ඇමෙරිකානු ඩොලර් බිලියන 12 ක ස්වෛරීත්ව බැඳුම්කර ප්රතිව්යුහගත කිරීම සඳහා ශ්රී ලංකාව ජාත්යන්තර බැඳුම්කර හිමියන් සමඟ පවත්වන සාකච්ඡාවලට සහාය දීමට ජාත
දකුණු අප්රිකාව පරාජය කරමින් ලෝක වාර්තාගත ජයක් ලැබූ ශ්රී ලංකා කාන්තා එක්දින ක්රිකට් කණ්ඩායමට රුපියල් කෝටියකට ආසන්න විශේෂ මුදල් ත්යායක් පිරිනැමී
දරුවාගේ ගෙලට පිහියක් තබා මව පැළද සිටි රන් ආභරණ සහ ගමන් කළ යතුරුපැදිය කොල්ල කා පලා ගිය පිරිසක් සොයන බව පොලීසිය කියයි.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ඇඳිරියේ සුපිරි වෙළදසැල් කඩා ලක්ෂ 10ක් සොරා ගත් දෙදෙනෙක් අත්අඩංගුවට